L’amor no l’è polenta - Silveria...

Silveria Gonzato Passarelli

L’amor no l’èpolenta

Verona, novembre 2013

L’amor no l’è polenta.0

Personaggi:Iole: CasalingaGigi: Suo maritoCarlo: Figlio di Gigi e IoleLoretta: Sua moglieRiccardo: Figlio di Gigi e IoleCecilia: Sua moglieOfelia: Mamma di CeciliaOsvaldo: Suo marito

2


Atto primo

Scena primaPERSONAGGI: Iole, OfeliaIole e Ofelia sono entrambe ai fornelli per preparare il pranzo di battesimo della nipotina.IOLELa me scusa, Ofelia, me mìssiela la pearà, par piasér.

OFELIASón vegnùa prima apòsta par aiutarla! La ordina che mi fago…

IOLEG’ò proprio da ordinàrghelo?

OFELIAÒ apéna dito che són vegnùa apòsta!

IOLEE alóra la mìssia la pearà e la staga atènta parché, se la ciàpa el brustolìn, l’è da butàr via.

Ofelia si affretta ai fornelli.OFELIAPodèmo far anca quàtro ciàcole! Così laorémo sènsa gnanca inacòrsese.

IOLEVa ben, fémole. Ma la staga sempre atènta al brustolìn.

Tra séMa che pesante che l’è sto sacranón de dòna!

OFELIALa se pensa che mi, par far la polenta, me són comprà ‘na ramina de rame…

IOLEEl stagnà.

OFELIAVa ben, un stagnà. Ma al stagnà, gh’è tacà ‘n motorìn…

IOLEEh, par le madòne! Capìsso la çésta del pan, ma nar in òlta co ‘l stagnà sul motorìn, no l’ò mai sentìo! Fala la polenta fin che la va a spasso?

Iole comincia a mescolare più velocemente.OFELIAIole, la me lassa finir! El stagnà el se méte su ‘l fornèl! El motorìn el méte in fonsión la frusta…

IOLESì…la scùria e anca el cavàl!

OFELIA (tra sé)Ma d’èla póco descreansà sta dòna? Descreansà e ignorante.

A voce alta.Ma no la me lassa mai finir! No la ghe c’entra gnénte la scuria, la se ciàma “frusta” e basta. Sa dòparala éla, par missiàr, quando la buta zó la polenta?

IOLE…Sa g’ò da dirghe la verità, no l’ò mai ciamà. Come se ciàmelo quel mestiér lì in dialèto?

OFELIA

3


Mi g’ò sempre ciamà “frusta”…No sò mia come se dise in dialèto.

IOLEChe stupida che són, me són desmentegà che éla l’è sempre stà ‘na citadìna.

Iole mescola ancora più velocemente.OFELIADove ero rivà? La me fa pèrdar el fil!

IOLEA la scùria.

SCENA SECONDAPERSONAGGI: Iole, Ofelia e Gigi

Entra Gigi e, senza essere visto da Iole, si siede in poltrona a fare le parole crociate.OFELIAEl motorìn el fa girar la frusta e così se mìssia la polenta sènsa che éla la ghe mèta man.

IOLEMa varda ti, no i sà più sa inventàrse! E magari, quando la polenta l’è còta, el le roèrsa su la panàra e dopo el se smòrsa da par lu solo.

OFELIAMa adesso éla la pretende massa!

IOLEMi no pretendo gnénte, parché me la mìssio mi la polenta!...E posso anca tocàrla parché le me mane iè sempre pulite.

OFELIA (tra sé)Cominciando pure lei a mescolare più velocemente.Èco che la scomìnsia co ‘l volérme far capir che éla l’è la mèio de tute.

A voce alta.Ma no l’è mia finìa lì! Mi me són dita “Ma se se mìssia la polenta, parché no provar ancaco’ la pearà? Ben, par fàrghela curta, m’è vegnù fóra ‘na pearà, sènsa fadigàr a star lì amissiàr, che no ghe n’ò mai sentìo de piassè bòne.

IOLE (mescolando sempre più velocemente)Co’ sto giro de parole, vórla fòrsi dirme che l’è straca de missiàr? La lassa lì che me la mìssio mi o ciàmo me marì.

Gigi alza lo sguardo un po’ allarmato, poi continua con le parole crociate.OFELIAMa no la schersarà mia, èra? Lo fasso volentieri. Par el batésimo del ME butìn, fago questo e altro, se ocór.

Entrambe, quando parlano del nipotino, calcano su “me”IOLEMaria de oro! Ghe dasìo zà la pearà al ME butìn? El g’à tri mesi! E dopo disì che la g’à sempre el culéto rosso…Par fòrsa, pòra animéta!

OFELIAMa no la dirà mia sul serio, èra?

IOLESa vórla che sàpia mi come se usa in cità!... Pòro el ME butìn!

OFELIAParché “pòro”? L’è in bòne mane, sala?

IOLE

4


No lo méto in dùbio!... Quéle mane lì le g’à anca le ónge rosse! I butìni i se gòde co ‘l rosso…Anca i tori i se gòde.

GIGI (tra sé, sollevando lo sguardo)Èco che la scomìnsia a preparar el clima giusto par ‘na festa de batésimo. La se meritaréache ghe cascàsse la léngoa ne la pignàta che l’è drìo missiàr.

Gigi torna a fare le parole crociate.OFELIAPerò, la diga la verità…

IOLEParché? De solito dìgo busìe mi?

GIGI (tra sé)Vaca bòia, l’è zà bèla che insustà. Vardè in che maniera la mìssia! Domàn ghe vegnarà lacarne grèa. Ma anca quel’altra la mìssia ben. Ghe vien la desfàntola sóto el brasso a tutedó. Sperémo che le se sfóga adesso e che, par la festa, le sia sfinìe.

OFELIAMa schèrsela, Iole?

IOLELa senta, ghe lo digo ‘na òlta par tute: mi no schèrso mai!

OFELIAMa l’è un modo de dir!

IOLEL’è mèio che la dròpa un modo de far: la mìssia, se nò ghe se taca la pearà…Sa voléela dirme?

OFELIAÉra drìo dir qualcosa?

IOLEMe pàr de sì.

OFELIAE cosa?

IOLESe no la le sà éla!…

OFELIAAdesso me vegnù inaménte. No ghe faréa mia comodo ‘na pignàta come quéla che dròpo mi?

IOLEQuéla co’ ‘l motorìn?

OFELIASì, quéla co’ ‘l motorìn!

IOLENò, gràssie. Mi preferìsso nar a pié. No lo vói el motorìn e gnanca la bicicléta.

OFELIA (tra sé)Próo a tórla in rìdar, se ghe la fago.

(A voce alta, ridendo)

5


E dopo la dise che no la schèrsa mai! A mi, la me fa morir dal rìdar!

IOLEMi no rido mai quando la parla éla!

Ofelia ride ancora di più.

GIGI (tra sé)Sa sucéde adesso?

IOLE (tra sé)Se no l’è dólsa sta qua, no ’l d’è gnanca el miél. Sperémo ch’el ME butìn no ‘l ghe soméia!

A voce alta.Al dì de ancó, tra lavatrice, lavapiàti, quel che tàia le verdure, quel che fa el pan, la pasta e‘n saco de altre robe, el cortèl lètrico, el mìssia pearà e tuto el resto, le dòne le pól star lì a gratàrse la pansa.

GIGI (tra sé)Vaca boia!

OFELIA (tra sé)Questa la me vien a mi. La g’à ‘na léngoa che l’è pèzo de ‘n coltèl. Sperémo ch’el ME butìn no ‘l ghe soméia gnanca ne le ónge dei pié!

IOLEQuando le se stufa de star lì a no far ‘na madòna, le pól darse el color a le ónge de lemane e anca dei pié, se le ghe riva ancora, se nò le va da la manecurìsta. Le se fa leceréte par i peli in più…Mi no ò gnancóra capìo quai iè i peli in più…L’è come quando ibrusca le vigne. Come fai a savér quài iè i rami da taiàr... Sa éro drio a dir?

OFELIALa parlava de le ónge.

IOLEBràa! Parlàa proprio de ónge. Ma con quéle, avéa zà finìo. Voléa parlar de quéle dòne chese fa anca le màscare da métarse in fàcia. Ghe n’è de quéle brute nefande, co’ la pèle tutarapolà, che le crede de deventàr bèle co’ ‘na scassolà de sporcarìa in fàcia…Pòre dòne!Le resta come iè e, in più, le spende ‘na mùcia de schèi par gnénte. Le va da la paruchiéraogni setimàna…’N’altra roba che no capìsso l’è parché le dòne, a ‘na certa età, le devèntatute bionde, e magari i bafi i ghe resta scuri o mèzi grisi. Po’, le va a far sòpin, che no vólmia dir andar a far la spesa , vól dir far ‘n’altra roba, ma no sò mia cosa. Le va a zugàr acarte con quéle come lóre. Po’ gh’è la scóla del lìssio… e i Nane dei marì iè ancacontenti…

OFELIA (tra sé)Ciàpa Ofelia, anca queste iè par ti!

a voce altaOgni dòna la fa le so sèlte…E po’, dipende anca da la scarsèla…Noàltri, par fortuna, con dó bèle pensión, no gh’émo problemi.

IOLE (tra sé, mescolando sempre più velocemente)Cagóna ti e anca tuti quei de la to rassa malcunà.

A voce alta.Gnanca noàltri gh’émo problemi! Ci crédela che àbia crompà tuto sto ben de dio?

GIGI (tra sé)Se no ne prestàa i schèi me sorèla, al massimo saréssino riva a métar su la tòla ‘na fritàia co’ la séola.IOLE (tra sé)

6


Cani da l’òstrega, gnanca ‘n Euro ià tirà fóra lóri! E quando i n’à invidà a casa sua par far le conossaùre, gh’émo portà la fugàssa e el vin casalìn. E quel che è vansà i se l’à tegnùo,quei piociósi!

A voce alta.A mi, no me piàse mia tute quéle monàde de la cagnàsta, del buràco, che mi lo credéa un buro de montagna. Se me vien la óia de zugàr a le carte, me fasso ‘na scopa con me marì.

GIGI (tra sé)Sì, proprio mi! Pitòsto de zugàr a carte, vago a petenàr me suocera.

IOLEI pié e le mane mi me li lavo! No són mia così stupida da pituràrmele de rosso …L’è tutaroba chimica… Mìssiela la pearà, par piasér?... Insóma, mi no g’ò mia bon tempo egnanca vói avérghelo.Par piasér, pórla far de manco de tastar? Mi, quando tasto, no dròpo mia el déo! E sedròpo el cuciàr o el pirón, prima de tastàr ‘n’altra òlta, i cambio, sacranón!

