1st Edition 2014 LIFE AFTER OIL - Sardinia Film Festival GIURIA

ANTONIO MARTINOfilmaker (Crotone, Calabria 16/09/1977)

A pustis de sa làurea in su Dams in su 2004, girat Fatma Aba-ad, comente apo imparadu a istimare sos saharauis.In su 2003, realizat su documentàriu Siamo fatti così, un protagonista Freak Antoni, cantante de os Skiantos. In su 2005, arribbat finas a su reatre nucleare de Cernobyl e girat Noi siamo l’aria, non la terra. In Romania, realizat Gara de Nord-copii pe strada (2006), binchende unos cantos reconnoschimentos importantes, comente su Premio Ilaria Alpi 2007. Pustis faghet Pancevo-mrvta grad (2007), chi li faghet otènnere sa Mentzione Ispetziale in su Concorso Documentari Italiani in s’editzione 2007 de CinemAmbiente. In su mese de maju de de su 2008, rapresentat sa tzitade de Bologna in sa Biennale de artistas giòvanos de su Mediterràneu. In su mese de santugaine de su 2008 andat a Usbekistan, a làcana cun s’ex impèriu sovièticu, in ue, a probe de su Lagu de Aral, oramai iscumpartu, girat "Be water, my friend", unu documentàriu chi faeddat de sas cunditziones de vida ispantosas de sos ex piscadores chi sunt istados privados de sa cosa prus importante pro issos: s’abba. Su documentàriu retzit prèmios medas, comente su primu prèmiu in su Clorofilla Fil Festival e in su Saragoza Film Festival, Ispagna. Como est promoende “Nìguri”, unu documentàriu giradu in su campu de acasàgiu pro chie pedit asili de Sant’Anna, Isola Capo Rizzuto, Crotone.

filmography2009 Nìguri (Italy)2009 Be water, my friend (Uzbekistan)2007 Pancevo_mrtav grad (Serbia) 2006 Gara de Nord_copii pe strada (Romania)2005 Noi siamo L'aria, non la terra (Belarus) 2004 Siamo Fatti Così (Italy)

GIURIA

CARALU DESSÌ(Tàtari, Sardigna 07/10/1963)

Presidente de su Cineclub Sassari FEDIC. Co-ideadore e diretore artìsticu de sos festival “SARDINIAFILMFESTIVAL” (cròmpidu a sa de 8 editziones) e ASINARADOCFEST, chi nd’est presidente dae su 2008. Cun su Cineclub organizat cursos de alfabetizatzione tzinematògrafica pro giovaneddos.At cuidadu sa fotografia e su montàgiu in sos ùrtimos “curtzos” produidos dae su Cineclub.Cun su Cineclub, at promòvidu sa costitutzione de una mediateca internatzionale de curtzumetràgios.Giornalista publitzista iscritu in s’albu ODG de sa Sardigna.Cofundadore de sa sotziedade de produtziones televisivas BENCAST chi òperat in Tàtari in su setore de sas produtziones audiovisivas/multimediales e impresa de referèntzia in Sardigna in su setore de sas iscuadras ENG.In intro de custa sotziedade est istadu, in sos 20 annos de atividade de s’istùdiu, funtziones comente s’operadore de ripresa in totu sas produtziones RAI (Linea Blu, Sereno Variabile, Vita in diretta, Superquark, Sfide, Alle falde del Kilimangiaro, ...), SKY, MEDIASET, tècnicu montadore analògicu (BETACAM A/B roll) e digitale (AVID e Premiere) pro produtzione de documentàrios pro entes e istitutziones (Camera di Commercio, Università di Sassari, Comune di Sassari, SAR, Regione Sardegna, Ministero per i Beni Archeologici...).At cuidadu sa regia e sa postprodutzione pro produtziones cun reia mòbile comente “MOSE”, postu in iscena dae s’Ente Cuntzertos “M. De Carolis” istajone 2005, su cuntzertu de sos Bertas pro sos 40 annos de su grupu e s’ùrtima editzione de “Scrivere in jazz” pro s’Orchestra jazz de sa Sardigna.

GIURIA

GAETANO CAPIZZI director of Cinemambiente (Torino, Piemonte 27/02/1960)

Laureadu in istòria de su tzìnema, est crìticu tzinematogràficu e organizadore de eventos culturales e festivals.At promòvidu su “tzìnema indipendente italianu”, cuidende rassinnas e sàgios, e dirigende su festival “Cinema indipendente italiano” in Berlinu.Est istadu unu de sos fundadores de s'AIACE-CIC (Centro Italiano Cortometraggio) in ue at organizadu rassinnas e setziones de festival in Itàlia e in logu istràngiu.In su 1998, at fundadu Cinemambiente – Environmental Film Festival de Torino in ue est diretore.Est presidente de s’Environmental Film Festival Network.

publicatziones- "Isole. Cinema indipendente italiano" ed. Pervisione - “Joris Ivens – A wind tale” ed. Cinemambiente. - At collaboradu cun “Il Mereghetti – Dizionario dei film” ed. Baldini e Castoldi - "Corti italiani" ed. Lindau e “Vittorio De Seta, il mondo perduto” ed. Lindau - At cuidadu sa segunda editzione di "Come vendere un cortometraggio" de Jan Rofenkamp ed. Lindau.

