ODDIO, COM CH’ L’ E’ CAMBIE’ E MOND!

Commedia brillante in tre atti

Motto “ Mei taerd cnè mai ”

1

Personaggi e interpreti:

LENINA: mamma

PACIFICO: marito di Lenina

ZITA: figlia

GAIO: figlio

TAEV: amico di Zita

OSCAR: amico di Gaio

OLIVIO: dottore in agraria

FIORELLA: fidanzata di Olivio

La scena si svolge nel giardino, dove ci sono piante e fiori, che sono la passione di Lenina. Servono un tavolo da giardino e sedie. Sulla sinistra c’ è l’ entrata dall’ esterno,con un cancelletto; a destra l’ entrata di casa; sul retro si prolunga il giardino, oltre la porta, addobbata con numerose piante.

Atto Primo2

( a piacere suona la musica “ Filmmusik” di Charlie Chaplin )

( Sono in scena Lenina e Pacifico, seduti vicino al tavolo. Lenina pianta dei fiori nei vasi, Pacifico legge il giornale. Lenina è vestita con camicetta e gonna a tubo, sopra una giacca allacciata con cintura; ha la camminata simile al passo dell’ oca militare, tono della voce imperioso. Pacifico ha occhialini rotondi uguali a quelli che portava il mahatma Gandhi; parla con tono della voce pacato e lento.)

PACIFICO: ( leggendo) Vè, Vè, st’ an e sendic e fa al robi in grand. I deis a que che la fira la durerà quatar dmenghi, ch’ l’ avnirà una gran masa ad bancheti, sa tot al robi piò boni, tot al specialità dla Rumagna. Oh. Ui sarà enca al giostri e e circo, chi starà a què fina a dop Pasqua, enca e mois ad maz.

LENINA: Seel? Um tucrà invidé i parint par quatar dmenghi? Na eh! Una volta e basta. Te voia te, sinò, quei is magna tot e parsot ch’ avem tachè so in cantoina.

PACIFICO: I parint dop tri dè i fa la poza, quindi ut tucarà invidei emenc tri dmenghi.

LENINA: Ci mat? Pu i vò avnei enca la querta, dop sé ch’ avressum e pess froid in chesa.

PACIFICO: Aloura a i invidem soul a magnè la zambela sl’ aibena.

LENINA: Par quatar dmenghi? Quei is n’ un boi una damigiena intira d’ aibena, i s’ ataca a la goma e i bè cmè la pidria. Valà che me st’ an a faz e zug dl’ ova, tot ma chesa sua, achsè hò risolt e problema.

PACIFICO: Fa pu te, che me a ne so. I è i tu parint, ta t’ arangeré te.

LENINA: A proposit ad parint, avem d’ andè de tu fradel un dè ad stelta smena.

PACIFICO: Me a panseva d’ andè se treno, achsè un gnè e problema dl’ autostreda, a s’ arpunsem.

LENINA: Se treno? No, no, me a voi andè sla machina, l’ è piò comod, a partem quand ch’ us per, senza fè al coursi, as putem farmè quand a vlem…

3

PACIFICO: Sé, parchè ho da guidé me, te ta la vu comoda soul par te. Sel che sarà mai pr’ una volta andè in treno.

LENINA: Aloura me an gni veng.

PACIFICO: T’ vu sempra fè com ch’ ut pè ma te, Lenina, t’ vu sempra avoi rasoun te.

LENINA: E te ta t’ cem Pacifico ad nom e ad fat; ta la vu sempra ciapè comoda par te.

PACIFICO: E te t’ vu cmandè com e tu ba, ch’ ut ha ciamè se nom ad Lenin.

LENINA: Lasa stè e mi por ba e ste nom ch’ am port dri da pu quand ch’ a so nasouda, che tot im to in zeir.

PACIFICO: E tu ba e vleiva fè la rivoluzioun e invizi l’ è stè bon da fè soul una fiola e u l’ ha ciameda se nom de su eroe.

LENINA: E tu ba invizi u n’ aveiva voia da fè nient e l’ ha ciamè e fiol Pacifico, parchè e dvantes praceis ch’ a n’é lou.

PACIFICO: U n’ è vera e mi ba u m’ ha ciamè achsè parchè l’ era fineida la guera e finalmoint us puteiva stè in pesa.

LENINA: Bè, mo a sem pu spusè listess nuilt dou e a sem ancoura a que.

PACIFICO: Parchè me ho sempra mantnou la pesa, mo a ne so meiga sla doura ancoura.

( entra il figlio Gaio, con in mano pennelli e una tela da colorare, cappello da pittore, calzoni alla zuava; mentre parla chiude e apre di continuo gli occhi e intercala i discorsi con un “ no”; si dirige verso l’ uscita.)

LENINA: Du vet Gaio sa chi culour?

GAIO: L’ è una bela zurneda, na; A voi andè me fiom a culuré i elbar e l’ acqua,na.

LENINA: Proima te da met a post la tu cambra, che t’ é una mundezza ch’ u ne sa nisoun, ch’ la per e purzeil de bagoin.

GAIO: Mo se a l’ ho puleida la smena ch’ lè pas, na!

4

LENINA: Ut pè poch? Te pu, t’ fé antrè e gat, e t’ al fe andè se let; no, no, artourna indri e va a dè l’ aspraporbia dimpartot e ben.

GAIO: Incu an n’ ho voia, ma, a voi andè a fè un quedar, na!

LENINA: T’ cumbiness qualcosa, ta n’ è la cambra pina, un gnè piò e post da meti, t’ an ci bon ad vend un quedar gnenca se l’ avnes zo Michelangelo da la Capela Sipina par det una mena.

GAIO: Sisitina,ma! Ha t’ l’ ho det una gran masa ad volti. Ui vo e su temp,na, mo a dvantarò famous.

LENINA: Eh! Um sa che t’ insogni al giandi e t’ fines in nient com e valzer ad Biloz; e ades fa quel ch’ a t’ho det e smetla sa chi no.

PACIFICO: Da reta ma la tu ma, sinò t’ al se ch’ la s’ arabia e la s’ la ciapa enca sa me.

GAIO: A so grand,sè! A i ho ancoura da fè sempra quel che lia la cmanda, sè o na?

LENINA: Finchè t’ magn ma chesa mia, o t’ magn sta minestra o selt da la finestra. Marsch!

( Gaio rientra in casa mogio)

S’ an faz achsè, te voia te i fiul, in dà meiga reta.

PACIFICO: Te t’ an vu ch’ a te dega, mo ci esagereda.

LENINA: T’ an vre meiga arcminzè sa sta storia, avem za scours; l’ è queng an ch’ ai andasem dri, ormai e basta.

PACIFICO: Te sempra rasoun te, tanimodi l’ è inotil scor sa te.

LENINA: Ades e basta via, me a vag a met a post sti fiour, pu ho da svasè dal pienti ch’ l’ a da vnei e dutour a vdoili e te va in chesa a stiré i pan.

PACIFICO: Sempra me ho da stiré i pan? Ta ne pu fè te, emenc d’ ogni tent?

LENINA: A t’ ho det ch’ l’ a da vnei e dutoir, ch’ a i ho dal pienti ch’ a gli ha ciap la malati, me ho da lavurè in te zardoin.

