SILVERIA GONZATO PASSARELLI

MÉNEGO TACAGNO

VERONA, 1994

MÉNEGO TACAGNO

PERSONAGGI: in ordine di entrata

Ménego: el paron de casaGineta: la governanteIsidora: la moglieAnastasio: il figlioLucressia: la figliaComare: l’ostetrica del paeseCarolina: la suocera di menegoCardinal: presule del paeseGabrielo: l’angelo venuto dal cieloll’autista del cardinalla becchina: titolare di pompe funebricomparse varie

2

MÉNEGO TACAGNO

ATTO UNICOScena prima

GINETTABongiórno, siór parón. Àlo dormìo bèn?

MÉNEGOBongiórno, Ginéta. Ò fato tuta 'na tiràda e adèsso g'ò 'na fame che magnaréa un can coi dolori.

GINETTABongiórno, siór parón!

MÉNEGOBongiórno, Ginéta! Quante òlte dovémo saludàrse?

GINETTABongiórno, siór parón!!!

MÉNEGOMa va a reméngo ti e tuta la tó rassa! Sito sorda o imbeçìle? Sa vàrdito da quela parte? Dame stó vassoio.

GINETTASiór parón!!!!

MÉNEGOSón qua! Ma dove vèto?

GINETTASiór parón!!!!!

MÉNEGOSón qua, ma cosa te sucéde?

GINETTAL'è morto! L'è morto! Aiuto!!!!!

MÉNEGOEl siór parón l'è morto!!? Questa l'è andà demàl! Fame sentìr el fià. Èto beù? Qua nó è morto nissùni.

GINETTASióra paróna! El siór parón l'è morto!!!!

MÉNEGOTasi baùca, che te spaènti tuti par gnénte! T'ò dito che són vivo!

Scena seconda

ENTRA LA PADRONA - GUARDA IN FACCIA LA CAMERIERA - GUARDA VERSO IL LETTO - SI METTE LE MANI TRA I CAPELLI SI AVVICINA POI AL LETTO - ALLUNGA LE MANI E LANCIA UN GRIDO - MENEGO SI ACCASCIA SULLA POLTRONA METTENDOSI UNA MANO SUL CUORE -

ISIDÒRAMénego! Ménego rispóndeme!

MÉNEGOSón qua!

3

MÉNEGO TACAGNO

ISIDÒRAMénego, tesoro caro

LO TOCCA DI NUOVO - URLA - MENEGO RIPETE LA SCENA

MÉNEGOQua, i me fà morìr sul serio. O i è diventà tuti mati, o mi stò sognando. (Si pizzica e sente male)ISIDÒRAMénego, Parché sito morto? Dìmelo, caro, parché sito morto?

MÉNEGOCome g'ò da dìrtelo? Són vivo. Vàrdeme, tòcheme! Salto, balo, rido, piànso, me scriòltolo, me grato,g'ò fame, g'ò sé, són vivo!!!!!

GINETTAPoaréto el me parón, l'è sténco!

MÉNEGOÈco che ritàca l'altra!

ISIDORA ACCAREZZA IL LENZUOLO - APPOGGIA LA TESTA SUL LENZUOLO E PIANGE - PIANGE ANCHE LA CAMERIERA - VEDENDO LE DUE DONNE DISPERATE SI COMMUOVE ANCHE MENEGO - TIRA FUORI IL FAZZOLETTO SI SOFFIA IL NASO - SI AVVICINA AL LETTO E LO GUARDA

ISIDÒRAChe bèlo che te si!

MÉNEGOL'era gran bèlo! Però ancò l'è 'na s-ciànta tristo: el g'à la çiéra colór de'n nissól....ma sa èlo che digo? Divento mato anca mi?

Scena terza

ENTRA LA COMARE

COMARECosa succede qua? Ho sentito le urla dalla strada!

GINETTAChe desgràssia, sióra comare! Che desgràssia!ISIDÒRAEl me Ménego l'è morto!

COMAREMorto! Ma se l'ho visto ieri sera che stava benone!

ISIDÒRAE adèsso l'è morto. La varda che bèlo, el me par ancora vivo.

COMAREOh, poveretto! (Finge di sentire il polso del morto)È proprio morto.

