La grà

En del bosc, ormai discementigadaIn mez a un mar de fei e a piant reghée A ghè una grà malgrado tut amò in pee

I la circonda da na vita i bocione dai so temp i mur di altri cosctruzion Diventee ormai inutil par i om, iè regheeE i sass a la tera iè tornee

I segn del temp iè evident sul teccI mur anerit dal fum del focolarI riflett la lus del soo che pasa dai becc

El paviment, dove i riposava i casctégn, el ghé piùPurtrop col temp e l'incuria l'è nit giùLa porta d'entrada, tuta brusigadaEn dom cantonl l'è pogiada

L'è miga sempro sctacc isciPar setiman intrech, d'autun, la grà la vivevaCon fadiga i casctegn sa catava E la legna par el focolar sa preparava

Dòn che ravivava la fiama a tucc i or da sotaDòn che rimesctava i casctegn a tucc i or da soraAl ritmo di stagion sa campava I casctegn i secava, i gént i sa confidava

I mur, sa dis, i gà i oreccChisà cos i na sintitSe i garesa vut la bocaChisà cosa i garesa da dii

Forse l'è mei isci, el silenzi l'è mei scoltaaLa natura la riprendu i so diritti e l'om la trovò de mei da faaRescta i fantascmi de la memoria, a tesctimoniaa i vit consumée lìCome el fech de la grà

©Gil