PACIFICO: Ho capei, s’ al doni bsogna tola persa, sinò l’ an s’ impata mai.5

LENINA: E pu la m’ ha det la mi ameiga, la presidenta, ch’ l’ è un bel ragaz, zovan, aloura al voi fè cnos ma la Zita.

PACIFICO: Sel, ades t’ vu enca truvè i murous mi fiul? I n’ è bon da par sé?

LENINA: I sarà bon sé, mo se ai dasem una mena… l’ è mei e pu ch’ in vaga pr’ una streda cateiva, ch’ in cnosa un zinzloun, un ibi.

PACIFICO: Sel ch’ l’ è un ibi?

LENINA: Quei ch’ in n’ ha voia da fè nient, chi è tot sporch.

PACIFICO: T’ vu dei un caploun, quei si cavel long.

LENINA: Propri quei.

PACIFICO: Ho capei! Un hippi.

LENINA: Parchè sel ch’ ho det me, ci te che t’ an capes mai; ciou l’ è fadeiga scor sa te.

PACIFICO: E chi saria ste dutour ch’ la da vnei?

LENINA: U me manda la nostra presidenta de grop “ Noi dal pollice verde” : la i ha det ch’ l’ è un gran brev burdel, ui è mort tot dou i genitour e l’ è da par sè.

PACIFICO: Aloura te te fat avnei la malatì m’ una pienta, par invidel ma chesa.

LENINA: Sa git mai! Ut pè ch’ a faza una roba achsè?

PACIFICO: Sa vut che sipa quest, ci bona da fen ben ad pez te.

LENINA: Oh, incu t’ an vre meiga fem scapè di gangri; dai via, smetla, va a stirè chi pan.

( Pacifico esce verso la casa, Lenina verso il fondo, dove c’ è il giardino; poco dopo, dalla porta di casa, entra Zita, indossa un paio di panta, con una corta gonnellina sopra, fa alcuni passi ritmici e acrobatici, poi prende un vaso di margherite , basso e largo e se lo mette in testa, fa alcuni passi cantando e una spaccata a terra. In quel momento entra Olivio. Olivio ha in mano una lente di ingrandimento, porta occhiali a grosse lenti, ha una

6

giacca con le maniche troppo lunghe, i bottoni sono allacciati storti e uno manca.)

OLIVIO: Permesso? Un gnè nisoun? Sgnoura Lenina! ( subito nota il vaso di fiori in testa a Zita, ma non la ragazza e con stupore ) Oh! Che maraveia ad “ Leucanthemum vulgare”!

( si avvicina con in mano la lente per ammirare da vicino i fiori, ma inciampa malamente nelle gambe di Zita, cadendo su una sua gamba e col viso difronte a quello di Zita. )

ZITA: Bè mo, che staga atenti, sel l’ è zig?

OLIVIO: La m’ ha da scusè sgnuroina, an l’ aveiva vesta, a guardeva al margheriti.

ZITA: Mu me um pè da l’ es piò granda dal margheriti.

OLIVIO: L’ è che me quand a veg i fiour quasi a perd la testa, an veg gnent eltar.

ZITA: Gnenca al doni? Al ragazi zovni?

OLIVIO: Ehm, ehm… An so tent pratic s’ al doni.

ZITA: Us’ void, mo un sareb oura ch’ l’ impares?

OLIVIO: Sa vola, me a so temid, an m’ areisgh.

ZITA: Va ben, però ades e staga so da la mi gamba, che lou e poisa, e e vaga piò da long da la mi faza.

( maldestramente si alza )

OLIVIO: Me avria un apuntamoint sla sgnoura Lenina, la i è lia?

ZITA: No, l’ è la mi ma.

( in quel momento entra Lenina, che li guarda con aria compiaciuta, pensando già ad un loro possibile matrimonio.)

LENINA: U m’ è pers d’ avoi santì ciamè, l’ è lou e dutoru? Oh, a veg ch’a v’ si za incuntré! Bene, a i ho propri chera!

ZITA: Gema ch’ as sem scountar, ch’ la i è piò giosta.7

LENINA: Zita t’ an avrè meiga za ragnè? ( rivolta a Olivio) Lou l’ è e dutour?

OLIVIO: Con piacere, Olivio.

ZITA: Un dutour ch’ un cnos al doni? U n’ è pusebil.

LENINA: Zita drova l’ educazioun, e sgnour l’ è un dutour in agreria, l’ è vnou parchè a i ho dal pienti maledi.

ZITA: Ades a capes parchè u n’ è pratic ad doni, e masum e po’ scapuzè in t’ un zoc ad tera areda.

OLIVIO: Ai dmand ancoura scousa sgnuroina, an vleiva manchei ad rispet.

LENINA: Bsogna che sia la mi fiola a dmandei scousa, dal volti la pè un bisinin scorbotica, mo la i è una breva burdela, una ragaza propri da mareid.

ZITA: Me a n’ ho ancoura nisona intenzioun da fem la spousa.

LENINA: Parchè t’ an ci inamureda, ta n’ è ancoura truvè l’ oman giost par te; mo basta avoi fiducia, che la provvidenza la i areiva propri quando oun un la zeirca. Vera dutour? Lou l’ è spusè?

OLIVIO: Me na… me, a n’ ho gnenca la murousa.

LENINA: L’ avdirà che la provvidenza la i areiva enca par lou. Intent e venga ch’ a l’ acumpagn avdoi ch’ al pienti maledi. Zita vin enca te a fè cumpagni me dutour.

ZITA: Ho da fè i mi eserceizi, a n’ ho temp.

LENINA: Una volta o ch’ elta sa sta mania dagli arobazi, ta t’ truvarè soura e rem d’ una pienta e t’ an sarè piò bona da smuntè zo.

OLIVIO: E parchè soura una pienta?

LENINA: Parchè par fè l’ arobata la s’ ataca mi rem di elbar, com al scemmi.

OLIVIO: L’ è una nova moda?

ZITA: Na, a la savimi fè quand a simi ancoura dal scemmi, la i è vecia, una masa.

OLIVIO: E ma lia ui pis? La vo arturnè indri com l’ australopiteco ?

8

ZITA: Mo no, l’ è la mi ma ch’ la n’ é bona ad scor. Me a voi fè la scola d’ acrobata, com quei de circo.

LENINA: Com i zengan; me a sper soul che te trova oun cu t’ faza met la testa a post, e ut manda via stal fantasi.

OLIVIO: Aloura ai faz i mi auguri sgnuroina.

LENINA: E venga dutour ch’ ai faz avdoi ch’ al pienti.

( Lenina e Olivio escono verso il giardino; Zita si alza dalla sua posizione e mette a posto il vaso di margherite, sempre volteggiando e facendo esercizi ginnici. Poco dopo entra Fiorella. Ha un vestito a fiori a gonna larga; gesticola molto con le mani, cammina sulle punte dei piedi, ogni tanto fa dei sospiri.)

FIORELLA: Permesso. Ci te Zita, ui è la tu ma?

ZITA: La i è in te zardoin s’ un dutour dal pienti.

FIORELLA: L’ è za arivat?

ZITA: I è andè propri ades; parchè enca te te al pienti sla malati?

FIORELLA: Me na, ma quand a simi a la riunioun dla nosta associazioun, ho santei che la presidenta la mandeva ma la tu ma un… zovan dutour… aloura al voi cnos. ( sospiro)

ZITA: Ta n’ é e murous te? T’ an vu cnos di nuv?