OFELIAIole, no ò tastà ‘n bel gnénte. G’avaréa el déo còto. E la varda che le mane mi me le són lavà e anca disinfetà…

IOLECo’ la mocaìna?

OFELIA (fra sé)Sa èla?... Mi ghe digo de sì.

A voce altaSì.

IOLELa se pensa che gh’è de le dòne che le se pitùra le ónge par scóndar el nero che le g’à sóto.

OFELIA (tra sé)La me passiènsa l’è drio a finir. Quéla lì la vól farme s-ciopàr. L’è piassè velenosa de ‘na vìpara.

A voce alta.Ma con ci ghe l’àla?

IOLEI presenti iè sempre esclusi…i dise. La bràa dòna de casa no la g’à mia bontèmpo e no la se dà mia el smalto.L’è roba chimica…e velenosa.

OFELIALa l’à zà dito.

IOLEE lo ridìgo. La fa vegnér i tumori e se móre. Vórla che fassa morir i me fiói, i ME neodìni e anca me marì?

OFELIAE me fióla? Le làssela morir?

IOLEQuando la se netarà le ónge, ghe metarò drénto anca éla.Iole si accomoda la cuffia bianca che ha in testa.

7


Éla se métela la scùfia quando la fa da magnar? Che stupida che són: me són desmentegà che éla la dròpa el motorìn. Ma voàltri magnéo sempre polenta e pearà?

OFELIA (Tra sé)Ma varda ti sa me tóca soportàr par no ruinàr la festa del me butìn.A voce alta.Dipende da le vóie che gh’émo.IOLEGhe n’avìo par tute le vóie, voàltri? Ma quanto èlo grando el so frigorìfaro?OFELIAÉmo crompà el piassè grando de tuti quei che émo visto.IOLEOfelia, el campanìl de la so ciésa èlo più basso o più alto de la so casa?OFELIAPiù alto! Ma che domande me fala?GIGI (tra sé)Fin che posso, l’è mèio che me ne tègna fóra. Vardàndola parlar con altra gente, la me pàrancora piassè rabiósa de quando la barùfa con mi…Ma mi me la són sposà, i altri nò. Va afinir che, ‘na òlta o l’altra, la se le ciàpa.IOLE‘Na semplice curiosità. Senténdola parlar del frigorìfaro, m’è vegnù spontaneo domandàrghe de la casa.OFELIA (tra sé)Sta qua la sèita a tórme in giro.IOLELa senta, g’àla anca el motorìn par métar la sal e el péar?OFELIAVèndeli anca quel mestiér lì?IOLESa vórla che sàpia mi. L’è éla che, quando la va a far sòpin, la varda in tute le vetrine…Le tripe le mìssiela co’ ‘l mìssia polenta?OFELIA (tra sé)Adesso basta!A voce altaNò, lo mìssio co’ la spassaóra.IOLE (tra sé)La fa la furba, ma se la spèta che ghe daga sodifassión, la se sbàlia de grosso.A voce altaPerò, che bèla idea, vói proàr anca mi. Basta ‘na spassaóra qualsiasi o ghe vól quéla col motorìn?Iole si gira per appoggiare una pentola sul tavolo e vede Gigi.IOLESa fèto lì?Gigi scatta in piedi e nasconde le parole crociate dietro la schiena.GIGIGnénte. Gnénte de gnénte.IOLEE te pàrelo questo el momento de no far gnénte?GIGINò.IOLEE alóra scomìnsia a pareciàr la tòla !...Gigi si precipita ai cassetti.

8


El pirón a sinistra. Tri bicéri. Quàtro piàti paròmo… o se nò, méteghe lì tuto el servìssio, così i se ràngia.GIGIMa un servìssio solo no l’è mia bastànsa.IOLEE alóra méteghe anca i piàti scompagnè. I pól magnàrghe istésso.GIGIGhe n’è de crepè.IOLEQuei tiènteli ti…Me són desmentegà de dirte che prima ghe va la tovàia.GIGISaréa mèio métarghela par de sóra! Gh’è tante de quéle mosche!OFELIASe gh’è qualcosa che no sopòrto, iè le mosche: le me méte ‘n’agitassión…IOLEPar copàrle, no g’àla mia qualcosa co’ ‘l motorìn?GIGIIole, fala finìa. Va a finir che, invésse de la festa, fémo ‘n barufón…E no pensar che mi e to fiól te démo resón, parché te te sbali de grosso.IOLENo l’ò mai pensà.OFELIA (sottovoce)Gràssie, Gigi. Se no ghe fusse lu…GIGI (sottovoce)No l’è mia catìa, l’è solo che l’è…che l’è…no lo sò mia sa l’è.IOLE (a voce alta)La pearà!...La tòla!Ofelia e Gigi corrono ai loro posti.GIGIGh’èto paura che ciàpa el brustolìn anca la tòla?Ofelia ride.IOLEChe spiritoso che te sì!OFELIALa se ciàma fortunà, Iole! La g’à ‘n marì da invidiar.IOLEPar carità, l’invidia la sassìna ef fegato. Se la vól, ghe lo dago. Quando el sarà rimbambito dal tuto, la ghe méta un motorìn ch’el ghe cópa tute le mosche.Ofelia ride. Gigi, per far sentire la consuocera a suo agio, finge di ridere pure lui.IOLE (tra sé)Du dólsi!A voce alta.Gigi, se proprio no te rièssi a far de manco de rìdar, falo fin che te paréci la tòla!...Gigi, i tovaiói mételi nei bicéri piassè grandi. Piégheli in modo che vègna fóra ‘na rosa.GIGI (tra sé)In vita mia, mi no ò mai fato rose, né co’ i tovaiói, né con altre robe.Gigi comincia a provare.A voce alta.De che rassa la vuto la rosa?IOLEVa a reméngo ti e çènto dei to parenti!GIGI (facendosi serio)Iole, crédito fòrsi che tasa parché gh’è l’Ofelia? Te lo sé che quando te parli dei me parenti, me imbèstio. Stà ben atènta a quel che te disi.

9


IOLEÀla visto che marì che g’ò? Prima gh’è so mama, dopo gh’è so sorèla, dopo tuti i altri e, proprio in fondo, nei calcàgni, fòrsi ghe són mi co’ ‘l me Pipéto.Iole si rivolge al suo canarino.Pipéto bèlo de la mama!... Poaréto el me Pipéto!GIGI (tra sé, trafficando col tovagliolo)Solo ‘n çarveléto de useléto el pól nar d’acòrdo co’ ‘l çarvèl de la Iole.OFELIAAncó la se trova con tuta la casa rebaltà…e, a le óndeze, gh’è da andar in césa. Come fala a far tuto?IOLECome fago? No l’à dito che l’è vegnùa presto par giutàrme?OFELIASì.IOLEBon, no gh’è problemi. La me giuta éla!OFELIAÀla fato ora a far i lèti.IOLENò, quei la me le fa éla!GIGIIole, dèto de mato?IOLENò, parché?GIGITe dovaréssi capirlo da par ti sola parché.IOLEOfelia, ghe fa schifo rifàrme i lèti?OFELIA…Nò, ma no élo mia mèio inciavàr la porta de la càmara e basta?IOLEFala sempre così éla?OFELIANò, me vien la dòna!IOLEE a mi me vien l’òmo. Gigi! Va a far i lèti!GIGIMa se te iè fati stamatìna a le çinque. Varda ti a che ora la m’à fato alsàr!IOLEDalbòn? Se vede che iò fati sorapensiér, parché no me ne ricordo gnanca!Rivolta a Ofelia.Me despiàse, Ofelia! Ghe tirarò fóra qualcos’àltro da far.OFELIAVa ben.GIGI (tra sé)Ancora ‘n’ora così e la le fa morir…E tuto parché l’è piassè gelosa de Otèlo. L’è gelosa deineodìni, dei fiói, del marì…parfìn de Pipéto. Con mi la fa la gelosa par me mama, nò par lealtre dòne!...No ghe n’ò. La Iole la me basta e me ne vansa.IOLELa capìsso, sala?! Lo sò che se stà mal quando se resta lì, co’ le mane in man, a vardàr laparóna de casa che la laóra come ‘n musso. Noàltre dòne sémo fate così. Èra, Ofelia? Come la capìsso!...La pearà, par piasér.OFELIA

10


Ma fin che sémo in césa, no se sassìnelo mia el magnàr? L’éra mèio se andàino al ristorante!IOLESe l’éra mèio, l’avaréa dito. Se no l’ò dito, vól dir che no l’éra mia mèio.GIGI (tra sé)In logica, no le bate nissùni la me Iole! “ Parché?” “ Parché de sì”…Più logico de così!OFELIASe ghe va ben a éla, me va ben anca a mi. Ma come fémo par el magnàr? Vien tuto frédo.El risòto el devènta cosìta lóngo, ch’el ne vien a tór in césa, i tortelìni i se gonfia e i devènta tuti molegàti…IOLE…la pearà la pararà fata de slòte de tera, el codeghìn el sarà tuto inseà, el resto le se le magna tuto le mosche. A ogni modo, no gh’è né risòto, né tortelìni.OFELIAL’ò dito mi che l’éra mèio andar al ristorante.GIGIIole, vàrdeme ben in fàcia.IOLEParché? Sa gh’è de nóvo? Te sito taià i bafi?GIGINo me són taià ‘n bel gnénte! Ànsi, ò pensà de farme créssar anca i cavéi e la barba, così,quando te me farè far le solite figuràsse, no ghe sarà mia bisogno che çérca ‘n posto andóe scóndarme, sarò zà sconto! Se te credi che, el giorno del batésimo de la me neodìna, mi magna roba fréda e spapolà, te te sbali de grosso. Te stè a casa e te tègni tuto in calda! Òstrega! Vedémo mò. Te fago védar mi ci l’è che comanda qua.Iole trattiene a stento le lacrime, ma poi esplode in un pianto dirotto.IOLELo savéa mi che me avaréssi impedìo de védar el batésimo del me butìn! Ghe dago fastidio a tuti!...L’è mèio che móra!...Con tuto quel che ò laorà!...Ècoli qua i ringrassiaménti!...Cosa v’ò fato mi de mal?...Se volì védarme morta, disìmelo che la fago subito finìa. E no vói gnanca che vegnì in cimitero, ansi, no vói gnanca andàrghe in cimitero, vói èssar brusà…e la me çénar, vói che la portì…GIGI E OFELIA (commossi)Andóe?GIGI…A Corbiòl?IOLENò.GIGI (rivolto a Ofelia)Ghe piaséa tanto andàr a Corbiòl!IOLEGh’è l’orso!GIGIA Boscocesanóva?IOLENò! L’è massa vissìn a l’orso!...Spampanème al parco giochi così podarò védar i me butìnituti i giorni!...Come éla!Piangono tutti.