MÉNEGOSióra comare, se ghe métela anca éla? Finémola con sta comèdia, che me scomìnsia a giràr le tonsìle!

4

MÉNEGO TACAGNO

COMAREEra così bravo, così buono, così dolce, così generoso!

ISIDÒRAGeneroso mia massa.

MÉNEGONó ero generoso!? Che rasìa! Nó g'ò mai fato mancàr gnénte.

GINETTAPiutòsto de molàr 'n franco el s'avaréa lassà copàr.

MÉNEGOSèntela! E 'n àtimo fa la pianséa!

ISIDÒRAPerò l'era bèlo. (Piange)

GINETTASì, l'era bèlo. (Piange)

MENEGO PRENDE IL FAZZOLETTO E PULISCE IL NASO ALLA MOGLIE

ISIDÒRAGràssie.

MÉNEGOPrego.

COMARESu, coraggio cara, così è la vita! Oggi ci siamo e domani non ci siamo più! Oggi a te, domani a me!La vita è un lampo, un fiore di campo,un lume di candela,un filo di ragnatela,un rossore di fanciulla,un salto nel nulla,la schiuma di un'onda,il fruscio di una fronda,una goccia di rugiadae un giro di lambada.

ISIDÒRACome la parla ben!

GINETTAUn libro stampà, 'na poesia!

ISIDÒRASe sente che la vièn da Firènse.

Scena quarta

5

MÉNEGO TACAGNO

ENTRA IL FIGLIO

ANASTASIOMama!

ISIDÒRAAnastasio!

ANASTASIOMama!

ISIDÒRAAnastasio!

MÉNEGOGhe mancàa solo quel malcunà de me fiól. Mama! Anastasio! Che stomeghéssi!

ANASTASIOMama!

ISIDÒRAAnastasio!

MENEGO SI AVVICINA AL FIGLIO E GLI DÀ UNO SCHIAFFO SULLA NUCA

ANASTASIOAhi! Ci èlo che me dà le s-ciàfe?

MÉNEGOSón mi, el morto.ANASTASIOMama, ò sentìo 'na sbèrla sul copìn!

ISIDÒRAL'è el dispiasér! Qua nó gh'è nissùni che possa avérte dato 'na sbèrla!

MÉNEGOQuesto te ló disi ti, cara moiér!

COMAREAnastasio è un bambino sensibile: sono io che l'ho fatto venire al mondo.

MÉNEGOL'è 'n imbeçìle!

ANASTASIO SI AVVICINA AL LETTO

ANASTASIOPapà! Papà! Papà! (cade in ginocchio)Papà! Papà!

GINETTAParonsìn! Nó'l fassa così che me vièn da piànsar anca a mi!

ANASTASIOMi nó piànso mia parché l'è morto, mi piànso parché l'è andà a l'inferno!

6

MÉNEGO TACAGNO

COMAREAll'Inferno!!!!

ISIDÒRAScarpe e tuto, sióra comare!

GINETTAA sta ora el g'à i corni e anca la cóa!

MENEGO SI METTE UNA MANO IN TESTA E L'ALTRA DI DIETRO

MÉNEGOA mi i corni nó i me li méte nissùni, cari méi!

GINETTADe nòte me ló sognarò col muso nero, coi òci de brasa, con la bóca da simiòto, con le sgrìnfie lónghe e con la cóa che la par 'na forca! Maria Santissima che impressión!

MÉNEGOQuéla la g'à proprio el çarvèl de 'na galìna.

COMAREE perchè, secondo voi, sarebbe all'inferno?

ANASTASIOParché l'era spilorcio, tacàgno, avaro! L'era pién de schèi e el ne faséa far a tuti 'na vita da pitòchi. A fòrsa de polenta e séola g'avémo la pressión a quaranta. Me mama la g'à la sbèssola che ghe tóca par tèra. E pensàr che l'era la dòna piu bèla del paese.

ISIDÒRANò par vantàrme, ma ero proprio bèla: G'avéa dei cavéi lónghi che me coerséa le spale, i era tuti a onde. la me pèle la paréa un petalo de rosa, i me oci i era dó stéle. Ero alta, bèn formà, g'avea...g'avea...dù paraurti che i toléa el fià!