FIORELLA: Sta zeta, valà; e mi murous u m’ ha las pr’ ona una masa piò zovna ch’a ne me. L’ era si an ch’ a fasimi l’ amour. Ho vu un guai ch’ u ne sa nisoun!

ZITA: Um dispis, a ne saveiva: La i è steda una roba impruveisa?

FIORELLA: U la i ha cnusouda su Fassbuk, se computer; a l’ ho vesta tal se?

ZITA: Ta la i e cnusouda ad persouna o ta l’ è vesta in te computer?

FIORELLA: Un’ ameiga la m’ la fata avdoi se computer, pensa che stal burdleti ai met la fotografi. Quela la i aveiva una maia ch’ la riveva sota al teti, tota la penza nouda e i jiens tent bas che quasi i cascheva zo. Par forza pu sti oman i perd la testa.( sospirone)

9

ZITA: Però se lou u n’ andaseiva a zarchela… vera? Al savem che se computer u s’ atrova gnaquel; oun ch’un vo un va a zarchè agli ucasioun.

FIORELLA: Te rasoun enca te, mo me però… ai so arvenza una masa mel.

ZITA: E aloura ades ta t’ dé da fè pr’ incuntrern un eltar?

FIORELLA: E za, i deis pu “ chiodo schiaccia chiodo” .

ZITA: Te però ci sempra coursa dri ma di oman chi era di gran galet s’ al doni, stai un bisinin atenta ades.

FIORELLA: E basta, a n’ ho vù sa, d’ades in aventi soul oman seri, seressmi. Soul ch’ u n’ è meiga fezil truvei, a te deg me.

ZITA: Vut ch’a ne sepa, enca me a so ancoura zitela, un gnè un oman fat pre ben in te zeir ad zent kilometri.

FIORELLA: Te rasoun, tè te un fradel, mo enca lou u n’ è bon par noeltri doni, l’ è tota roba struscieda.( sospiro)

ZITA: L’ è ch’ ui n’ è una masa cme lou, tal se?

FIORELLA: La tu ma l’ al sa ch’ l’è un urcioun?

ZITA: Sta zeta, valà, se l’ al scrov chisà quel che suzed in sta chesa, i ven zo i mour.

FIORELLA: Proima o pu ui l’ avrà da dei, l’ avrà da fè e “ coming aut” ma la tu ma e me tu ba, tanimodi l’ è mei ch’ il sapia de fiol, piotos che da elta zenta

ZITA: E sarà mei piò terd ch’ us po e me in che mumoint a preferes a non esi.

FIORELLA: Me comunque ho deceis da zachè un oman fat pre ben, ch’ l’ è oura ch’ am faza una fameia.

ZITA: Aloura fursi incu l’ è la volta bona; ad dla sla mi ma ui è che dutour ch’ l’ è imbranè com un barbazvan. Se una dona l’ ares a fel inamurè, sgonda me, an num sbai propri, quel l’ è un oman da chesa.

FIORELLA: Da bon? E l’ è bel?

ZITA: Ciou, un s’ po’ meiga avoi tot in tla veita, bsogna enca cuntantes.

10

FIORELLA: Ormai a cmeinz avoi i mi an, s’ an mun dag da fè a pas ad dla. ( sospiro) Bè ades al vag a cnos, pu avdirem. ( sospiro)

( esce verso il giardino, Zita rientra in casa, poco dopo esce da casa Gaio, si guarda attorno , vede che non c’ è nessuno e si dirige verso il cancelletto d’ entrata )

GAIO: Oscar vin, la mi ma l’ an gnè.

( entra Oscar, quasi con fare furtivo. Ha modi effeminati e si mette continuamente a posto i capelli con la mano)

A ciap so i culour, a proposit, quand i areiva chi nov da l’ Olanda?

OSCAR: Sgonda me ui vrà emenc una quingiona ad dè; apena i areiva a ti port.

GAIO: Bene, a tog so la roba e andema sobit, na, che se l’ ariva la mi ma la trova dagli eltri stori par fem stè ma chesa, na.

OSCAR: Tal se che me ormai am so stof sla tu ma? U n’ è oura ch’ ai scurema, ca mitema al robi in cer e a la fasem fineida? Ormai l’ è oura che tai faza e “ coming aut” , insoma che ta ie dega.

GAIO: Ci mat? Na. Te t’ an la cnos, la ma maza ma me, la ta maza ma te e pu la sa maza lia.

OSCAR: Sgonda me ci esagerè; l’ al putreb dei, mo la ne fa. Toti al ma al fa sempra dal gran tragedi, ma pu al s’ adata e al sta zeti.

GAIO: Eh, t’ fe prest te a scor, la mi ma la n’ è meiga praceisa a la tu, na. La tu la i è piò muderna e piò democratica, mo la mi la i è un generel!

OSCAR: Enca i generel dal volti i perd la guera e i ha da stè zet e bon.

GAIO: La mi ma l’ an n’ ha mai persa ona, na: in chesa la cmanda lia e e mi ba l’ ha da stè zet e fè quel ch’ la vo lia, se e vò stè in pesa,na.

OSCAR: smetla sa chi na e pu e ven e mumoint par tot, proima o pu e mumoint dla roisa l’ areiva, enca e duce u s’ è cnu arend e enca Napoleone.

GAIO: Lai fa un bafi, la mi ma ma Napoleone, uh!

OSCAR: La n’ è una gran apasiuneda ad fiour?

11

GAIO: Sé, mo quest sel ch’ l’ ointra?

OSCAR: E vo dei che sota, sota la i ha un cor, ch’ la i è una dona sansebila.

GAIO: Mo na, la i è difidenta e cateiva cmè la gramegna.

OSCAR: E putria l’ es che quela la sia l’ aparenza, par coipa ad un trauma o par l’ educazioun ch’ la i ha avou da znina.

GAIO: Da quand t’ fe e pissicologo te?

OSCAR: Da quand a lez i leibar de dutour “ Esauriti”.

GAIO: Se chi leibar i è esauriti, cum fet a lezli?

OSCAR: Mo no, quel l’ è e nom de dutour.

GAIO: Us void che l’ ha fat furtouna sla su malati. E pu comunque lasa perd che tanimodi la mi ma la sta benessum e la ven da una fameia nurmela.

OSCAR: Aloura se la n’ ha problemi a i e gem sobit, enzi a i e deg me, achsè a taiem la testa me tòr e un sn’ un scor piò.

GAIO: Sta zet, a m’ aracmand, no fa e sioc. Sta tranquel ch’ a i e girò me, a truvarò e modi.

OSCAR: T’ am pè chi oman spusé chi ha l’ ameiga e i la to in zeir gendi chi scor sla moi, mo in verità i ne fa mai e i ne vo fè.

GAIO: Ciou, enca sla ma ui vo pazinzia, bsogna truvè e mumoint giost. T’ an s’ è pissicologo te ? T’ an li capes s’ tal robi, na?

OSCAR: Um pis enca fè e pissicologo, mo quand l’ è trop, l’ è trop, ades e basta.

GAIO: T’ am pè ch’ al dunini ch’ al fa i caprez, dai smetla so. A te prumet, ai scor prest, proima ad fei e “ coming aut” a la i ho da preparè ben, parchè un gni venga un colp ch’l’ arvenza seca.