GIURIA

MASSIMILIANO MAZZOTTA filmaker (Lecce, Puglia 27/12/1972)

Istat e traballat in Milano. S’est semper interessadu a sa fotografia. A 18 annos at cumintzadu a collaborare cun fotografos afirmados in su mundu de sa moda e de sa publitzidade, viagende in totue, faghende servìtzios fotogràficos: New York, Los Angeles, Londra, Parigi, Francuforte, Amsterdam, Ìndia, Sudàfrica, Indonèsia, Giamàica, Repùblica Dominicana, Corea meridionale, Giapone. In sos annos a pustis, cun s’esperièntzia chi at tentu, devenit fotògrafu professionista, faghende campagnas publitzitàrias e catàlogos. Sa passione sua pro su giornalismu fotogràficu l’at cunduidu a isvilupare istòrias curtzas fatas cun videocàmera digitale, dae su 2002.Totu moet sena sighire un’iscenegiadura, dae un’imàgine o dae un’iscatu fotogràficu. Oil (primu longumetràgiu) binchet prèmios medas, comente Cinemambiente 2009 pro su mègius documentàriu italianu e sa mentzione ispetziale de Legambiente.

filmography2011 Oil - Secondo Tempo (Africa, Italy, USA)2009 Oil (Italy)2008 Il frutto della speranza (Italy)2007 Lettera alla mia dea (Italy)2007 Tsukiji Market (Japan)2006 Mr. Parkinson (Italy)2004 Nostrike, vigili del fuoco (Italy)2003 Metropoli (Italy, Olanda, USA)2003 Air Linate 2003 (Italy)2003 La Coop sei tu (Italy) 2002 6x9 (Italy)

GIURIA

STEFANIA DIVERTITOjournalist and writer

(Napoli, Campania 1975)

Giornalista ispetzilizada in temàticas ambientales. Istat in Roma, semper paris cun sa Ducati sua. Est redatora de su cuotidianu Metro, responsàbile de sas noas internas e de sa inchestas.Collàborat cun periòdicos e rivistas in internet. In su 2005 at bìnchidu su prèmiu Cronista dell’anno propostu dae s’Unione cronisti italiani pro s’inchesta sua subra de s’uràniu impoveridu durada chimbe annos e dae ue est nàschidu su libru "Uranio, il nemico invisibile", Infinito Edizioni, 2005. S’òcupat de amiantu, faghende inchestas medas pro custu argumentu. In su 2009, pro Edizioni Ambiente, at iscritu s’istùdiu "Amianto, storia di un serial killer" e in su mesde de santugaine de su 2011 at publicadu s’ùrtimu libru suo "Toghe Verdi", chi contat istòrias italianas de crìmines ambientales dae su puntu de vista de avogados de parte tzivile e de magistrados chi si nd’òcupant. Est s’istòria de batallas tziviles, duncas, chi aberit un’isperu in sas lutas de comitados e de tzitadinos fertos, comente est oe s’ambiente in ue istamus.

GIURIA

PITZENTE MIGALEDDU (Tàtari, Sardigna 24/11/1952)

Laureadu in Meighina e Chirurgia (1979) e ispetzializadu in Radiologia (1981) in s’Universidade de Tàtari. In servìtziu dae su 1977 a su 2006 in s’Istitutu de Sièntzias Radiològicas de s’Universidade de Tàtari comente mèigu internu, assistente agiudu e dirigente de II livellu. . Como est presidente de sa SMIRG-no Profit Foundation; est responsàbile de sa setzione de terapias ablativas percutàneas ecoghiadas in s’ASL de Nùgoro. Est cundiretore pro unu programa de chirca cun s’Istitutu de Chìmica biomolecolare de su CNR de Tàtari. In su 2004, at leadu parte comente consulente de su WWF Italia a sa campagna de controllu de sos arriscos ambientales de s’artzipèlagu de sa Madalena, relativos a sa presèntzia de sa base de summergìbiles nucleares. Comente consulente de su WWF Italia, at leadu parte, in su matessi annu, in su Senadu de sa Repùblica Italiana, a sa “Indàgine cognitiva de sa situatzione ambientale de s’artzipèlagu de sa Madalena”, a pustis de s’intzidente acuntèssidu a su sutamarinu Harford in su mese de santugaine de su 2003.In su 2005, comente consulente de su WWF Sardigna est istadu unu de sos promotores de su Referendum abrogativu de sa lege chi cunsentit s’importatzione a Sardigna de rèfudos ispetziales perigulosos. Est membru e cumponente de s’albu de sos espertos de s’ISDE -Italia/Medici per l’Ambiente (International Society Doctor for Environment). In custu assòtziu, comente coordinadore de su Gruppo di lavoro Ricerca, at leadu parte a sa costitutzione de sa rete italiana Ricercatori per la Responsabilità Ambientale e Sociale (RIRAS). Est presidente de sa setzione ISDE Sassari- Sardegna.

publicatziones- Autore di oltre 223 publicatziones (estratos, artìculos e capìtulos), su prus in rivista internatzionales Peer Review comente: Eur J Radiol., AJR , J. Ultrasound Med, European Journal of Gastroenterology & Hepatology, Oncology, Digestive Diseases and Sciences, Adominal Imaging e Gastroenterology.