SCENA TERZAPERSONAGGI: quelli della scena precedente ai quali si aggiunge LorettaEntra Loretta. Indossa l’auricolare, si muove a ritmo e ha in bocca la gomma americana.LORETTA

11


Mama mia, sa è sucèsso?...Iole…Gigi…sa g’avìo?...È sucèssa ‘na desgràssia?...È morto qualchedùn?GIGISì.LORETTACi?IOLEMi!...(a voce alta rivolta a Ofelia) La pearà!LORETTAMa sio deventà tuti mati?... Avìo beùo?... È morto qualcunàltro oltre che la Iole?OFELIANò.LORETTAE alóra, se no la fasì finìa, ve buto ‘n sécio de àcoa adosso!IOLEPróete solo e te vedarè sa te sucéde…E rispèta to suocera.LORETTA (tra sé)L’è sempre éla! L’è drio tornar su la sua!A voce alta.Gigi, el se calma, no è sucèsso gnénte! Sióra Ofèlia, ma schersémo? No g’àla altro da far?...(tra sé)’Na roba compagna no me la saréa mai spetà. Ma sa gh’è saltà in mente?Pian piano si calmano tutti e tre. Ofelia è ai fornelli.OFELIAIole, ghe se brusa el ragù.IOLEE la ghe daga ‘na missiàda! Ghe vól tanto?OFELIAMa mi g’ò la pearà!IOLEFala fadìga a slongàr ‘n àtimo el brasso?OFELIANò.IOLEAlóra la le slónga!GIGIIole, ma parché me fèto sempre vegnér el nervoso? Èto visto sa sucéde dopo? Stémo maltuti quanti!LORETTAAdesso me disì, con calma e ben ciàro, sa è sucèsso…E se l’è ‘na stupidàda, fasì i conti con mi parché, par póco, no me faséi morir dal spaènto.IOLEAndóe vuto èssar spampanà ti?LORETTACosa?...Adesso basta! No vói sentir gnénte, parché la sarà de sicuro ‘na semàda. Sughève i òci e la fàcia e contève le bazeléte.Loretta si rimette la cuffia e si muove a ritmo. Prende la scopa e comincia a scopare sempre a tempo di musica. Gigi si siede in poltrona con le sue parole crociate. Iole e Ofelia sono ai fornelli. Iole grattugia il formaggio con gesti esagerati. Poi la sua attenzione è attirata dalla nuora.IOLE (sottovoce)D’èla póco dólsa sta qua? Gigi…Gigi….(urlando) Gigiiiii!GIGIM’èto ciamà?IOLE

12


Te éri drio a far le parole crociate, èra?GIGICi? Mi? Figùrete! Éro solo drio a lézarle!IOLEChe malcunà che te sì!GIGIGuai a ti se te tiri fóra me mama!IOLEE da andóe dovaréa tirarla fóra?GIGINo te rispondo gnanca. Te fè sempre la finta tonta par farghe far la figura dei stupidi ai altri.IOLEE ti rispóndeme quando te ciàmo!GIGISe te me ciàmi con un fil de voce, come fago a sentìrte?IOLECon un fil de voce? Ma se m’è andà el piroléto nel ragù!OFELIASa gh’è andà nel ragù?IOLEEl piroléto!OFELIAE sa èlo?GIGIL’è quel mestieréro che spingola in zó in fondo al palato.OFELIANo ò mia gnancora capìo sa l’è. Me le falo védar?IOLESa vórla védar éla?OFELIAEl piroléto, Iole! Solo el piroléto, parché no l’ò mai visto.IOLEE la dovéa vardàrlo! Ma nò quel de me marì!...E ti, baùco, fèto tuto quel che i te dise?GIGIMa sa èto capìo?IOLEQuel che te éri drio a mostràrghe.GIGIE sa gh’è de mal?IOLESa gh’è de mal?! Ma te pàrela ‘na roba seria?GIGISe g’ò da dirte la verità, ‘na s-ciànta de imbaràsso l’ò proà. Star lì, co’ la bóca vèrta a farghe védar el piroléto a ‘na dòna, no ‘l me pàr mia tanto dignitoso.IOLEPreferìvito fàrghelo védar co’ la bóca serà?GIGICome faséela a védarlo se tegnéa la bóca serà?!IOLEMa andóe ghe l’èto ti, el piroléto? Mi ò sempre pensà che le ghe l’avésse solo le dòne!GIGIGhe l’ò andóe te ghe l’è ti!IOLE

13


Parché? Ghe l’ò ancora?GIGIIole, èto capìo, almànco de cosa parlo?IOLEDel piroléto!GIGIE sa èlo el piroléto?IOLECredéa de savérlo, ma adesso, me s’à confuso tute le idèe…Gigi si avvicina a Iole e apre la bocca. Prova a parlare con la bocca aperta, ma non ci riesce. Allora la chiude.GIGIVarda in fondo al palato e dime sa te vedi.Gigi riapre la bocca. Iole si avvicina con cautela. Gigi le indica dove guardare. Iole guarda,OFELIAVói védar anca mi. Són stà mi la prima a domandàrghe de farmelo védar!IOLEE ghe pàr de avér fato ‘na roba bèla?OFELIAE sa gh’è de mal?IOLEOgnuno el g’à da tegnérse i piroléti sói. La vaga al spèio e la vèrza la bóca, la faga aaaaa e la vedarà che la se le vede, Se nò, la ghe domanda a so marì de fàrghelo védar.GIGIMa ti l’èto visto?IOLESì, el m’à fato anca ‘na s-ciànta senso. No l’ò mai savù che te ghe l’avéi anca ti.GIGINo te lo vàrdito mia ti?IOLEVardarò dopo.GIGINo te interèsselo più?IOLESenti, pitòsto, èto visto la sèmpia de la to nuora?GIGISì che la vedo. Ma parché me fèto sta domanda?IOLEMa te pàr che la sia normale?GIGIA mi sì.IOLEAlóra te sì sémo come éla. Va a cavàrghe quei coèrcioli che la g’à ne le réce, che g’ò da parlàrghe.Gigi si avvicina alla nuora e le fa cenno di levarsi gli auricolari. La giovane ubbidisce e si avvicina a Iole.E pensar che, prima de sposàrse la paréa sant’Agnese!LORETTAG’àla bisogno de qualcosa?IOLEDe qualcosa? G’avaréa bisogno de tante de quéle robe mi, che no te pól gnanca imaginàrte.Senti, in confidènsa, te càpita de spesso de far de quei ati lì?LORETTA

14


Quài ati?IOLEQuei che t’è fato fin adesso.LORETTALo fago dó tre volte al giorno.IOLEMaria de oro! E me fiól èlo contento?LORETTASe intèndela me marì?IOLEE ci dovaréa intèndarme?LORETTAÉla la ghe n’à du de fiói.IOLEE, par ti, uno o l’altro èlo istésso?LORETTAPar mi nò, ma par éla la dovaréa èssar così.IOLEVuto insegnàrme a far la mama?LORETTAPar carità, mi g’ò ancora tuto da imparar!IOLEAlóra, vuto dirme se me fiól l’è contento quando te fè quei ati lì?LORETTAMa, la senta, Iole, sa dovarésselo far me marì quando el me vede spassàr?IOLEAdesso ò capìo che no t’è mia capìo.Mi me intendo tuti i estri che te fè quando te gh’è in testa el stuparéce. Te me pàri ‘n’avamàta! Se te vede qualchedùn, no credo ch’el possa imaginàr che, a casa, te gh’è du fiói e uno dei me fiói.LORETTA (tra sé)E dàghela co’ sto “me fiól”! Va a finir che ghe digo ‘na parolàssa!A voce alta.L’alégria l’è la qualità mia che de mi, a ME MARI’ ghe piàze de più.GIGIAnca a mi la me piazaréa.IOLESa èlo che te piazaréa a ti?GIGI‘Na s-ciànta de alégrìa in casa, sacranón! Me pàr de èssar davanti al “muro del pianto” !IOLESa sarésselo sto “muro del pianto”?GIGIQuel andóe te te insùchi!IOLECome quel che gh’émo nel coridór?GIGIProprio come quel!Tra sé.Se çercàsse de fàrghe capir sa l’è veramente, no ghe riussiréa mai.IOLESe te credi de far butàr zó el spigolo del coridór, te te sbàli de grosso. Quel lì l’è un muro“importante”.LORETTA

15


Parché èlo importante?IOLEParché l’è importante.GIGI (tra sé)La logica de me moiér. No la fa ‘na piega!IOLEA casa tua no ghe l’èto mia el muro importante?LORETTAPar mi iè tuti importanti!GIGISpèta, spèta che fòrsi ò capìo. Iole, te intèndito el muro portante?IOLEL’è ‘n’ ora che ve lo ripèto!GIGIIole, sacranón, se dise portante.IOLEE mi, sa avénti dito?GIGILassémo pèrdar, no te lo capiréssi mai.IOLEParché mi són ignorante, èra? Dai, dilo che són ignorante! Sa spètito? Quando te rièssi a umiliàrme davanti ai altri, te créssi de du chili! ‘Na òlta o l’altra te s-ciòpi. E mi no tógo su i to tòchi gnanca se te móri. (Con voce da pianto) Anca de l’ignorante me ciàpo! Questi iè i ringrassiaménti par ‘na vita de fadìghe e de preocupassión!Loretta si rimette la cuffia.OFELIA (tra sé)Ma sto qua l’è ‘n manicomio! I me spaènta el butìn! Sperémo che l’àbia ciapà da la nostra rassa! La credéa solo ‘na s-ciànta originale e invésse l’è proprio fóra de testa. Adesso, ghedomando a la sposéta se la me impresta la scùfia. ‘Na s-ciànta par òmo! Ma come àla fatosta buteléta a mantegnérse così alégra?...Ghe crómpo ‘na scùfia anca a me fióla. Cissà seghe n’è anca par butìni!... E varda quel Nane come el ghe stà drio! El l’à invissià. Savaréa mi come tratàrla!...La lassaréa piànsar fin che no se ghe séca i òci.IOLE (a voce alta)La pearà!OFELIAE quéla che t’à cunà!...(tra sé) Adesso la me cópa. Ò perso la passiènsa e anca la testa.Iole resta esterefatta. Gigi si mette le mani nei capelli. La nuora continua a muoversi a tempo di musica.IOLELa ringràssia el Padreterno de èssar imparentà co’ i me neodìni, se nò la saréa zà in strada co’ le ciàpe par aria.GIGITasi, Iole, te sassìni tuto!IOLETasi ti e vien a mìssiàr la pearà, che sta qua no l’è bòna de far gnénte.OFELIAÉla la sarà bràa in casa, ma…IOLEE éla in strada, magari sul marciapié…GIGIIole, disi subito parola indrìo…Subito t’ò dito!IOLEVa a reméngo ti e tuti quei che fa par ti.GIGI (tra sé)