OSCAR: Prumetmi che t’ al fe prest, sinò ai scor me, a te zour.

( Si sentono dall’ esterno le voci di Lenina e Fiorella)

LENINA: Quel l’ è un fiour ch’ um pis una gran masa.

FIORELLA: Me ai n’ ho do pienti. 12

GAIO: L’ areiva, dai va via, no fat avdoi. Me a trov e modi da scapè, a veng sobit.

( sospinge fuori dal cancello Oscar)

OSCAR: Fa prest eh! Sinò am stof dabon.

GAIO: Sè, sè; na, aspeta in te solit post.

( Oscar esce dal cancelletto, Gaio esce verso la casa. Entrano dal giardino Lenina, Olivio e Fiorella)

OLIVIO: Ai faz avnei da Amsterdam la “ Convallaria majalis” ad culour rosa; l’ è una varietà nova, un incrous ch’ un l’ ha ancoura nisoun.

LENINA: E l’ è un incrous bon, o ad quei ch’ in fa la smointa?

OLIVIO: La i è sterile, ancoura i n’ ha trov e modi da fè un incrous che sipa fertile.

LENINA: La va ben listess, se mi pollice verde a so sicoura ch’ l’ am durerà una masa ad an.

OLIVIO: E pu ai faz avnei enca e “ Cuminum ” e e su licori e “ Kummel”. L’ è tota roba ch’ la sa trova soul in Germania e in Olanda. L’ è una pienta bona da fè al tiseni pre stong, rilasenta, countra agli infiamazioun. I la drova pr’ una gran masa ad robi, enca pr’ al doni ch’ a gli ha da fè e lat. Me a la drov pre fardour de fen, ch’ a so alergic da pu quand ca sera znin.

LENINA: A la ringrezi, lou l’ è propri d’ una gentilezza ch’ l’ an sa trova piò e dè d’ incu.

( entra Gaio, dalla porta di casa, con in mano la tavolozza dei colori e la tela e si dirige verso l’ uscita; la madre lo blocca)

LENINA: Oh Gaio, vin ch’ at voi fè cnos la Fiorella. ( li presenta)

FIORELLA: Piacere.

GAIO: Piacere, Gaio. ( rivolto alla madre) Ma, ho presia, ch’ ho dal riobi da fè, bsogna ch’ a vaga.

LENINA: Un s’ un scor, avem la zenta, no fa e malduchè e sta a què in cumpagni. La Fiorella l’ è una ragaza bela e breva, ta la i e da cnos ben.

13

FIORELLA: Un gnè problema, s’ l’ ha d’ andè e vaga pu, an voi dè dan.

LENINA: Dan ma Gaio? T’ vu scarzè? Ma lou ui fa soul piasoir cnos dal doni novi, dato che a que in ste paiois un gni n’ é una masa, vera Gaio?

GAIO: Sé ma. ( mogio)

LENINA: E pu al ragazi e dè d’ incu agli è toti pini ad pretoisi, al n’ é mai cuntenti, agli è pochi seri, invizi te Fiorella ci propri una dona fata pre ben.

GAIO: Um dispis ma, mo incu ai ho propri d’ andè via, e sarà pr’ un eltra volta ch’a farò amiceiza sla sgnuroina Fiorella. Av salout ma tot.

( esce verso il cancelletto)

LENINA: A l’ avì da scusè, l’ è un bon ragaz, us void ch’ incu l’ aveiva presia dabon, l’ avrà avou dal robi impurtenti da fè.

OLIVIO: Una dona com la Fiorella l’ è quela chi vo tot i oman.

( Fiorella lo guarda con occhi dolci, sospira, gli si avvicina e gli mette a posto i bottoni della giacca )

FIORELLA: U m’ ha da scusé s’ am so ciapa la libertà.

OLIVIO: Enzi a la ringrezi, da par me a m’ imbroi.

FIORELLA: Ui a menca un butoun.

OLIVIO: U sé scusei, a l’ ho ma chesa.

FIORELLA: Se e vo ai e cus me, ( sospiro) su me dà al faz in zoinq minout.

OLIVIO: Grazie, a vag a chesa e a i e dag sobit.

LENINA: ( a parte) Duvò ch’ la sarà andeda la mi fiola. ( a Olivio) Aloura dutour um fa avoi prest la “ Com- valla maiale “ . U m’ ha da scusé sa ne deg ben e nom, mo me a n’ ho studié e latoin.

OLIVIO: Lè listess, as sem capei, un gnè problema. A faz sobit l’ ordinazioun e in do smeni ed masumui areiva a que ma chesa. E quand l’ areiva l’ am telefona, achsè a veng enca me avdoila.

14

FIORELLA: Enca me a so curiousa d’ avdoi sta raza nova, chisà cum ch’ la i è bela. ( sospiro)

LENINA: A ve faro savoi sobit apena i la porta. Av salout. ( li accompagna al cancello )

( Fiorella e Olivio escono)

LENINA: Sempra achsè, i mi fiul e pè ch’ il faza a posta.

( entra Pacifico)

PACIFICO: Ho finei da stiré tot chi pan, ades pr’ incu e basta eh! Sperema che t’ an apia dagli eltri robi da fem fè, ch’ a so strach.

( si siede e riprende a leggere il giornale. Lenina si mette dei guanti da lavoro, prende un vaso e inizia a travasarlo, con l’ aiuto di una paletta)

LENINA: Sta zet, che tanimodi quand ui è bsogn t’ an gni si mai.

PACIFICO: Parchè sel ch’ l’ è suzest?

LENINA: Un gni né ona ch’ la vaga dreta.

PACIFICO: Sel ch’ ui è ancoura?

LENINA: Ho fat avnei e dutour e la Zita l’ han gni ha gneca guers; ho fat avnei la Fiorella par presentela ma Gaio e lou u s’ né andè via, gend ch’ l’ aveiva dal robi da fè. U n’ è pusebil, me am dag da fè e i fiul i ciapa via.

PACIFICO: Parchè sel ch’ i avria da fè?

LENINA: I aveiva da cnos cal persouni, un sa mai ch’ in s’ ciapess pr’ un matrimoni.

PACIFICO: Ades ta t’ ci mesa in testa da cumbiné i matrimoni di fiu? T’ vu fè l’ amstir de sansel? Ta ne se ch’ l’ è un amstir ch’ un esest piò? Ci arvenza indri.

LENINA: Sel che t’ vu dei? I avrà pu da truvè dal persouni fati pre ben?

PACIFICO: E tai li vu truvé te?

LENINA: Us capes, bè… enca me a voi fè e ben di mi fiul.

15

PACIFICO: E par fei de ben t’ vu met so l’ agenzia matrimoniela “ Matrimoni combinati per suoceri appagati”.

LENINA: Un gnè bsogn che t’ am toga in zeir; me a voi dèi mena mi fiul, parchè in chesca in dal persouni ch’ aln va ben.

PACIFICO: Agli ha da andè ben par te o par luilt?

LENINA: L’ è logic che s’ al va ben par me al va ben enca pri fiul.

PACIFICO: U n’ è meiga logic par nient.

LENINA: Te t’ am dé sempra contra, com e bagoin ma la chesa; ta tla vu smet?

PACIFICO: Me a voi soul fet rasunè. T’ an t’ arcord piò quanq ch’a sirti zovna te? Ta t’ci fidanzeta sa me parchè cirti inamureda te o la tu ma?