MÉNEGOModesta come sempre la me dòna!

GINETTAAnca el siór parón l'era bèlo.

MÉNEGOAssé!!!

COMAREE sì, me lo ricordo anch'io, peccato che avesse le orecchie a sventola...

ISIDÒRAE le gambe curte...

GINETTAEl dedrìo basso...

COMAREEd era anche gobbo.

7

MÉNEGO TACAGNO

MÉNEGOMi nó me són mai incòrto de èssar tuto desgrassià.

MENEGO PRENDE A CALCI NEL SEDERE SUO FIGLIO

ANASTASIOAhi! Ci èlo che m'à dato 'na peà?

MÉNEGOSón stà mi, tó pare! Bruto slandrón che nó te si altro!

ISIDÒRAL’è el dispiasér.

GINETTASì, paronsìn, l'è el dispiaser!

ANASTASIOPrima sul copìn e adèsso nel dedrìo?!

GINETTAL'è el dispiasér che se sposta!

ISIDÒRAL'è el magón ch'el va sù e zò!

ANASTASIOÈlo questo el magón?

COMARESì è proprio quello.

MENEGO DA UNO SCHIAFFO SULLA NUCA DEL FIGLIO

MÉNEGOToh, imbeçìle!

ANASTASIOMama! El magón el m'è tornà sul copìn!

ISIDÒRATe l'ò dito ch'el va sù, zò e ancora sù!

Scena quinta

ENTRA LA SUOCERA. GLI ALTRI PIANGONO.

CAROLINAOh! Ancò semo alégri! I canta tuti! Che festa èla? Èlo san Menego? Alóra ancò se magna bèn! Avìo butà zò le paparèle?

MÉNEGOTe paréa che nó rivàsse anca me suocera!

GINETTAE adèsso, ci èlo che ghe dise la verità? L'è vècia, l'è òrba, l'è sorda! Ghe démo anca stó dispiasér!?

8

MÉNEGO TACAGNO

COMAREDiglielo tu.

GINETTAE parché proprio mi? Nó són gnanca parente.

ISIDÒRADìghelo ti.

GINETTASióra Carolina, la vègna qua, la me staga a sentìr! Qua è sucèsso un disastro!

CAROLINANó l'è mia la prima òlta che te brusi el polàstro..

GINETTAMa quàl polàstro!? La stua nó l'ò gnancóra impissà.

CAROLINAÈco, bràa, prepara el bacalà.

GINETTASióra Carolina, el siór Menego l'è partìo!

CAROLINAL'era ora che l’andàsse fóra dai pié almànco par qualche ora! Ancò, finalmente se magna in pace, sènsa quéi òci che i te varda nel piàto e in bóca. El conta parfìn i grani de riso!

GINETTASióra paróna, la só mama nó la capìsse gnénte.

ISIDÒRAInsisti, dìghelo ancora!

GINETTASióra Carolina, la varda come el piànse el só neódo!

CAROLINALó tógo volentieri un piatìn de bródo!

GINETTA PIANGE - INTERVIENE LA COMARE

COMARESignora Carolina, si sieda qui e stia buona

CAROLINAMagno volentieri anca 'na s-ciànta de potóna.

COMAREBuonanotte!!!!

ISIDÒRAGinéta, va a dirghe a tuti i parenti e anca ai conossènti che me marì l'è morto! Va, córi!

GINETTAA mi me vièn da piànsar a dir che l'è morto!

9

MÉNEGO TACAGNO

ISIDÒRAPiànsi, siga, fà quél che te vól, ma va a dìrghelo.

GINETTAVago, paróna! Vago.

ISIDÒRASpèta, Gineta! Ciàma el curato e dighe che ‘l vègna a benedìr sta mùmia...volèa dir stó caro corpo, sta salma.

ANASTASIOSolo el curato!

ISIDÒRANó valo mia bèn el curato? Ginéta ciàma el cardinàl.

GINETTACardinàl!!!!!

CAROLINABràa, Gineta, crómpa anca el giornàl!

ISIDÒRAMa sa fèto, dólsa! Te métito a sigàr qua drénto?

GINETTAL'è stà éla a dirme de ciamàr el cardinàl!

ISIDÒRAMa nò qua, insùlsa! Va a tórlo.