16


Sta òlta l’è mèio che faga finta de no aver sentìo: són zà bastànsa incassà…Che figuràssa!...E tuto par la so maledéta gelosia!A voce alta.Ma te rèndito conto de quel che te gh’è dito? Lo sèto che la podaréa denunciàrte?IOLEDenunciàrme? No ghe n’è altre de bèle?GIGIGhe n’è de bèle!...E anca de bòne! Sacranón bèlo!...Domàndeghe scusa. (Rivolto a Loretta) E ti, par piasér, finìssela de remenàrte! No capìsso più gnénte! Spèta che se calma ‘na s-ciànta le àcoe e dopo fa quel che te vól. Ma adesso férmete, par piasér! Me s’à sgionfà parfìn le vene de la testa!IOLE (girandosi di scatto verso il marito)Stèto mal? Maria de oro, che rosso che te sì! E te gh’è le réce viola! Sa te sèntito? Te misuro la pressión? Te fasso ‘na camamìla? Vuto la coramina? Fame sentir el polso!GIGIAiuto, mama!IOLEQuando te ciàmi to mama, mi te lassaréa morir!LORETTAMa sa dìzela, Iole? El móre sul serio, poaréto!IOLEPoaréto!...Poaréto lu?! Poaréta mi! L’è ‘na vita ch’el me móre!LORETTA (tra sé)‘N altro, al posto del Gigi, el saréa zà morto e desmentegà.IOLESa no ghe fosse mi che ghe stago drio, no ‘l saréa rivà gnanca a sposàrse. Quel sacranónde dòna la me l’à dato difetà, sènsa dirme gnénte…Come stèto, Gigi? Te passa?...Vuto che te méta ‘n sugamàn bagnà su la testa?Gigi fa no con la testa.IOLETuto nò. Se par caso te móri, varda de no darme la colpa mi! Mi son pronta a far tuto quel che ocór. L’è mèio che te scrivi su ‘n biliéto che t’è fato tuto par conto tuo! Firmelo e méteghe la data de ancó.Iole prende penna e foglio.LORETTABasta! La le faga finìa ‘na bòna òlta! La me fa vegnér mal anca a mi! Ma sa g’àla indosso sta dòna, che l’è sempre piena de ràbia?! La me pàr indemonià!IOLEEhi, buteléta, ci crédito de èssar deventà parché t’è sposà un me fiól?LORETTALa so nuora són deventà! (Tra sé) e ‘na desgràssia pèso de questa no la podéa capitàrme! Sperémo che i me fiói no i àbia ciapà da éla! Prima che i me vègna su storti, l’èmèio che i porta a la Madòna de la Corona e che ghe faga dar ‘na bèla benedissión.A voce alta, rivolgendosi a Ofelia che sta piangendo sommessamente.La se méta calma, sióra Ofelia, e no la staga gnanca badàrghe. La fa così con tuti. Èco, la tègna questa, così no la le sente più.Loretta infila la cuffia a Ofelia.OFELIAGràssie, cara!IOLELa pearà!LORETTAE va ben, la mìssio mi! Èco, l’ò missià! A éla ghe interèssa piassè la pearà de so marì.IOLE

17


Buteléta, adesso basta. E dopo saréa mi quéla che g’à ‘n bruto caràtare? Pòro fiól! Con tuta la fadìga che ò fato a métarlo al mondo! La comare no la savéa gnanca da che parte ciapàrlo. L’è stà ‘n parto pedàlico, par póco no moréa.GIGI (con un filo di voce)Podalico, Iole, podalico.IOLEGnanca mèzo morto no ‘l fa de manco de umiliàrme! Mancomàl che i to fiói i me soméia a mi!LORETTA (tra sé)Ghe domando a me marì de tórse ‘n giorno de ferie e ancora domàn se va tuti a la Madòna de la Corona.IOLE (sottovoce al marito)Gigi, come stèto? Sito calmo adesso? (piagnucolando) Me despiase che te staghi mal… Són tanto nervosa e no sò gnanca parché. E ti te stè mal par colpa mia…Pòro el me Gigéto! Vuto far le parole incrosè?Gigi fa sì con la testa.Ècole qua caro. Pàssete via ‘na s-ciànta…T’èla simpatica a ti l’Ofelia?Gigi s’affretta a dir di no con il capo.IOLELo savéa mi! Se te piàso mi, quèla fiàpa lì no la pól mia piàsarte.Gigi continua a negare.Dai, caro, fa le to parole incrosè. Vuto che te giùta?GIGI (allarmato)Nò, cara, te zà fato anca massa.IOLEMa sa faréssito se no ghe fosse la to Iole?!Ofelia, ai fornelli per mescolare la pearà, comincia a muoversi a tempo di musica; prima appena appena, poi in maniera più marcata. Iole se ne accorge.IOLEMa sa fala quéla là? Ghe scapa?Loretta e Gigi guardano nella direzione di Ofelia.LORETTALa bala, sa crédela che la faga? G’ò imprestà la me cùfia.IOLEMa quéla scùfia lì fala deventàr sémi tuti quei che se le méte?GIGIIole!...IOLEDime, caro.GIGIFa la brava!IOLEGhe la stò meténdo tuta, caro!...Senti che spostamento d’aria che la fa con quéle ciapòte. Gigi, métete el golféto se nò te me ciàpi la broncopolmonite…No me ne són mai incòrta che la g’à anca le varicose. Mi són fortunà, g’ò ancora le gambe de ‘na butèla de vint’àni. El me l’à dito anca el dotór.LORETTADa qual dotór vala? Da quel in piàssa? Da quel che g’à i ociài con le lenti che pàr fondi de bicér?IOLESì, proprio da quel! Parché?LORETTAParché…parché l’è el piassè vècio, quel con più esperiensa, e s’el l’à dito lu, gh’è da crédarghe.

18


IOLEMi no l’ò mai messo in dùbio!...Senti, Loréta, no se pól mia smorsàrghela quéla scùfia lì?LORETTAParché? La lassa che la se gòda, poaréta! Che fastidio ghe dala?IOLEA mi no la me dà nissùn fastidio, ansi! Ma g’ò paura che, con quéle mosséte lì, ghe se desvìda el dedrìo. Ci èlo, dopo che ghe le riméte su?LORETTATe paréa?! Ghe lo riméto su mi. Ò fato ‘n corso de bricolage.IOLESa èlo che t’è fato?LORETTA‘N corso de bricolage. Ma parché fala quéla fàcia lì?IOLEMa le salo me fiól?LORETTASì. El me l’à dito lu de andàrghe!IOLEMaria de Oro! No laórelo più me fiól?LORETTASì ch’el laóra!IOLECiàpelo bastànsa?LORETTADiscretamente. Ma ghe ne vól sempre tanti.IOLEGigi, èto sentìo anca ti quel che ò sentìo mi?GIGISì.IOLEE no dìsito gnénte?GIGISa vuto che diga. Iè sposà, iè paróni de far quel che i vól.IOLEMa Gigi!LORETTAMa sa avénti fato de mal?IOLEGigi, no la sà gnanca de èssar in pecàto mortàl.GIGIParché in pecàto mortàl?IOLET’è sentìo anca ti!GIGIMi no ò sentìo nessùn pecàto mortàl!IOLEMa Gigi! L’è andà a far el corso par far el laoro che la fa la Noemi.GIGIQuala Noemi?IOLELa Noemi Dalavìa!Gigi comincia a ridere.IOLE

19


Ma sa gh’èto da rìdar? Sa t’è vegnùo adesso? Maria de Oro el me fa ‘n colpo… Respira! Gigi! Respira! Loretta, ciàma la croce verde! LORETTAParché? No l’émo ciamà gnanca prima ch’el stava mal, vórla ciamàrla adesso che l’è lì ch’el ride?GIGI (ridendo)El corso de bricolage….el laóro che la fa la Noemi…La Noemi la fa la brica!...Comincia a ridere anche Loretta.LORETTASta parola no l’ò mai sentìa, ma penso de aver capìo sa vól dir.IOLESón sempre mi quéla che no capisse gnénte!LORETTAGhe mancàa póco che la me mandàsse a confessàrme.GIGI (sempre ridendo)La credéa ch’el Carlo el fosse restà disocupàto… Quando la me fa far ste sganassàde qua, mi ghe perdono tuto…G’ò parfìn le làgrime ai òci!IOLEEh, dólsi tuti du, volìo dirme parché stasì lì a spansàrve dal rìdar?LORETTA (ridendo)Bricolage no vól mia dir quel che l’à pensà éla…IOLETe paréa che sta òlta avésse capìo giusto? Quando parlè con mi, me fasìo el piasér de parlar italian…Ànsi, saréa mèio che parlàssi dialèto, quel che se parla verso san Michél.LORETTAEl bricolage l’è el “fai da te”!IOLEAncora pèzo!GIGIIole, lo sèto sa vól dir “fai da te”?IOLEMe crédito ignorante dal tuto? Vól dir rangiàrse.GIGIA far che?IOLEGhe n’è de robe che se pól far! Ghe n’è de bèle e de brute assè.GIGISa fasso mi quando se brusa ‘na lampadina?IOLETe me mandi mi a compràrghene ‘n’altra.GIGIE dopo?IOLEE dopo te te incàssi parché me fermo a ciacolàr co’ la Teresina.GIGIDai, Iole, no stà tirarla massa par le lónghe!... E dopo?IOLEVèrzo el portón…GIGIAvanti! Avanti!IOLECalma! Vuto che me cópa? Fago le scale de corsa ( tanto par contentàrte), te dago la lampadina e ti, diséndomene par i pòrchi, te la méti al posto de quéla brusà.GIGI