LENINA: Che scours t’ fe! L’ è logic ch’a sera inamureda me.

PACIFICO: E aloura lasa che i nost fiul i si trova da par sé i murous.

LENINA: A mo, i ni ha ancoura trov, t’ an void chi n’ è bon da par sé?

PACIFICO: Te lasi fè, ch’ impararà, com avem imparè nuilt. T’ an pansarè meiga che i nost fiul i sia di bumboz?

LENINA: A n’ ho meiga det quest.

PACIFICO: Aloura lasa chi faza la su veita e smetala ad pansè che e mond l’ apia d’ andè sempra com t’ vu te.

LENINA: Me a rasoun ben e a voi al robi fati pre ben.

PACIFICO: E t’ vu al nori e i zendar cum ch’ i t’ pis ma te.

LENINA: Fala poca longa, ades e basta. Vin a chesa a dem una mena a preparè da magnè. Te tolt la roba da la lavapiat?

PACIFICO: Parchè aveiva da fè enca quel?

LENINA: Us capes, mè a la I ho rampeida, te ta la svuit. Dan vin.

PACIFICO: Mi su cmandi sgnoura generela.

16

LENINA: No to meiga in zeir, t’ avrè pu da dè una mena enca te ma chesa, t’ an ste a que?

( Escono verso la cucina; poco dopo entra Zita, ha in mano un cerchio da Hula-Hop, col quale fa esercizi ginnici; subito dopo entra dal cancello Taev , vestito da clown. Ha in mano dei fogli; parla un linguaggio misto italiano-dialetto.)

TAEV: Si può? Parmess?

ZITA: E venga aventi; chi el?

TAEV: Ai pos lasè i bigliet e la pubblicità de circo?

ZITA: De circo? ( entusiasta) e venga pu aventi e faza avdoi.

TAEV: A sem a que par du- tri meis sgnuroina, la venga avdoi i nost spettaquali.

ZITA: Che chera ch’ a i ho! Sé ch’ um pis! Una gran masa!

TAEV: Aloura ci faccio il tornaconto.

ZITA: A m’ imazin che lou un sia rumagnol, vera?

TAEV: Noi italiani, ormai da una massa di anni, noi ziriamo tutta Italia, ma soprattutto la Rumagna, io scorro un bisinin e dialet.

ZITA: E lou e fa e clowun?

TAEV: Me a fazzo tutto inquello, e clowun, mo enca l’ equelibresta e agli acrobrazi.

ZITA: Dabon?? La mi passioun!! Sè ch’ um piasreb enca mu me fè l’ acrobata!

TAEV: Basta andè alla scola e imparè.

ZITA: E deis da bon? U i è la scola? Me sa putes avnirei enca in te circo.

TAEV: Bè mo, la venghi, lassi venga a truvè, ch’ ai fazzo avdoire e pu ai spieg tutto inquello.

ZITA: Sé, sé, avnirò tot i dè, se a pos.

TAEV: Una bela ragaza come lia, l’ am fa soul piasoiro averla d’ atondo.

17

ZITA: E um dega: avì enca i animeli, i lioun, al tigri?

TAEV: No, nuialtri a siamo solo animeli sa due gambi, mo gnanca i polli e i pizouni, solo omani.

ZITA: E parchè?

TAEV: Parchè i animeli li avviamo messi tutti i te zoo- safari; i n’ ha da stare piò ciusi in talle gabbie, i ha da stare lebari: E dè d’ incu us fa e circo senza animeli.

ZITA: E la zenta la ven listess?

TAEV: Eccome, is diverta una gran massa: avviamo i trapezesti, i cloun, i zuguliri, i quelibrista. I basta i omini par fè divartei, sono a sa, molto più comici di animeli.

ZITA: Um sa ch’ l’ apia propri rasoun, sa tota la zenta mata ch’ la i è in te mond, un gnè bsogn di animeli par fè reid.

( Taev si avvia all’ uscita)

TAEV: Aloura a l’ aspetto presto, la venga ch’ a insegnerò una massa di robbe.

ZITA: A s’ avdem prest; ciao.

( Taev esce, Zita volteggia allegra; entra Lenina)

LENINA: Um pè d’ avoi santì scor, ui era dla zenta?

ZITA: L’ è avnou oun de circo a purté la pubblicità.

LENINA: Chi zengan? Ta l’ è mandè via?

ZITA: Quei de circo i n’ è zengan, i è clowun.

LENINA: I sta in tal rulette, i è sempra in zeir pre mond, i è di zengan.

ZITA: I fa i clowun, i trapezista, i fa un lavour che fa reid e stè ben la zenta.

LENINA: Eh, i sta se trapezio, e sota ui è i lioun chi aspeta chi chesca par magnesi in t’ un bucoun.

ZITA: Na, parchè i animeli in gnè piò.

18

LENINA: Uh! Che circo ch’ l’ è s’ in gnè i lioun e al tigri?

ZITA: Di oman e dal doni, chi è piò comic di animeli.

LENINA: Ad zengan chi va enca in zeir a rubé.

ZITA: No questa la i è zenta ch’ la lavoura e i va enca a la scola.

LENINA: Di vagabond e ma te ch’ un t’ vegna l’ idea d’ andei avdoi.

ZITA: Ades un s’ pò andè gnenca piò avdoi e circo? La zenta la i è sempra andeda.

LENINA: Una volta quand un gnera la televisioun; ades us stà ma chesa avdoi la televisioun, e masum.

ZITA: Ades t’ an vrè meiga ch’ an vaga avdoi e circo? T’ am vu pruibei enca quest?

LENINA: Sa toti agli idei che t’ é te, un sa mai, ci za mata da par tè, ui a mancheva enca quest par fat mandè ad travers e zarvel.

ZITA: Ades e basta, me am so stofa, a voi fè quel ch’ um per; a so granda, a so maggiorenne, an n’ un pos piò.

LENINA: Verda da no arspond mel ma la tu ma, ta me da purtè rispet.

ZITA: Ma tot u i è un lemit; e rispet l’ è una roba, mo vlè cmandè sa tot al robi, sa tot al decisoun, soura la veita ad chiltar pu na.

LENINA: T’ an t’ vargogn d’ arspond achsè ma la tu ma? Ci dventa mata? U t’ ha dè d’ arvolta e zarvel?

ZITA: Sé, parchè sgonda te chiltar i ha da fè quel che t’ vu te e soul al tu idei agli è giosti. Te da capei ch’ an so piò una burdela znina, a so granda e a voi fè quel ch’ um per.

LENINA: Vargogna, va in tla tu cambra, svargugneda! Va in casteig e non scapa fura finchè an te deg me!

( Zita si avvia verso il cancello )

ZITA: A vag via, sé, a vag via, mo via da chesa, no in tla mi cambra! An t’ voi piò avdoi.

19

( esce dal cancello)

LENINA: Pacifico, du sit? Quand ho bsogn t’ an si mai! Boia te!

( entra Pacifico dalla casa)

PACIFICO: S’ el te fat? S’ el ch’ u i è da rog?

LENINA: La tu fiola la s’ arvolta e la m’ arspond mel. Ades la i è scapa.

PACIFICO: Ciou, ci sempra incarugneida, t’ ai de sempra countra.

LENINA: La i avrà pu da imparè com ch’ us fa in tla veita.