GINETTAL'à ma dito insùlsa! (Piange)

MÉNEGOTuto stó piansotaménto scomìnsia a darme sui nervi.

ISIDÒRAVa, t'ò dito, va!

LA CAMERIERA ESCE .

Scena sesta ENTRA LA FIGLIA LUCREZIA ELEGANTEMENTE VESTITA HA IN MANO UN MAZZO DI ROSE - CANTA UNA CANZONE E GETTA FIORI AL PUBBLICO -

MÉNEGOÈco la più furba de tuti, vardé se l'è quél el modo de consàrse.

CAROLINAChe bèla che l'è me neóda! L'è tuta só nòna!

ISIDÒRAInseminìa, nó te vedi che tó papà l'è morto!?

10

MÉNEGO TACAGNO

LUCREZIAG'avì sempre vóia de schersàr! Mama, èto visto che bèl boa? I è piume de strusso!

MÉNEGOI è péne de pito morto de rògna!

CAROLINABòn el pito con la catalògna!

ANASTASIOLucrèssia, varda el papà, l'è morto!

LUCREZIAPar dir la verità el g'à ‘na çiéra che nó me piàse proprio gnénte.

COMAREÈ morto!!!

ISIDÒRAL'è morto!!!

MÉNEGOSón morto.

LUCREZIA (toccando il letto)L'è sténco. Qua nó se pól èssar 'na s-ciànta alégri che i te sassìna subito tuto. Adèsso me tóca vestìrme de nero e sènsa boa. E zà el nero el me sbate!

MÉNEGOChe bèn che la me vól! Nó stà mia a piànsar, sèto, che te se sassìna i òci.

ISIDÒRATasi, Lucrèssia e vergògnete.

LUCREZIAEh! Maria sgùlmara, nó se pól gnanca parlàr!

CAROLINAEl sgulmarìn el va bèn dapartùto.

COMAREUn po’ di rispetto per la mummia...pardon...volevo dire per il caro estinto.

Scena settima

ENTRANO LA CAMERIERA E IL CARDINALE.

GINETTASióra paróna, ò ciamà tuti, anca el cardinàl.

ISIDÒRAEminènsa, riverisco. El me fassa basàr l'anèl. Che desgràssia, eminènsa. Che desgràssia!

CAROLINAOh che brao! Anastasio el s'à vestìo da Capucéto Rosso.

11

MÉNEGO TACAGNO

CARDINALECoraggio signora Isidòra! È la vita! Oggi ci siamo e domani non ci siamo più. Oggi a te, domani a me.

COMARELa vita è un lampo,un fiore di campo,un lume di candela,un filo di ragnatela,un rossore di fanciulla, un salto nel nulla,la schiuma di un'onda,il fruscio di una fronda,una goccia di rugiada,un giro di lambada.

ISIDÒRACome la parla bèn!

GINETTASe sente che la vièn da Firènse!

CAROLINACos'èlo che la g'à quéla là? Stala mal?

MÉNEGOVarda ciò. Ci l'avaréa mai dito che s'avaréa scomodà anca el cardinàl. Scometémo che anca lù el me vede sténco sul lèto!

CARDINALEBeato te, Ménego, che ora sei in Paradiso!

ANASTASIONò, Eminènsa! L'è a l'Inferno!

MÉNEGOVuto tàsar, fàcia da bròcolo, testa da codògno, ràvano ingiassà!

CAROLINAQuanta ròba che gh'è da magnàr!

ANASTASIO RICEVE UNO SCHIAFFO DA SUO PADRE E SOBBALZA

CARDINALEChe cosa ti succede, figliolo?

ANASTASIOGnénte, Eminènsa, g'ò el magón che me bate forte sul copìn!

GINETTAEminènsa, ghe porto un bicerìn de Marsala?

CARDINALECara Ginetta, sempre piena di premure. Non ne avrei voglia, ma lo accetto per premiare la tua gentilezza.MÉNEGOLa só gentiléssa? Són mi che pago! La fà póca fadìga éla a ofrìr la ròba dei altri.