20


Oh, ghe sémo rivà finalmente! Èco, Iole, no ò mia ciamà l’eletricìsta, me són rangià.IOLEGhe mancaréa solo che, par cambiar ‘na lampadina, te ciamàssi l’eletricista…Ma vuto dirme che quéla parola là vól dir cambiar le lampadìne?...E gh’è da far ‘n corso?GIGIIole, te lo spiego ‘n’altra òlta, quando gh’émo piassè tempo. Intanto basta che te capìssi che no l’è mia quel che t’è pensà ti. Gh’émo tuti l’ànema pulita.IOLEAnca mi?LORETTANò, éla nò, parché l’à fato dei pensieri catìi.IOLEMa sì stà voàltri a fàrmeli far! No vago mia a confessàrme ‘n’altra òlta!GIGIStà chièta, Iole; te gh’è l’ànema come quéla de ‘na creatura.Tra sé.L’è così crua che no la faréa pecàto gnanca se la copàsse qualchedùn.IOLEÀla finìo la Fraci de scurlàrse?GIGIIole, no t’è più missià el ragù.IOLEL’ò smorsà.(guardando verso Ofelia)Gigi, la s’à fermà. L’à finìo la susta.GIGILàssela star, che no vègna fóra altre storie.IOLECome se gnanca la ghe fósse! Che ora èlo?LORETTALe diése e un quarto!IOLEMaria de oro, l’è ora de preparàrse! Loréta, tìreghe via la scufia e dighe che gh’è da preparàrse. Gigi, méti un quarèl sóto a la pearà e va a cambiàrte.GIGIA cambiàrme? Mi són zà pronto!IOLEG’avaréssito el coràio de vegnér in césa a quei passi lì?GIGISchèrsito, Iole?! Pitòsto che te te rabi, vago a métarme el vestito da spóso.IOLEQuel no ‘l te va ben gnanca par capèl!LORETTAIole, mi vago a casa a cambiàrme.IOLEVa, va.OFELIAIole, posso andar in bagno a métarme in ordine?IOLEBasta che la fassa presto, parché noàltri sémo pitòchi e gh’émo ‘n cesso solo.

21


ATTO SECONDOSCENA PRIMA

PERSONAGGI: TuttiChiacchierio fuori scena. Tornano dalla cerimonia.GIGIFago strada…Avanti, comodève.Entrano Loretta e Carlo, Riccardo, Osvaldo, Ofelia, Cecilia col bambino e Iole.IOLE (vestita da cerimonia)Ma caro el me butìn! Faghe ‘n sorisìn a la to nóna! Dai, dighe le paroline! Ciàma la nòna. Nònaaa…nònaaa! Èto visto, Cecilia, el vól dir nòna Iole.CECILIANo ‘l fa altro che ciamàrla, sia de giorno che de nòte! IOLEMa caro el me picenìn! Gigéto, varda la nòna! Bati, bati le manine!RICCARDOMama! Fane respirar ‘na s-ciànta! El butìn el se agita e dopo no ‘l dorme più.IOLEVuto ch’el sèita a dormir? El vól zugàr co’ la so nòna lu…Ma sicuro! Bao, bao, bao…sètete! Bao, bao, bao….sètete! Gigi, vien a védar come el ride!... D’èlo póco bèlo?! L’è istèsso de Ricàrdo…che l’è istésso de mi.OFELIA (tra sé)Ero sicura che, prima o dopo la l’avaréa dito! Me sento drénto ‘na roba come se fosse drio a morir. Quando l’à visto el picinìn, la ghe s’à incolà adòsso e no la l’à più molà. Mi no l’ò gnancóra visto! E la ghe parla anca in dialèto quéla bifolca!....E se la sento ancora ciamàrghe Gigéto, no rispondo più de mi. I g’à zà fato el regàl de métarghe el nome del nòno, sa pretèndela ancora. La prossima òlta no la le passa mia lìssia: ghe digo ch’el me butìn el se ciàma Luigi e Luigi la g’à da ciamàrlo! E che la g’à da parlàrghe in italiàn…E che, se no la sà l’italian, che la taza!IOLEAndóe èlo el Gigéto bèlo de la nòna?OFELIAEl se ciàma Luigi e el capisse solo l’italian.IOLEÈlo stà el picenìn a dirghe che no ‘l capìsse mia el dialèto?OFELIAChe discorsi! El g’à tri mesi, poarìn…E la se tira ‘na s-ciànta in là, che la ghe tól tuta l’aria.IOLESióra, sala sa ghe digo? Ma la vaga a…GIGIIole, ci èlo che va drio a le pignàte?IOLE (tra sé)Te paréa che no ‘l saltàsse fóra quel là? El g’à paura che lo lassa sènsa magnàr.A voce alta.Vègno, sacranón! Vègno!GIGISa fémo adesso che gh’è tuto frédo?IOLEMétete chièto che gh’è tuto sóto contròlo. Ghe penso mi. Me són fata imprestar sto mestiér qua da la Teresa.GIGISa vuto che ghe staga in quel fornéto lì?IOLESto qua l’è el microfono…nò, me sbàlio, l’è…l’è el microlóngo…Nò. No ‘l se ciàma mia così.

22


GIGIEl se ciàma microonde!IOLEGhe l’avéa su la pónta de la léngoa!...Ma che casìn che gh’è! Fali comodàr de là che gh’è el rinfresco.GIGI (rivolto agli altri)Dai, némo de là che gh’è el rinfresco.Escono tutti tranne Iole, Ofelia e il bambino.CECILIAMama, lo lasso qua el butìn. G’ò paura che la confusión la ghe daga fastito. Ghe stèto ti qua a tèndarghe?OFELIASì, cara. Va de là che ghe penso mi al butìn.

SCENA SECONDAPERSONAGGI: Iole, Ofelia e Luigi.OFELIA Ma andóe èlo el muséto bèlo de la nòna?IOLESe la varda ben, la le cata subito… La ghe l’à davanti ai òci! La staga atènta a no pestàrghe adòsso!OFELIAMe crédela rimbambita?IOLELa varda ch’el me neodìn, el capisse solo l’italian. No la staga a farghe confusión. Gigéto…le dìcito le paroline a la nòna Iole?OFELIA (tra sé)Maria santèmela! Se la ghe insegna così a parlar italian, quando el va scóla no i capisse gnanca da andóe el vien.A voce alta.Ma ti chiami Luigi tu, tesoro della nonna! Ma sicuro che ti chiami Luigi. Luigi, il bambino bello della nonna Ofelia e del nonno Osvaldo. Lo so che Luigi non è mica tanto bello, ma èsempre meglio di Gigétto, vero amore? Hai detto sì alla nonna? Ma che bravo bambino!IOLEMi no ò sentìo gnénte!OFELIASa vórla sentir fin che la sèita a sbàtar le pignàte.IOLEParché no viènla éla a far sti laóri qua?OFELIAParché me fióla la m’à dito de tèndarghe al butìn.IOLEG’àla paura ch’el scapa?...Gigéto…l’hai dito a quéla nòna lì che te dici isamò le paroline? Ma le dici solo a questa nòna qua, èra amore santo? Ti piàze a stare a casa de la nòna Iole?... L’à dito de sì.OFELIALa varda che l’à solo stranuzà. IOLEG’ala zà fato ciapàr el rafredór? Bisogna èssar prudenti co’ i butìni. (Rivolta al bambino) Sicuro che bisogna essere prudenti, èra, Gigéto bèlo de la nòna Iole!?A voce altaA tòla! Gh’è pronto! La vaga a ciamàr quei là.OFELIAMe fióla la m’à dito de star qua, e mi stago qua.

23


IOLEE mi no vago a ciamàr nissùni.

SCENA TERZAPERSONAGGI: quelli della scena precedente ai quali si aggiunge Luigi.Entra Luigi.GIGIE alóra, se magna o nò?IOLEÈco l’altro Gigéto! Se no rispèto i so orari, l’è assè ch’el no se méta a piànzar come ‘na creatura. L’è pronto el to late, caro! La vien subito la to maméta.GIGIÈto invidà anca me mama?... Sto butìn el rièsse a far miracoli.IOLEGigéto l’è ancora massa picenìn par far miracoli cosìta grossi. To mama no la m’à lassà gnanca el tempo de pensar se invidàrla o nò… La m’à risparmià ‘na fadìga… La m’à dito che gnanca la se le insògna de vegnér, parché gh’è massa scale e che gh’è gente che ghe faréa ingropàr anca ‘n bicér de àcoa e sùcaro calda.GIGIE ti? Imàgino che te te sìi messa a piànsar.IOLEÉro lì lì par farlo. Ma me són trategnùa par no impressionarla…Ma questo no l’è el momento de parlar de la to maméta. Va de là a ciamàr i altri, che qua gh’è pronto. I buteléti màgneli de là?GIGISì, i se gòde de più tra de lóri e no i córe el rìs-cio che ghe vègna le bróse par i spaènti. Ma no penso che i magna, parché i g’à i savoiàardi che ghe vien fóra parfìn da le réce.IOLEDai, móete, se nò g’ò da riscaldar tuto ‘n’altra òlta.GIGI (senza uscire dalla stanza)Ehi, gente! Se magna!...E metì zó i savoiardi che ve sì infilà in scarsèla.IOLEIn quanto a finésse, me marì el ghe le méte in quel posto a tuti. E sì che iè quarant’àni chel’è con mi…el dovaréa aver imparà qualcosa.Iole vede che Ofelia è già seduta a tavola.Ma éla, no la dovéa star atènta al butìn?OFELIAEl dorme. Con tuta la fadìga che ò fato par tegnérlo, g’ò bisogno de calorie.IOLESe la g’à bisogno de calor, la vègna qua che gh’è el fornèl de la pearà ancora tacà.OFELIAG’àla intensión de farme ingropàr tuto?IOLEMa schèrsela? Voléa tiràrghe su la petorìna ancora de più. No l’è mia facile starghe drio a ‘na creatura de tri mesi. No te fè gnanca ora a supiàrte el naso, ch’el t’è bèlo che scapà in strada.OFELIAIole…Entrano tutti mangiando ancora savoiardi.OFELIA (rivolta al marito)Dàmelo a mi sto qua, che no ghe n’ò tastà gnanca uno. Te podéi anca portàrmene ‘n póchi. Pansa piena no pensa a pansa uda e che la glicemia la vaga a farse ‘na velàda!Tra sé.