PACIFICO: Lasla in pesa un bisinin.

LENINA: Ecco, ci te che t’am de sempra countra.

PACIFICO: E daila sa sta storia, al so che a so com e bagoin, un gnè bsogn che ta me dega dis volti e dè.

LENINA: No, t’ an ci com e bagoin, ci un sarpent sla lengua bi, bi… dopia, insoma, ch’ la taia e la cus.

PACIFICO: E te ci un “rotballer” chi chen cateiv chi da ad mors ma tot.

LENINA: Pacifico, parchè t’ fe achsè? U n’ è colpa mia se la tu fiola la i è una meza “Ipi”, l’ ha n’ ha meiga ciapè da me.

PACIFICO: Da la mi fameia no ad sicour; invizi avreb savoi mei dal robi dla tu fameia, che ancoura al n’ è meiga ceri.

LENINA: La mi fameia la i è a post, uns po’ propri dì nient.

PACIFICO: A ne so, a starem d’ avdoi; ui n’ è una masa chi ha i scheletri nell’ armeri, a ne so meiga ch’ ha ni apia enca te.

LENINA: S’ el ch’ ho me in t’ armeri? S’ a dag la porbia tot i dè.

( escono verso la casa)

Si chiude il sipario

( a piacere suona la musica “ Limelight music Theme” di Charlie Chaplin )

20

FINE DEL PRIMO ATTO

21

SECONDO ATTO

( A piacere suona la musica “ La danza dei panini” di Charlie Chaplin )

(La scena è vuota; entrano dal cancelletto Lenina e Pacifico )

LENINA: Basta, a so straca, an n’ un pos piò.

PACIFICO: Me a tl’ aveiva det d’ andè se treno.

LENINA: L’ è che te t’ an fé mai cuntrulè ben la machina de mecanic, sinò l’ an s’ rumpeiva ma la streda.

PACIFICO: L’ è robi ch’ al capita; la macchina ormai la i è vecia, la s’ po’ romp, come te.

LENINA: Sel che vo dei quest?

PACIFICO: Che la roba vecia la n’ è piò bona da fè nient.

LENINA: Me a so ancoura intira, la machina invizi parchè t’ an la compar nova?

PACIFICO: Te ci tota macheda puroina; sé, sé, macchina nova e moi zovna.

LENINA: Pruvti che t’am sint.

PACIFICO: Sel t’ fe, santema.

LENINA: A t’ arvoin, at las senza un sold; valà che dop t’ an la pu meiga mantnei ona zovna sa tot al pretoisi ch’ a gli ha.

PACIFICO: A n’ ho meiga pavoura, te e tu lavour, t’ guadagn piò ca ne me, ta n’é d’ avoi nient.

LENINA: Valà che m’ al doni i giodic i dà sempra rasoun, a sem privilegiedi noeltri.

PACIFICO: Quest l’ è vera, ades al rasoun i li ha toti mal doni, al cmanda luelti e i oman i è ardot senza chesa e senza i suld da magnè. Bsogna ch’ i oman in spousa piò, sinò i è arvinè.

22

LENINA: Bè una volta l’ era achsè pr’ al doni, ades e mond u s’è arvolt: un po’ pr’ oun, un fa mel ma nisoun.

PACIFICO: Sa fos nasou quand i cmandeva i oman, sé, mo ades e fa mel, eccome!

LENINA: Dai basta, pr’ incu la visita de tu fradel la i è salteda, ades va avdoi du chi è i fiul, e po’ l’ es chi sia ancoura in te let.

PACIFICO: Eh, quand un gnè la gata i sorg i bala.

( Pacifico esce verso la porta di casa; Lenina sta per seguirlo, quando entra dal cancello Oscar con in mano una scatola di medie dimensioni )

OSCAR: Permesso; me a zarcheiva…lia la i è la sgnoura…

LENINA: Lenina, l’ ha port e pac?

OSCAR: Sé, l’ è…par…

LENINA: L’ è par me a l’ aspiteva, u me daga pu.

( glie lo prende dalle mani)

OSCAR: Vramoint…sgnoura e ven da l’ Olanda, l’ al tenga ben, la staga atenta, soura ui è scret “ maneggiare con cura, non rivoltare”.

LENINA: Al so, e vo che me al faza caschè ma tera? A ne romp meiga, a stag atenta, a so pradga me.

OSCAR: Sgnoura, za ch’ as sem incuntrè, a putreb scor sa lia? Um piasreb fè do ciacri de “ coming ”.

LENINA: Oh! Ui pis? L’ è passiunè?

OSCAR: A i ho fat una passioun! Che la mi testa d’ una volta o ch’ elta l’ am sciopa.

LENINA: Achsè tent? E staga atenti, parchè us fa prest a perd la testa.

OSCAR: Me a la i ho za persa, sgnoura e enca una masa.

LENINA: E faza la tisana, che la fa digerei e la i è enca rilassenta. E vaga pien invizi se licori, e “ Kummol”Ch’l’ ha enca l’ alcol.

OSCAR: Un gnè tisana ch’ la posa fè, soul e “ comining “.23

LENINA: L’ è propri ad quel ca scor, una bela tisena ad comino.

OSCAR: Ah, se lia la la cema achsè, e va ben. Aloura la i è d’ acord.

LENINA: Com no, lou e drova e comin e l’ avdirà com ch’ e starà ben.

OSCAR: A stag za mei; am cardeiva che fos piò fadeiga scor sa lia. A santei Gaio e pè ch’ un sipa pusebil.

LENINA: Sa vol che sapia Gaio, lou ad stal robi un s’ intend meiga.

OSCAR: La i ha rasoun e la i è propri una ma muderna e cumprenseiva.

LENINA: Soul par quest? Un gni vo una masa, l’ è robi nurmeli!

OSCAR: E l’ am dega, lia la n’ è ad queli ch’ al s’fa di problemi su n’ è pusebil la riproduzioun?

LENINA: No! Ho scours se dutour, u m’ ha det che la i è sterila.

OSCAR: Sgonda, parchè quei chi fa e comin, se i è masci i è sterili, mo se i è femni, i pò fè la fecondazioun artificiela.

LENINA: Dabon? Quest e dutour un m’ l’ ha meiga det. Me avrò un masci o una femna?

OSCAR: Un masci, sgnoura, un masci.

LENINA: E sarà listess, tanimodi un fa una gran difarenza.

OSCAR: Un po sé, parchè al femni al po’ avoi un fiol, i masci invizi i po’ fè soul l’ adozioun e quand in Italia e sarà parmes.

LENINA: Parchè in Italia un s’ po?

OSCAR: Ancoura na.

LENINA: Sperema chi faza la leza enca a que.

OSCAR: Me a saria una masa cuntent.

( entra Gaio, con meraviglia vede la madre e Oscar)

GAIO: Bè,na, te ma t’ an cirti andeda a truvè e zei?

24

LENINA: Sta zet valà, u s’ è rota la machina, avem duvou ciamè e mecanic e arturnè a chesa. E par furtona ch’ an simi dalong, sinò chissà i suld ch’ ui vleiva.

OSCAR: Ho scours sla tu ma, a i ho fat e “coming aut”; verda che la n’ è meiga com dì te, la i è una dona muderna, piò ca n’ è la mi.

( Gaio è allibito, non sa profferir parole)

GAIO: Na! Ci… ci … sicour? Sel ta i e det?