12

MÉNEGO TACAGNO

LA CAMERIERA VERSA IL MARSALA

MÉNEGOBasta! Basta! Basta t'ò dito! Te me mandi in rovina! Cissà quante òlte l'à dispensà a piene mane la me ròba. Ladra! Sènsa cossiènsa! Disonesta!

CARDINALEGrazie, Ginetta!

GINETTAGhe ne udo ancora?

MÉNEGONò! L'à beù anca massa! Ghe vièn l'ulcera!

CARDINALENò, cara. Ora diciamo insieme qualche preghiera per la cara salma.

CAROLINADasìme anca a mi 'na s-cianta de aperitivo!

Scena ottava

ENTRANO I PARENTI VESTITI A LUTTO CON IN MANO UNA CANDELA ACCESA.

BÈPISémo vegnùi a farghe la vélia.

LUCREZIAMama mia, che impressión! I me par tuti bechìni.

ISIDÒRAGràssie, Bèpi, gràssie tante. Che desgràssia! (Piange)

GINETTAChe desgràssia! (Piange anche lei)

ANASTASIOMama!

ISIDÒRAAnastasio!

ANASTASIOMama!

ISIDÒRAAnastasio!

CAROLINAGh'è pronto da magnàr?

MÉNEGOÈcoli che i scomìnsia de nóvo.

13

MÉNEGO TACAGNO

COMAREÈ la vita! Oggi ci siamo e domani non ci siamo più.Oggi a te e domani a me.La vita è un lampo,un fiore di campo,un lume di candela, un filo di ragnatela,un rossore di fanciulla, un salto nel nulla,la schiuma di un'onda,il fruscio di una fronda,una goccia di rugiada,un giro di lambada.

ISIDÒRACome la parla bèn!

GINETTASe sente che la vièn da Firènse!

CAROLINAPar mi quéla la stà mal.

ISIDÒRAEminènsa, ghe presento me cugnà Bèpi, el fradèl del me pòro marì e me cugnàda Maria, me cusìn Otàvio e me cusìna Teresa, me cugnàda Assunta, quéla che s'à fato suora e dopo gh'è ancora altra gente che nó stago a presentàrghe parché ghe vól massa tempo.

CARDINALEDiciamo insieme qualche preghiera.

ISIDÒRASì, Eminènsa.

COROL'era bòn, l'era caro, l'era bèlo.

SUORAMi ero só sorèla e lù me fradèlo.

COROL'era bòn, l'era caro, l'era giusto.

GINETTAStar con lù l'era un gusto.

COROL'era bòn, l'era caro, l'era inteligènte.

ANASTASIOA mi nó me vièn in mente gnénte. (Riceve uno schiaffo)

COROL'era bòn, l'era caro, l'era avaro.

14

MÉNEGO TACAGNO

COMAREMandiamo giù questo boccone amaro.

COROL'era bon, l'era caro, l'era anca papà.

ANASTASIOMorìr, l'è l'ultima semàda che se fà. (Riceve un altro schiaffo). El magón el me bate gran forte! Mama són tuto emossionàdo!

ISIDÒRATasi, Anastasio. Tasi!

CAROLINAOcór dir tute sté orassión prima de magnàr?

COROL'era caro, l'era bèlo, l'era bòn.

ANASTASIOIn tanti àni mai un s-ciafón!

COROL'era bòn, l'era caro, l'era forte.

GINETTAVia con éla el se l'à portà la morte! (Piange)

COGNATATasi piansòta!

COROL'era bòn, l'era caro, l'era 'n fiór.

ISIDÒRACome se fà a soportàr stó dolór.

COROL'era bòn, l'era caro, l'era 'n fiordaliso.

COMARESempre sorrideva il suo bel viso.

COROL'era bòn, l'era caro, l'era 'n gelsomìn.

SUORAL'era el più bèl fiór del nostro giardìn.

COROL'era bòn, l'era caro, l'era 'n girasól.

SUORAFar misacoli se'l vól el pól.

COROL'era bòn, l'era caro, l'era 'na petunia.

15

MÉNEGO TACAGNO

ISIDÒRAE adèsso ècolo là, come 'na mùmia.

ANASTASIOL'era bòn, l'era caro, l'era 'n fiór de sucól.

CAROLINAAnca sucòi? Massa roba!

MÉNEGOSe nó te tasi te tiro el cól!