24


Spreco del fià par gnénte! Gnanca el me sente. Quando ghe parlo mi, ghe se stupa le réce.GIGI (mettendo confidenzialmente una mano sulla spalla del consuocero) Alóra, Osvaldo, come vala?Osvaldo, con la mano, fa cenno che va così, così.La podaréa nar mèio, èra?Osvaldo, con un cenno del capo, acconsente.Sa vórlo mai, caro el me Osvaldo, l’è dura la vita.Tra sé.L’è proprio ‘n gusto far quàtro ciàcole co’ sto qua! Se g’à piassè sodisfassión a parlar con Pipéto. E sì che no l’è mia muto! In césa l’ò sentìo dir “ame”!A voce alta.Alóra, anca lu l’è deventà nòno! D’èlo póco bèlo el nostro neodìn?OSVALDOL’è ‘n spetàcolo.GIGI (Tra sé)Ò catà el tasto giusto, finalmente.A voce alta.El varda, mi, se no g’avésse i me neodìni, la Iuve e le parole incrociate, saréa zà morto. G’avaréa ancora me mama, poaréta, ma, con la Iole, le va d’acòrdo come el diàolo e l’àcoa santa. Bisogna che vaga a trovarla de scondón…G’ò anca ‘na sorèla, ma, quéle póche òlte che la vien qua, l’è assè che no le se magna. Le pàr du galéti rabiósi. El se pensa che me sorèla l’è alèrgica ai gelsomini e ai garòfoli e salo sa la fa me moiér? La impenìsse la casa de deodorante al gelsomìn e la méte garòfoli par tuta la casa, parfìn al cesso. A me sorèla, poaréta, ghe ciàpa de quéle crisi che no la respira più. La setimàna passà ò dovù portarla a l’ospedàl.OSVALDOSe démo del ti?GIGINo spetàa altro!OSVALDOCredéa de èssar messo mal mi, ma a ti, da quel che te me dizi, la te va pèzo.GIGIPèzo de così, no se pól. I fiói i me vól ben, ma lóri i g’à la so faméia e no vói rómparghe le scàtole. G’ò da far solo con dòne.OSVALDOAnca mi g’ò da far solo con dòne! Me moiér e me fióla che l’è istéssa de so mama. Ma sèto sa ò fato mi?...Me són sintonizà su ‘n’altra onda, no le sento e no parlo.GIGIBeato ti che te ghe sì riussìo. Mi dovaréa cambiar radio.OSVALDOScusa, Gigi, andóe èlo el gabinéto?GIGIIn fondo al coridòr a destra.OSVALDOComparmésso.GIGIMa che comparmésso, te métito a far cerimonie, adesso? Va e fa come se te fóssi a casa tua.IOLE (rivolta a Gigi)Stà fermo se nò te rebàlti le paparèle. Tò.GIGI (tra sé)‘Na camariéra da ristoranti de lusso… IOLE

25


Andóe èlo l’Osvaldo? Bon ghe fago el piàto mi.Gigi non risponde e comincia a mangiare.No èto gnancóra imparà a magnar la minestra? No stà tirar su in quel modo lì. Te pari ‘n seciàr che se desbùga. Te ne fè far la figùra dei bifolchi.Gigi non risponde e continua a far rumore.Pèzo che parlar con un muro!Iole procede oltre, serve Cecilia, passa dietro alla consuocera senza servirla e si dirige verso i fornelli.Torna Osvaldo.OFELIAE mi?IOLE (girandosi verso Ofelia)Mi cosa?CECILIAL’à saltà via me mama!IOLETo mama no la pól mia magnàr la minestra in bródo!CECILIAMama, parché gh’èto dito che no te pól mia magnàr la minestra in bródo?OFELIAMi no g’ò dito gnénte!LORETTAÒ capìo. L’è mèio che me méta la scùfia.IOLELa varda, o mi són imbessìle o éla l’è buziàra.GIGIÈco che ghe sémo. Come fago mi a tasér? Se no fermo la Iole, la festa l’è zà finìa.OFELIAMi no g’ò mia dito che no magno mia le paparèle! Són qua che g’ò ‘na sfinisión!IOLEE alóra mi són imbessìle.OFELIAMi no g’ò mai dito che l’è imbessìle!IOLEAlóra éla l’è falsa.Gigi sbatte il tovagliolo sul tavolo e si avvicina a Iole.GIGISa sucéde qua?IOLELe paparèle in bródo!GIGISa g’àle le paparèle in bródo?IOLEPrima no la le vól, dopo la le vól…GIGICon ci ghe l’èto?IOLECon èla! La m’à dito che la g’à la culìte e che quando la magna la minestra in bródo, ghe vien ‘n gran mal de pansa e anca qualcos’àltro.GIGIQualcos’àltro che?IOLESe proprio g’ò da dìrtelo, te lo dirò.GIGI

26


Nò!IOLEEl cagòto… Te sì partìo quando la parola no podéa più fermarla.CARLOBòn apetìto a tuti!Non risponde nessuno.CECILIAÈla vera, mama?OFELIAMi g’ò dito solo che g’ò la colite, el resto la ghe l’à zontà éla!IOLECosa? Mi…GIGIIole! Sacranón! Vuto tasér?IOLEMa mi…GIGITasi!IOLEMa mi…GIGITasi!IOLE (urlando)No stavo diséndo su né de to mama e gnanca de to sorèla.Il bambino si sveglia e comincia a piangere. Cecilia corre a prenderlo e cerca di calmarlo. Osvaldo si alza ed esce.GIGISito contenta adesso?IOLENò, ma la colpa l’è tua.GIGIMia?!IOLESì, tua. No te me lassàvi parlar!GIGIDaghe la minestra a la Ofelia e che la sia finìa. Fémo finta ch’el sia stà ‘n equivoco.IOLESì. Fòrsi l’è stà l’equi…sì, insóma, quel che t’è dito ti, a dirme che no la vól mia el bródo. Mi ò fato tuto a fin de ben.CARLOMa sa dìsito, mama?IOLETi tasi e magna, che no te ghe l’è mia la culìte.GIGIIole, lo sèto cosa l’è l’equivoco?IOLEUno che ò incontrà par caso.CARLOMa mama!IOLET’ò dito tasi e magna. Sti qua iè afàri tra mi e to papà.CARLOIè afàri de tuti, parché te stè sassinàndo la festa.IOLE

27


No se parla a bóca piena, sito più descreansà de to pare?RICCARDOBasta, mama, fala finìa!IOLETaso par no sveiàr el butìn. Ma questa me la ligo a un déo.GIGIÈco, sì, lìgatela a un déo e finémola qua.Iole serve la minestra a Ofelia.IOLELoréta, èto finìo el bródo?...La g’à la scùfia!... Carlo, daghe ‘na sgombià.GIGI‘Na sgombià? A so moiér?IOLENo l’è mia colpa mia se l’è so moiér!...E se la se méte la scùfia.CARLOL’è mèio che la se le méta, te lo digo mi. E se te lo digo mi, te gh’è da crédarghe.IOLETaso parché no vói mia sassinàr la festa, ma me la ligo al déo anca questa.Carlo, delicatamente, appoggia una mano sulla spalla della moglie e le toglie la cuffia.CARLOAmore, me mama la g’à bisogno de ‘na man par servir i secondi? Vuto aiutàrla, pàr piasér?LORETTAGhe vago subito, amore.IOLE ( al marito)Gigi, mi són sicura de no èssar stà come la Loréta, ma ti érito dólso come to fiól Carlo?GIGISe te vardo adesso, me vien da dirte de nò, se penso a quéi ani là…Ma sa vuto che me ricorda mi!Iole e comincia a servire la pearà e Lorétta le altre verdure.RICCARDOQuanto tempo che no magno la pearà! Ancó vói recuperar tuto el tempo perso. Vaca boia se la me piàse! Vien qua, Loréta!LORETTA‘Na s-ciànta de passiènsa, amore! Vago a la man. Ma varda che la pearà la ghe l’à to mama. mi g’ò le raìse.IOLESón qua, caro...Ma come féto a dir che no te magni mai la pearà? To suocera la m’à dito che la le fa co’ ‘l motorìn.RICCARDOMa mi no són mia in casa con me suocera, són a casa mia!IOLEVuto dir che no te ghe vè mai a magnàr da to suocera?...Varda che no me ràbio mia, sèto?...Te lo sé che, de caràtare, mi no sò gnanca sa l’è la gelosia.RICCARDOSpètito ‘na risposta?IOLE.No t’ò mia fato ‘na domanda!CECILIA (tra sé)Ghe n’ò conossùo de busiàre, ma come me suocera, gnanca una.IOLEÈla bastànsa sta pearà qua?RICCARDOBùteghene zó ancora. Vói sentìrme becàr anca i pié.

28


IOLEVarda che, prima dei pié, te béca anca qualcos’àltro! Ghe l’èto del giàsso nel frigidèr?RICCARDOGhe l’ò sempre mi el giàsso.IOLEAlóra magna, caro! Tò, càvete le óie.CECILIAMa Carlo! Ma sito mato a magnàr tuta quéla pearà li? Te móri!CARLOLa fa ressussitàr, altro che morir!CECILIAMa sèto quante calorie te buti zó con tuta quéla pearà lì?CARLOQuando le calorie le sà da pearà, mi no le conto mia…Senti, amore, me digo che me mama l’à scominsià a pèrdar colpi. Sa èla la storia del motorìn?CECILIAEl motorìn? In casa dei méi, no gh’è mai stà mororìni…A ogni modo, ghe domandarò a memama, ma nò adesso.Iole arriva da Ofelia.IOLEBeh…sa èla sta storia. Prima è vegnù fóra ‘n putiferio parché me són preocupà de la so culìte e adesso me inacòrso che la minestra no la là gnanca tocà?!OFELIAL’éra fréda morta! A mi la minestra la me piàse calda. E po’, la me fa anca mal quando l’è fréda!IOLEGhe l’avéa dito mi che la ghe faséa mal! Ma quando digo qualcosa mi, i me vien adòsso tuti.GIGIIole, tasi.IOLEMa sa avénti dito?GIGINo èto dito gnénte?IOLENò.GIGIAlóra, sèita così. Me racomàndo!IOLEVórla che la pearà ghe la méta nel bródo, così el se scalda?OFELIAPar carità! Vórla che no magna gnanca la pearà?IOLELa varda che, se la vól, mi ghe rasso anca le gróste.OFELIAVórla proprio farme morir?IOLECosa? Ma se stò faséndo de tuto par tegnérla viva!OFELIALa varda che no són mia drio a morir!IOLESa ghe ne sala éla? Adesso ghe sémo e, tra ‘n àtimo, podarèssimo no èssarghe più. E sémo tuti su la stessa barca: ancó a éla e domàn a qualcun altro!CECILIA