LENINA: Avem scours di fiour chì è arivat da l’ Olanda. ( indica il pacco)

OSCAR: Veramoint sgnoura quei i è i culour ad oli par Gaio.

LENINA: T’ an e det che i ven da l’ Olanda?

OSCAR: Sé, i piò bon i è Olandeis, parchè i culour ad oli i è sté invantè in Olanda e a lè i fa i mei ch’ ui sia.

LENINA: Me aveiva capei tota un elta roba. Ma lou u n’è e curir che e ven da L’ Olanda?

OSCAR: Me a so italien, a so l’ ameig ad Gaio.

GAIO: Dai Oscar andema. A s’ avdem dop ma.

( lo trascina fuori e prende su il pacco)

LENINA: Um pè un bisinin stren però che ragaz. E sarà mei ca i e dega ma Gaio, che staga atenti mal cumpagni; e dè d’ incu un sa mai, us po’ fè di cateiv incountar.

( esce verso la casa; un attimo la scena rimane vuota, poi entra quasi di soppiatto Zita che va al cancello, dove sta entrando Taev. Taev ha giacca a righe e pantaloni di colori sgargianti, una sciarpa lunga)

ZITA: Andema vi, la mi ma la i è ma chesa.

TAEV: A n’ avimi da stare in pesa a qui tutto il dì?

ZITA: Sé, mo l’ è cambié gnaquel. ( in tono scocciato e nervoso)

TAEV: Oh, sa vut che sipa un impravest! La t’ piace la vita nuiousa e

25

sempra pracisa?

ZITA: Na, però…avima fat di pruget, ai cunteva.

TAEV: Noialtri de circo a siamo abitué ai cambiamoint: un dì a siamo a què, un dì a là; par noialtri un dì u n’ è mai preciso a ch’ l’ elt. La varietà l’ è il suo bello, la monotonia la fa al persouni nuiousi e tresti.

ZITA: T’ avré enca rasoun, però…

TAEV: E pu al novità e gli imprevest fanno enca al persouni piò inteligenti.

ZITA: Uhm, e parchè?

TAEV: Parchè ui vole l’ intelligenza par risolvar di problemi sempra nov.

ZITA: E aloura incu com al risolvem, ch’ an putem stè a què in pesa da par nuilt?

TAEV: Ut piasrebbe avvenire in te circo a pruvè a fè un pò ad eserceizi si trampoli?

ZITA: A saria do deidi soura e zil.

TAEV: Aloura sello che aspetti?

ZITA: Andema sobit.

( escono ambedue; poco dopo entra Pacifico, ha in mano un giornale, si siede)

PACIFICO: Ades a voi stè un bisinin in pesa e ch’ un venga nisoun, sinò an ares mai a lez e giurnel.

( apre il giornale, lo sfoglia, poco dopo dal cancello entra Fiorella, è sempre vestita a fiori, ma con abito diverso da quello del primo atto.)

FIORELLA: Us po? ( vede Pacifico) oh, buongiorno; ui è la Lenina? ( sospiro)

PACIFICO: ( A parte ) Ecco ch’ ho finei da lez e zurnel in senta pesa. ( a Fiorella) La i è in chesa ai la i ho da ciamè?

FIORELLA: Grazie, ai ho da dmandei una roba; a faz prest, an voi disturbè.

PACIFICO: Lia l’ an disturba mai. ( a parte ) Soul quand ho da lez e mi giurnel.26

( si alza, va a chiamare Lenina e rientra subito); La ven sobit. ( A parte) Me a que a faz e camarir e e maggiordomo.

FIORELLA: U m’ ha da scusé, ( sospiro) e pè ch’ ai abia fat fè e maggiordomo ( ride)

PACIFICO: Bè, l’ è propri e mi lavour, la ne sa?

FIORELLA: No, me aveiva capei che lou l’ era impieghé in tla posta.

PACIFICO: Quel l’ è e pasatemp; invizi pu a faz da camarir, oman dal pulizi, maggiordomo tuttofare e dal volti enca e ba e e mareid e quest l’ è e lavour piò gros. Sa n’ aves fat e mareid a n’ avria truvè gnenca tot chiltar lavour ch’ a i ho det, sgnuroina. Eh, ho trov la baza!

FIORELLA: Enca me avreb truvè un oman bon cme lou, e saria la mi furtouna. (sospiro)

PACIFICO: La su ad sicour, mo e sarà fadeiga truvel, parchè di pataca come me ui n’ è poch in zeir.

( entra Lenina)

LENINA: Ciao, Fiorella.

FIORELLA: A paseva da que e a vleiva savoi s’ al tè arivati ch’ al pienti da l’ Olanda.

LENINA: Ancoura nient; quand agli areiva at telefon sobit.

FIORELLA: T’ cem enca e dutour?

LENINA: Us capes, l’ ha pu det ch’ l’ ha da des al spiegazioun?.

FIORELLA: Bene achsè ai ho l’ ucasioun par avdoil.

PACIFICO: Parchè l’ è oun chu m’ asarmeia? U i è un etar pataca in zeir?

LENINA: Pacifico! Che paroli agli è questi?

PACIFICO: Nient, l’ è un scours ch’ a fasimi me e la sgnuroina.

LENINA: A si difarent com un caval e un sumar.

PACIFICO: Me a ml’ imazin za quel ch’ a so me di dou.

FIORELLA: A scurimi ad caratar, ad persouni boni com e tu mareid.

27

LENINA: Aloura ta ne cnos puroina. L’ aparenza la ingana, ta ne se?

FIORELLA: Olivio e pè una gran breva persouna, sperema ch’ un sia soul aparenza.

PACIFICO: Se me a so pataca soul in aparenza e lou u l’ è da fat, aloura a so cuntent, ui è qualcadoun piò pataca ch’a ne me.

LENINA: No dai reta Fiorella, che d’ ogni tent e fa e strambal.

PACIFICO: Bsogna avoi pietà d’ un por strambalaz, quindi sgnuroina la faza count da non avoi scours sa me.

FIORELLA: Lou e putrà l’ es enca strambal, ma l’ è un brev mareid, altrochè. ( sospiro)

PACIFICO: E ste Olivio, aloura cum el?

FIORELLA: L’ è temid, sgonda me u n’ ha una gran pradga ad doni.

LENINA: Aloura t’ al vu incuntrè a que, parchè lou u n’ è bon da fet un inveid.

FIORELLA: Giosta.

PACIFICO: L’ uomo perfetto per essere incastrato. La sa che la mi moi la i ha una dota speciela par cumbiné i matrimoni? Soul che quei ch’ la vo met insem lia, i n’ è d’ acord luilt.

LENINA: Me a l’ ho vest sobit che Olivio l’ è un brev ragaz, l’è ch’ un gn’ interesa ma la mi fiola.

FIORELLA: Parchè t’ vilti che Olivio us mites sla Zita? Me ho scours sa lia, la m’ ha det ch’ un gni interesa. Sinò an n’ un saria parmesa da fè un tort m’ una ameiga.

LENINA: A l’ ho capei enca me ch’ un gn’ interesa. Chissà che idei la i ha la mi fiola. Quela la i è tota mata. An capes da chi ch’ l’ abia ciap, che in tla nosta fameia a sem toti parsouni fati pre ben e senza frol par la testa.