COROL'era bòn, l'era caro, l'era 'na rosa.

CARDINALEPreghiamo tutti e in pace lui riposa.

SUORAEl Signór el tira sù i fiori più bèi!

BÈPIEl g'avéa fiói, moiér e anca fradèi.

SUORASempre l'è stà 'n gran laoradór.

BÈPIIn quél che faséa el ghe metéa el cór!

COROL'era bòn, l'era caro, l'era 'n galantòmo!

SUORAIn vita sua nó l'à mai robà gnanca 'n pómo.

CAROLINAEl pómo el s-giónfa.

MÉNEGOÈla finìa sta nenia?

COROL'era bòn, l'era caro, l'era devoto.

BÈPIMai 'n caprìsso, mai 'n gòto.

CAROLINA'N giósso de vin proprio el ghe vól.

MÉNEGONó l'è ancora finìa?

COROL'era bòn, l'era caro, l'era 'n santo.

16

MÉNEGO TACAGNO

ISIDÒRAMi de bèn ghe n'ò volùdo tanto!

MÉNEGOGràssie, gràssie, ma andé a casa vostra!

COROL'era bòn, l'era caro, l’era só marìo.

ISIDÒRAEl me Ménego adèsso l'è partìo.

GINETTAL'è morto, l'è morto! (Piange)

TUTTIBasta!!!!

CAROLINAL'era ora che i butàsse la pasta.

MÉNEGOMèio l'Inferno che stó manincomio: sti qua i è pèso de 'na sbailà de brase zó par el copìn!

CARDINALEQualche minuto di raccoglimento.

MÉNEGOOh, manco mal che i tase 'na s-ciànta!

Scena nona

ENTRA L'ANGELO GABRIELLO

MÉNEGOÈco 'n altro mato. E questo, a òcio, l'è el pèso de tuti.

ANGELOTe salùdo, Ménego.

MÉNEGOCi sito ti?

ANGELOSón Gabrièlo.

MÉNEGOE de cognome?

ANGELOSón Gabrièlo e vègno dal cielo! Varda che vestito, varda che aléte, varda che bòcoli. Mi són Gabrièlo e vègno dal cielo.

MÉNEGOMa te ciàmito Gabrièlo o Angelo?

17

MÉNEGO TACAGNO

ANGELOMi són Gabrielo, l'angelo del cielo.

MÉNEGOE dàghela! E va bèn! Sa vuto, Gabrièlo?

ANGELOMi són vegnùo qua par giutàrte. Ti te si morto e mi dovarìa darte 'na peà nel dedrìo e butàrte a l'Inferno.

MÉNEGOParché adèsso nó ghe sónti mia al l'Inferno?

ANGELONò!! L'Inferno l'è pèso: te brusi, te sfrìgoli, te fumi, te piànsi, te sighi!!!

MÉNEGOL'è proprio 'n bèl postesìn! E cosa ò fato par finìr brustolà?

ANGELOTe si stà massa avaro. Ai schèi te ghe volùdo massa bèn! Nó te ghe mai dato gnénte a nissùni. Tó moiér e i tó fiói i g'à dei vestiti roersè vinti òlte. La Ginéta da diése àni la fà el café con i stessi fóndi. I poaréti te li pari via, nó te vól che nissùni se lava senò i te consuma l'acqua, spussé tuti come luamàri!

COROL'era bòn, l'era caro, l'era 'n sól.

ISIDÒRAEl g'avéa la gòba, el me sbregàa el ninsól.

COROL'era bòn, l'era caro, l'era 'na mimosa!

ISIDÒRASolo mi ghe ne sò qualcosa.

MÉNEGOSenti, senti cosa le dise.

COROL'era bruto, l'era catìo, l’era 'n desgrassià!

BÈPIDe tuti noialtri l'era el più malcunà.

GINETTAL'era vècio, l'era fiàpo, l'era 'n mocaión.

MÉNEGOE 'n atimo fa la parea piena de devossion!

Scena decima

ENTRA LA BECCHINA CON LA BICICLETTA.

BECCHINACon parmésso!

18

MÉNEGO TACAGNO

CAROLINA'N'altra ancora? Se vede che nó gh'è el parón. Ancò se magna sènsa remissión.