29


E a éla? No ghe tóca mai? Ma no g’ala altro da dirghe a me mama? Vórla farla morir sul serio? (A Riccardo) E ti? Gh’èto le réce piene de pearà che no te senti gnanca quel che la dise to mama?Riccardo continua a mangiare e non risponde.L’è inutile che sprèca el fià! Mama, no stà scoltàr quel che dise me suocera. Fa finta che no l’àbia gnanca parlà…Tanto, i so discorsi i val manco de zèro!IOLE (tra sé)Che ben che le me vól le me nuore! Són parfìn comòssa.OFELIAMóro se magno la pearà?CECILIAMa nò che no te móri! Magna e stà alégra!IOLEAlóra, ghe la dago o nò la pearà?CECILIAE la ghe le daga, sa spètela?IOLESpetàa ordini. Mi no me tógo responsabilità. No són gnanca ‘na so parente!CECILIAMe la tógo mi la responsabilità. La ghe daga la pearà!IOLEPronti.OFELIANo ghe n’ò più vóia! Gràssie, Cecilia, ma proprio no me la sento. E pó, ormai, la sarà ancafréda, la me se ingroparéa.IOLEE alóra gnénte. Mi no insisto mai: no l’è gnanca educassión. Arriva Lretta con le radici amare.LORETTAOfelia, le vórla le raìse?OFELIAPar carità! Le m’à sempre fato mal.Loretta depone il piatto di portata e va a servirsi al suo posto. Il marito le ha già preparato il piatto.Osvaldo si alza da tavola per andare a la toilette.OSVALDOTe gh’è da scusàrme, Gigi, g’ò da andar al gabinéto ‘n’altra òlta.GIGINo g’ò gnénte da scusàrte caro, quéle robe lì le fémo tuti.OSVALDOL’è vera, ma mi ghe vago massa, no l’è ‘na roba normale.GIGIMi, prima de operàrme a la prostata, l’éra tuto ‘n andar e vegnér dal cesso.OSVALDOAlóra te lo sé sa vól dir. A mi i me opera la setimana che vien.GIGITranquìlo che l’è ‘na semàda!OSVALDOAdesso vago e dopo te me conti.GIGIVa, va!LORETTACecilia, l’èto portà a Lurd to papà?CECILIA

30


Mi nò. Bisogna che ghe domanda a me mama. Ma parché me fèto sta domanda?LORETTATo papà, no l’ò mai visto parlar con nissùni e adesso el sèita a ciacolàr con nostro suocero. El pàr quasi normale.CECILIAEhi! Varda che me papà l’è sempre stà normale!LORETTAVarda che mi no ò mai dito che l’è deficiente!CECILIANò, ma t’è dito che l’è quasi normale e con quel “quasi” vól dir che ghe manca qualche ruèla. Me mama l’à m’à dito che, de nòte, no ‘l fa altro che parlar.Torna Osvaldo.LORETTAFin ch’el dorme? E sa dìselo?CECILIAEl ghe ne dise par i pòrchi de so moiér, de mi, de la prostata e de tute le dòne.LORETTAMa no l’è mia ‘na roba normale!CECILIAE dàghela! G’ài da èssa tuti istéssi i òmeni?LORETTANò, ma i dovaréa almànco someiàrse!CECILIAParché, me papà no ghe soméielo mia a ‘n òmo?LORETTAMaria che permalosa che te sì deventà? Gh’èto la depressión post partum? Béete qualchebicér de vin bòn cara!IOLELoréta, vie qua che gh’è da servir l’alésso.Loretta si alza a malavoglia.LORETTAMa l’è proprio ‘n’ossessión quéla dòna! El Gigi el g’à da avérghe incubi tute le nòti.CECILIAAnche de giorno.IOLETirève zó: gh’è alésso de manso, de galìna, de lénga salmistrà e codeghìn.RICCARDOMama, varda che te te sì sbalià. Lalésso l’andava servio prima de la pearà. Sa ghe metémo adesso sóra a la carne fréda, ‘na sbailà de brase?IOLESe la te va l’è così, se nò, l’è così istésso. L’è zà anca massa quel che són riussìà a far.RICCARDOMa ti no màgnito mia, mama?IOLEDopo che voàltri avarè finìo, me metarò in un cantón a magnàr i vostri avànsi, come le serve.RICCARDOMa no ghe n’è altre de bèle?IOLEUna sola, to suocera.RICCARDOMa la te stà proprio sul stómego.IOLE

31


Come le gróste de la pearà.RICCARDOTi te sì alèrgica a tute le suocere.IOLEAnca ai ràvani.RICCARDOMa varda che te sì suocera anca ti, sèto?IOLESì. Ma mi no són mia come tute le altre. Da quando ve sì sposà, no ò più messo naso in gnénte. Ò sempre mandà zó tuto sènsa gnanca bufàr. Són sempre stà pronta a giutàrve, no són mai stà gelosa, no v’ò mai domandà gnénte…Sa volìo de più?RICCARDOSolo che te tasi, come me suocero.IOLEVilanàsso! Se te spèti che te faga ancora la pearà…Iole procede oltre.Passando dietro al marito.Ti te sì zà a posto. Stà atènto a no imbugàrte, che dopo me tóca spèndar ‘n patrimonio in bicarbonato.GIGIPitòsto de tór el bicarbonato, móro de indigestión.IOLEGhe penso mi a fàrtelo béar…Te fago vegnér fóra la s-ciùma anca dal naso.GIGIVedarémo.Rivolta a CeciliaDòrmelo el me Gigéto?CECILIASì.IOLEMa no èla gnancóra ora ch’el magna anca lu?CECILIAEl pedriatra el m’à dito de no sveiàrlo mai par darghe da magnàr!IOLEI dotóri moderni iè tuti ignoranti: i fa vegnér su le creature magre come lusèrtole.CECILAE ai so tempi, grossi come vedèi, con tute le conseguènse che ghe vien da grandi.IOLEI me fiói ve iò consegnà sani. Se i se mala, l’è colpa vostra.CECILIANo la scólto gnanca, se nò dovaréa barufàr.IOLESèto sa te digo…CECILIANò, e no vói savérlo.IOLEPèso par ti!...Tìrete zó la carne.Tocca a Ofelia.Éla lo sò zà che no la vól gnénte.Iole non si ferma nemmeno.OFELIAMa mi…IOLEMa nò, cara, no ocór mia che la se scusa, la capìsso.

32


Tra sé‘N giorno de dieta no ‘l pól farte che ben. Te va via anca le varicose.Loretta si serve e si siede a tavola. Iole, seduta in un angolo mangia direttamente dalla pentola.OFELIACecilia, mi vago a casa.CECILIAPorta passiènsa, mama. Mangia la me parte….mi no g’ò più fame.OFELIAGnanca par sogno! Me andaréa tuto par traverso. ‘Na roba compagna no me la saréa mai spetà.CECILIADa me suocera te pól spetàrte de tuto. Ciàmete fortunà che ti te la vedi solo in ocasión dei batésimi e dei compleàni dei neódi, pensa a quante volte dovarò védarla mi!OFELIAMa ghe sarà anca le cresime e le comunión…CECILIAA quéle ghe pensarémo quando sarà ora. Ma no èto magnà proprio gnénte?OFELIAGnénte de gnénte…gnanca el rinfresco.CECILIAPar el rinfresco no t’è perso gnénte: gh’éra solo savoiardi.OFELIAI sarà stà in oferta speciale.CECILIAQuesto l’è póco ma sicuro.LORETTA (a Carlo)Èto visto sa l’à fato to mama?CARLONo stà dìrmelo. De sicuro se trata de qualche cativèria. Dìmelo quando tornémo a casa, se nò me casca la fàcia nel piàto. Magnémo in prèssia el dolce e némo via subito.LORETTAMa gh’èlo el dolce? Mi no ò visto gnénte!CARLOA ‘na festa de batésimo, no pól mia mancar el dolce!LORETTASperémo. Me despiasaréa che te restassi deluso. Mi g’ò paura che, se te vól el dolce, te gh’è da métarte in bóca ‘na scuciarà de sùcaro. Gigi, gh’èlo el dolce?GIGIPenso de sì.LORETTAS’el le pensa, vól dir che no l’è mia sicuro.GIGIDa quando me són sposà, mi no són stà più sicuro de gnénte.LORETTACecilia, èto visto se gh’è el dolce?CECILIASpero de sì. Me mama, finóra, no l’à magnà gnénte! L’è qua che la spera in una fetìna de torta.LORETTAStala pocobèn?CECILIALa sente ‘na s-ciànta de slangorìmento de stómego e l’è tanto nervosa.LORETTA

33


Se te savèssi quante la ghe n’à soportà me mama!CECILIAMa sa g’àla drénto quéla dòna?LORETTAGelosia, tanta gelosia. Se dopo te ghe zónti l’ignorànsa, la maleducassión e i problemi de l’età, dime ti sa vien fóra.CECILIAVien fóra nostra suocera.LORETTACome èto fato a indovinar?CECILIASón andà a òcio.Ridono entrambe.IOLEAvio magnà bastànsa?GIGIParché, ghe n’è ancora?IOLENò, ò catà su le téie mi. Te parmetarè che, con tuto el laoràr che ò fato, buta zó ‘n bocón anca mi, o voléito fòrsi che restasse qua a vardàrve. Si e nò che àbia magnà in tuto mèzo èto de roba. Quando i sarà andà via tuti, magnarò ‘na scudèla de pan e late. Són straca morta e co’ ‘l stómego udo, ma són contenta istésso, parché ò fato tuto par el me Gigéto.OFELIALa sèita a ciamàrlo Gigéto par farme dispèto a mi, sèto? L’è fortunà che sémo in casa sua,se nò g’avaréa zà sgrafà el muso, anca se són ‘na signora perbene e in vista.CECILIAStà calma, mama…No t’ò mai sentìo parlar così.OFELIAParché no me són mai trovà in una situassión compagna. Varda, me vien parfìn da piànsar…Ofelia piange sommessamente.RICCARDOSa g’ala to mama?CECILIAL’è ‘na s-ciànta comòssa.RICCARDOPiù che comòssa, a mi la me pàr desperà.CECILIAL’è comossión! La piànse così parché la s’à trategnua par massa tempo.RICCARDOSito sicura?CECILIASì, caro, no stà preocupàrte.RICCARDOMancomàl. G’avéa paura che me mama la ghe n’avésse combinà una de le sue!CECILIAMa schèrsito, Ricàrdo? È andà tuto lìssio!RICCARDOMe pàr quasi impossibile. La saréa la prima òlta.IOLESa g’àla to suocera?RICCARDOL’è ‘na s-ciànta comòssa.IOLE