ISIDÒRAAvanti! Ci èla éla?

BECCHINASón quéla de le pompe funebri! Són vegnùa a tór le misure.

MÉNEGOVa via becamòrta! Va via da qua!

BECCHINACome la fémo la cassa? G'avio qualche preferènsa?

COMARENon ho mai visto una donna becchina!

BECCHINAEh, cara sióra! Bisogna rangiàrse! Mi ero 'na sarta ma adèsso i vende i vestiti zà fati e ò dovùo cambiàr articolo.

MÉNEGOSù la cassa la ghe fassa qualche pences, la martingàla e 'n spaco dedrio!

BECCHINAUn metro e sessanta de longhéssa! L'era piutòsto picinìn! Trenta centimetri de larghéssa! L'era magréto!

MÉNEGOFate i afàri tói!

BECCHINAE alóra cosa volìo?

ISIDÒRASióra, la fassa éla, sémo sènsa schèi.

BECCHINASènsa schèi nó se fà gnénte!

ISIDÒRANó la me ló lassarà mia qua?!

BECCHINANó g'avìo proprio gnénte? Nó v'àlo mia lassà l'eredità?

ISIDÒRAGnanca un schèo!

GINETTAGnanca un schèo! (Piange)

BECCHINAE va bèn! Farò 'n'opera bòna! In cantina g'ò de le casséte dove tegnéa i pómi, me rangiarò con quéle.

19

MÉNEGO TACAGNO

CAROLINAÒ dito che i pómi I me s-giónfa!

ISIDÒRAGràssie sióra, éla l'è 'na santa!

BECCHINANó la staga vardàrme in quel modo! Mi són vegnùa in bicicléta e nó posso mia portarmelo via sul manubrio!

ANASTASIOPar rivàr al cimitero gh'è çìnque chilometri, come fémo a portàrlo a spale?

LUCREZIAGh'è la màchina del cardinàl!

AUTISTACalma signori. Il cardinale ha un impegno urgente e deve andar via.

Scena undicesima

ISIDÒRAE con cosa ló portémo via?

VICINOSióra, la me scusa, mi fasso el stradìn e g'ò 'na vècia carióla: se la se degna, la méto a disposisión.

MÉNEGOFunerài de lusso! Qua nó se schèrsa! Gabrièlo, èto sentio cosa i me fà?

Scena dodicesima

ENTRA L’ ANGELO.

ANGELOTe tól sù quél che t'è somenà. Te si proprio messo mal! I schèi te tóca lassàrli dove te i è scónti e nó te pól portàrte via gnanca 'na s-ciànta de afèto. Cosa èto fato par farte volér bèn?

MÉNEGONó ò mai spéso gnénte gnanca par mi!

ANGELOE te si stà 'n baùco! A cosa sérveli i schèi se nó i se spende?

MÉNEGOMe piaséa contàrli.

ANGELOTe l'ò dito che te si stà 'n baùco. Adèsso nó te resta più gnénte! Ma mi són vegnùo qua par darte 'n'altra possibilità. Nó podaréa mia, ma sta òlta fasso 'n strapo a la regola parché senò i resta sènsa gnénte anca quéi là che nó i g'à nissùna colpa.

MÉNEGONissùna colpa? Ma èto sentìo cosa i me dise?

ANGELOL'è póco. Se te me prométi de diventàr generoso, mi te fasso resussitàr.

20

MÉNEGO TACAGNO

MÉNEGOQua gh'è sóto 'n imbròio! Ma mi nó ghe casco.

ANGELOMa mi són Gabrièlo, l'angelo del cielo.

MÉNEGOE mi són el parón e nó casco nel bidón.

ANGELOE alóra te cascaré sù la gradèla de satanàsso!

MÉNEGONó stà sigàr che me vièn 'n colasso.

COMAREEminenza, la moglie e i due figli non hanno una lira. Moriranno di fame e di freddo. Guardi che pallido che è Anastasio, che magra che è Lucrezia e che vecchia che è diventata la signora!

ISIDÒRAVècia te saré ti!

CARDINALEMa dov'è il denaro?

COMARENon lo sa nessuno. Anastasio ha scavato nell’orto e ha guardato in soffitta, ma non ha trovato niente.

GINETTAProprio gnénte, Eminènsa!

CARDINALEPoveretti, li vrdremo morire di fame!

COMAREIo spero che li veda anche il signor Menego, così, olte che dalle fiamme dell'Inferno, sarà tormentato anche dai rimorsi.

ANASTASIOMama!

ISIDÒRAAnastasio!

ANASTASIOMama!

ISIDÒRAAnastasio!

ANASTASIOMama, g'ò fame!

CAROLINAAnca mi g'ò fame!

21

MÉNEGO TACAGNO

LUCREZIAMama!

ISIDÒRALucrèssia

LUCREZIAMama!

ISIDÒRALucrèssia

LUCREZIAMama! G'ò frédo!

MÉNEGOMa se sémo in agosto!

LUCREZIAG'ò fredo istésso!

GINETTAParóna!

ISIDÒRAGinéta!

GINETTAParóna!

ISIDÒRAGinéta!

GINETTAParóna, g'ò sé!

CAROLINAAnca mi g'ò sé! ISIDÒRAE va a tórte un bicér de acqua! Sa viènto a secàrme le ore!

GINETTA PIANGE

ISIDÒRAFiói, vegnì qua, morémo insieme!

GINETTASpetème che vègno a morìr anca mi!

ANASTASIOMama!

ISIDÒRAAnastasio!

22

MÉNEGO TACAGNO

ANASTASIOMama!

ISIDÒRAAnastasio!

ANASTASIOVedo galàni, sòssole, frìtole coi pómi, montagne de ua passa!

CAROLINAAncò i se sbréga!

LUCREZIAMama!

ISIDÒRALucrèssia!

LUCREZIAMama!

ISIDÒRALucrèssia!

LUCREZIAMama! Vedo dosènto fogolàri tuti impissè!

ISIDÒRACari fiói, sti vedendo el Paradiso!

SUORAI fà cavàr el cór!

BÈPIL'è tuta colpa de Ménego!

GINETTAMorémo!

MENEGO TIRA FUORI IL FAZZOLETTO E SI ASCIUGA LE LACRIME

ANGELOSito drìo a piànsar?

MÉNEGOCi? Mi? Te pól imaginàrte! M'è andà un bao ne l'òcio!

ANGELONò! Questa l'è 'na làgrima d'amór, l'era ora che te se versésse el cór! Adèsso posso fidàrme. Valà e destèndete sul lèto, conta fino a diése e dopo àlsete. Te saré de nóvo vivo.

MÉNEGOMa el lèto l'è zà ocupà!

ANGELOFà come t'ò dito!

23

MÉNEGO TACAGNO

MÉNEGOMa ci sito ti?

ANGELOSón Gabrièlo e vègno dal cielo. Va...va...va.

MÉNEGOMa ci sito ti?

ANGELOSón Gabrièlo e vègno dal cielo. Destèndete, dai!

MENEGO UBBIDISCE E SI DISTENDE SUL LETTO.

MÉNEGOUno...dù...tri...quattro...çìnque... sié... sète... òto...nóve...diése!

DOPO IL DIECI, MENEGO ALZA PIAN PIANO LA TESTA - MERAVIGLIA GENERALE.

ISIDÒRAEl se móe! Ménego el se móe! L'è ancora vivo!!!!!

TUTTIL'è ancora vivo!

CARDINALEMiracolo!!!!!!

TUTTIMiracolo!!!!!!

CAROLINAAncò i g'à tutti el borésso!

ANASTASIOPapà!

MÉNEGOAnastasio! ANASTASIOPapà!

MÉNEGOAnastasio!

ANASTASIOPapà! Dame la mancia.

MÉNEGONó són gnancóra sicuro che sóto ghe sia 'n imbròio, ma questi i è i me fiói e sta dòna l'è la me spósa. 'Na làgrima d'amór la val tanto oro. Ò perso i schèi ma ò trovà 'n tesoro.

COMARELa vita è un lampo,un fiore di campo,

24

MÉNEGO TACAGNO

un lume di candela, un filo di ragnatela,un rossore di fanciulla, un salto nel nulla,la schiuma di un'onda,il fruscio di una fronda,una goccia di rugiada,un giro di lambada.

F I N E

25