34


Parché?RICCARDOMa par cosa vuto che la sia comòssa? Par el picenìn, no!IOLEPar el me neodìn?RICCARDOPar el vostro neodìn.IOLE (piagnucolando)E crédito che mi no de sia mia? Che bèlo che l’è el me Gigéto!Ofelia, sentendo chiamare il nipotino Gigéto, piange ancora di più. Iole vuole eguagliare Ofelia nel pianto. Si apre una sfida.GIGISa è sucèsso?CSVALDORobe de dòne. Lassa che le se sbriga tra de lóre. Mi vago al gabinéto.LORETTAAndóe èla la me scuffia?Loretta métte la cuffia e comincia a ballare. Il bambino si sveglia e si mette a piangere, Il canarino canta e fuori suonano le campane.GIGIEl giudìssio universale!Gigi cade in ginocchio e prega. Iole lo vede e smette immediatamente di piangere.CARLOT’èla passà la comossión?IOLE (dirigendosi verso il marito)Tasi!...Gigi, stèto mal? Gigi…rispódeme!GIGIEl giudìssio universale! Inzenòcete, Iole!Iole, non del tutto convinta, si inginocchia.RICCARDOMa sa fai quei là?IOLEEl giudìssio universale!OFELIANò!... El me butìn!Ofelia prende in braccio il bambino e si inginocchia. Loretta continua a ballare. Gli altri sono esterefatti. Osvaldo torna dal bagno e rimane imperturbabile.OFELIAEl me butìn!Iole si alza e va verso la consuocera.IOLEAdesso la me le dà a mi el me Gigéto. ‘Na s-ciànta paròmo!OFELIANò, me lo tègno mi.IOLECosa? Ma ci se crédela de èssar éla? Quéla che a fermà el treno co’ ‘l cul?OFELIACo’ ‘l treno no ò mai proà, ma con éla posso provàrghe. Guai a éla se la tóca me neódo finche ghe l’ò in brasso mi! Via da qua!Iole, per l’inattesa reazione di Ofelia, appare intimorita. Cecilia e Riccardo sono sbalorditi. Ofelia si alza in piedi. Cecilia toglie il figlio dalle braccia della madre.CARLOVe sio desmentegà de la fine del mondo?OFELIA

35


Adesso basta! Ghe n’ò soportà anca massa! Invésse de sfogar tuta la so cativèria su de mi, la dovaréa ringrassiàrme par avérghe parmésso a me fióla de missiàrse co’ ‘na rassa compagna! Dei pitocàssi ignoranti e sènsa educassión! La próa criticàrme ancora, se le bòna! La próa a dir che me grato la pansa tuto el giorno, che me impitùro le ónge par coèrsar el spórco, che me dago le creme, che zugo a buràco e tuto el resto! La vedarà sa ghe rispóNdo mi, descreansà che no l’è altro!GIGISónti a l’inferno? Ma se són sempre stà ‘n brao òmo!Carlo si avvicina al padre.CARLOÀlsete, papà, no gh’è mia la fine del mondo, stà sucedéndo de pèzo.Carlo solleva il padre sollevandolo per un braccio.GIGIMa sa gh’è de pèzo de la fine del mondo?CARLODó consuocere che le barùfa tra de lóre.GIGIGh’è anca to mama?CARLODèto i nùmari anca ti, papà? Ci èle le consuocere qua drénto?GIGITo Mama e la Ofelia…(a voce alta) Iole! No posso star in pace gnanca quando gh’è el giudìssio universale? Sèra quéla bòca! Possìbile che no te sìi mai bòna de controlàrte? Sat’àla fato la Ofelia? Te sassìni sempre tuto! Crédito che i sia tuti dei “nane” come mi?IOLE (Tra sé)Fòrsi sta òlta ò ‘na s-ciànta esagerà. Sa fago mi adesso? Come me la cavo? Mi fago finta de svègnar.Iole si accascia per terra. Ammutoliscono tutti. Loretta continua a ballare. Carlo le toglie la cuffia e la fa sedere.LORETTASa sucéde?CARLOSssss!GIGIIole…Iole…Iole, rispóndeme! Se te sì morta mi me cópo!OFELIAÈla morta?CECILIAI morti no i g’à mia quéla siéra lì.GIGIGiutème voàltri! L’è la vostra mama! Bisogna farghe la respirassión artificiale! CECILIAFòrsi la g’à la pressión bassa…Alsèghe le gambe!Gigi le solleva le gambe.Carlo, sa spètito? Faghe la respirassión artificiale.CARLO

Mi són bòn de far solo quéla bóca a bóca, ma a me mama no ghe la fago mia. Fàghela ti che te sì so marì.GIGIE come se fa?CARLONo l’èto mai basà to moiér?GIGI

36


Da zóeno! Adesso, solo al so compleàno, a Nadàl e a Pasqua, par farghe i auguri. Ma no la respira mia da le ganàsse!CARLOMa no l’èto mai basà su la bóca?GIGIA quei tempi là no se usàa mia!CARLOÉri così baùchi?LORETTAVia da lì, che ghe penso mi!CECILIANo te fa mia schifo?LORETTAMétar la me bóca su quéla de la suocera l’è sempre stà el me sogno proibìo.Iole quando sente che Loretta le si stà avvicinando per praticarle la respirazione bocca a bocca, spalanca gli occhi. Loretta, spaventata, fa un salto indietro.Mama che bruta! La g’à i òci che i pàr quei de ‘na civéta.IOLE (rivolta a Gigi)De ci pàrlela?GIGIIole, stèto ben?IOLENo lo sò gnancóra. No pòssito mia spetàr ‘n póco? Te sì sempre el solito. Te vól tuto subito. No te gh’è ‘n àtimo de passiènsa!OFELIANo èlo mia mèio che la svègna ‘n’altra òlta?CECILIAAdesso basta, mama, se nò no l’è più finìa. A mi me tóca èssar la so nuora fin che no la móre. Fa ‘n sfòrso che sistemémo ‘na s-ciànta le robe.GIGIManda zó e tasi…se nò no te giùto gnanca a alsàrte in pié. Me prométito te tasér?...Me prométito de tasér?IOLEE spèta che ghe pensa!GIGIPensa in prèssia!IOLEMaria de oro! G’ò el cór ch’el me salta fóra. Me lo sento sbàtar fin ne le réce.GIGIStèto ancora mal? Vuto che ciàma la croce verde? Te me spaènti!IOLEStèto mal, Gigi? Vuto che te misura la pressión? Vuto che te faga ‘na camamìla?GIGINo vói gnénte, Iole, çérca de star ben ti, parché mi no vói mia pèrdarte!IOLEGnanca mi vói pèrdarte ! Sperémo de durar fin a la fine del mondo, così morémo insieme.I presenti cominciano a commuoversi.OFELIAMe pàr de védar ‘n film.LORETTAPecà che no i sia bèi come i atóri!CARLOSèra i òci e çérca de imaginàrte Raul Bova e la Ferìli!LORETTA

37


Próo, ma penso che la sia ‘na gran fadìga.CECILIAIè ancora inamorà…Vardè come i se vól ben!OFELIAMa come fala a èssar così inamorà e così catìa?LORETTAFòrsi no l’è mia catìa. Fòrsi la g’à solo qualche problema.OFELIAMi no sò più sa pensar. Avénti fato mal a rabiàrme!CECILIAMa dai, mama! No te sì mia fata de fèro! Anca mi g’ò risposto mal.GIGIIole, tesoro mio, te sbate ancora le réce.IOLEMe pàr che me sia passà, caro. E a ti, t’è passà?GIGIMe pàr de nò, parché no sò mia sa te farè quando te rimetarò in pié. Me prométito che te tasi?IOLEVa ben, te lo prométo. Fago tuto quel che te vól.GIGIAlóra te pól anca domandàrghe scusa.IOLEA ci?GIGISe te lo digo te ràbito?IOLENo g’ò più fià de rabiàrme. Casomài svègno ‘n’altra òlta.GIGIIole, ma alóra te vól proprio farme morir.IOLENo te gh’è gnanca da pensàrlo.GIGIMe prométito alóra de far la brava?IOLEVa ben. Tóla come ‘na prova del me amor.GIGIGràssie, ànema mia.LORETTARièsso a védar Raul Bova, ma no riésso a ciapàr la Ferìli.CARLOFa presto, parché tra póco el film el finisse.LORETTAFinìsselo ben o finìsselo mal.CARLONo lo sò mia, parché l’è la prima òlta che lo vedo.LORETTAMi vèrso i òci solo s’el finisse ben.CARLOCome g’alo da finir?LORETTAEl g’à da finir ben. Sul sfondo g’à da èssarghe el mar. L’è el tramonto. Dei gabiàni i traversa el cél e lóri, con le mane ne le mane, i se varda ne ì òci. Se sente la musica de “Via col vento” e vien fóra “the end”

38


CARLOLoréta, torna su la tèra, cara, ti te laóri massa de fantasia. El sol no ‘l tramonta gnancora, el mar no ‘l gh’è mia e gnanca i gabiàni. Te gh’è da contentàrte de l’Adese, dei cocai e de du vecióti.LORETTATe m’è sassinà tuto. È sparìo anca Raul Bova.CARLOMe despiàse, cara. Vàrdeme mi, són piassè bèlo de Raul Bòva.LORETTATe gh’è rasón, parché no me l’éto dito prima.CECILIAForsi l’è catìa, fòrsi nò, ma se penso che la t’à fato éla, me pàr de volérghe ben.RICCARDONo ò mai sentìo parole cosìta bèle.Anche Riccardo e Cecilia si abbracciano.OFELIAE mi, sa fago? Tègno su el mòcolo?Guarda Osvaldo.Se ghe vago vissìn e lu gnanca el me varda, ghe restaréa massa mal…Mi ghe próo istésso.Ofelia si avvicina a Osvaldo.Osvaldo, la setimàna che vien te vè sóto i fèri, sa fasso mi se te móri? Sarò stà ‘na brontolona, ma anca ti te faséi la to parte. Vuto che riscominsiémo tuto de nóvo? Varda che són mi che vègno a assisterte.OSVALDOSpèta che vaga a pissàr e dopo te rispondo.OFELIAA mi me basta che te m’abi parlà… Ma che bèla giornàda!GIGIDomàndeghe scusa a l’Ofelia.IOLESe parlo, sassìno tuto.Osvaldo esce dal bagno e appoggia una mano sulla spalla di Ofelia.GIGIE el dolce?IOLECo’ ste lune de miél, a sa sèrvelo un dolce? Se l’avésse crompà, avaréa sprecà i schèi pargnénte.Si sente ‘n vociàre di bambini.GIGI e la IOLE insiemeMa che bèla giornàda!

39

L’amor no l’è polenta - Silveria...

Documents

Transcript of L’amor no l’è polenta - Silveria...