PACIFICO: Atenti, l’ aparenza la ingana e pu ta n’ è apena det che me a so strambal?

LENINA: Dai, va a fè al bucazi ma la semia.

FIORELLA: Lenina at vleiva dmandè un piasoir.

28

LENINA: Di pu.

FIORELLA: Quand i t’ areiva al smointi de “ cuminum” t’ am ne rigali un pochi?

LENINA: Bè, te di dobi, a t’ li dag sicour.

FIORELLA: A li voi piantè, par fè i fiour e al smointi. Ho let ch’ al fa ben pr’ una gran masa ad robi…

LENINA: L’ è vera, u l’ ha pu det enca e dutour.

FIORELLA: Tal se, una volta i cardeiva ch’ al fases ben pri oman…te capei… e a li druveva enca par tnei lighè un oman.

PACIFICO: Da quel ch’ ho capì me, ui n’ un vo una masa dal smointi, par Olivio ui n’ un vo una dosa doppia.

( bussano, entra Olivio: ha in mano un fazzoletto, starnutisce vigorosamente, ha gli occhi arrossati; la giacca allacciata coi bottoni storti)

Oh, vè parsouna nomineda, dalong una sasaeda.

OLIVIO: Scusem, etci! etci! A i ho propri in ste mumoint un atac ad fardour de fen; etci! Incu a n’ ho ciap al mi tiseni. Etci!Etci!

FIORELLA: Olivio, a pos fè qualcosa? ( gli si avvicina emozionata, premurose e sospirando)

OLIVIO: Eh… Etcì! A la aringrezi, a vag sobit ma chesa; a paseva da que e am so ferum par santei s’ l’ è arivat e pac da l’ Olanda.

LENINA: Ancoura na, mo apena l’ areiva a i e faz savoi sobit.

OLIVIO: Sé, a m’ aracmand, parchè a so sicour che par voielti e sarà ona surproisa d’ arvanzè incantedi.

LENINA: Difati me an ni ho mai vest chi fiour e ch’ al smointi, a so propri curiousa.

FIORELLA: L’ ha un fardour fort Olivio. A la pos cumpagnè ma chesa? In st’’ al cundizioun cum fal?

OLIVIO: A i ho enca i oc tot ros, an veg nient. Se l’ am porta ma chesa a

29

l’ aringrezi, sgnuroina Fiorella.

PACIFICO: U n’ è oura ch’l’ ai daga de te, a si zovan tot dou.

OLIVIO: L’ ha rasoun, sgnour…

PACIFICO: Pacifico, a so e mareid dla Lenina.

OLIVIO: L’ è che me a so temid, etcì! , s’ al doni, an m’ areisg una masa, etcì!.

PACIFICO: Aloura questa l’ è la volta bona par ciapè confidenza.

OLIVIO: Sgnuroina… Fiorella, t’ am, etcì, vu cumpagnè? Etcì!

FIORELLA: ( emozionata, sospirando) Andema sobit, achsè t’ pu to al tu medizioni, al tisani e tot quel ch’ ut sarves par stè mei. Av salout.

OLIVIO: Grazie, lia, etcì, te sì che t’ ci zanteila. Etcì. Av salout.

( Fiorella e Olivio escono; Fiorella lo prende sottobraccio)

PACIFICO: L’ è la proima volta ch’a veg un dutour in agreria se fardour de fen.

LENINA: Propri par quel. E fa al rizoirchi a l’ università, e stoudia agli alergi, e modi par cureli.

PACIFICO: I deis pu “ non tutto il male vien per nuocere”. Quei chi prova una malati i capes mei e i ha piò interes a truvè al couri giosti.

( entra Gaio, con aria seria)

Ecco vè, quest incu l’ ha un ‘ aria propri da malè. Chisà che malati l’ avrà.

GAIO: Ho bsogn da scor sa vo,na, av voi fè e “ coming… aut”na, sè.

PACIFICO: Enca te te bsogn de “ cumino” ? Te di problemi? Ad respirazioun, ad digestioun o… ch’ elta roba?

GAIO: Na, chl’ elta, chl’ elta.

PACIFICO: Oh, mo a que ui è una masa ad zenta sa ste problema, enca i zovan, va pu là.

LENINA: Un vo meiga dei zovan o vec. E dè d’ incu ui è una masa ad couri, al robi al s’ met a post.

30

GAIO: No ma, un s’ met a post nient, na. L’ è achsè e basta.

LENINA: Com ci pessimesta, dai no sta zo, sta aligar, ch’ un rimedi al truvem.

GAIO: Me an voi truvè rimedi, a so a que par feval savoi e basta.

PACIFICO: Ciou Lenina, se ma lou ui va ben achsè, cuntent lou, cuntint tot. Enca me a so sempra stè Pacifico ad nom e ad fat e a stag pu ben listess.

LENINA: Bela roba! Parchè me am so cuntanteda, a i ho sempra avou d’ iltar interes. Mo se lou e trova una moi esigenta?

GAIO: Che moi? Ma s’ el ch’ avì capei? Me an voi una moi, na!

LENINA: T’ an la i e da ciapè achsè mel, so; truvarè una dona sa pochi esigenzi, achsè andarì d’ acord listess.

GAIO: Ho dett ch’ an voi una moi, na.

PACIFICO: Aloura parchè t’ vu e “ cumino”, t’ an ne meiga bsogn, t’ pu fen a menc, za che bsogna fel avnei da l’ Olanda, achsè us sparagna i suld.

GAIO: Ho det ch’ a vo da fè e “ coming aut” .

LENINA: Ho ciou, me an gni capes meiga nient, ut sarves e comino sé o na? Sa tot i tu na, un s’ capes sel che t’ vu.

GAIO: Vuilt a fasei in modi da rend al robi piò difezli.

LENINA: E daila sa sti na. Ci te che t’ an se scor, t’ an ci bon da spieghet.

GAIO: Aloura fasim fè al robi sla chelma, na, dasim e temp da spieghev.

PACIFICO: Se t’ vu, me ho ancoura da lez e giurnel…

LENINA: Pacifico! Pusebil che t’ an capesa che te da scor se tu fiol? E pu vuilt a si du masci, quindi l’ è mei che me am vaga in chesa e scurei vuilt dou.

GAIO: Sta a que ma, te da santei enca te.

LENINA: Sé o na? Me ai capes poch ad ch’ al robi.

GAIO: Invizi, na, te da capei enca te.

31

LENINA: Agli ha da arivè al smointi de cumino, quand agli areiva a tli faz avdoi e at spieg toti al proprietà dla pienta, achsè e sarà menca fadeiga spieghes.

GAIO: Ma, ta n’è capei, na; s’ eli s’ tal smointi?

LENINA: Al sarves par fè al tisani pr’ una masa ad malati, enca pri problemi di oman…insoma te capei sé o na?

GAIO: Par quel ch’ a voi scor mè un gnè smointi ch’ al tenga, na. Me a scor de coming aut, no de cumino.

PACIFICO: Parchè u n’ è la stesa roba?

LENINA: L’ è un ‘ eltra pienta? An la cnos.

GAIO: E “ coming aut” e vo dei ch’ a vò da scor ad me e Oscar.

LENINA: At vleiva propri scor enca me ad ch’l’ ameig che lè: um pè un pò stren, sta atenti m’ al cateivi amiceizi, un sa mai.

GAIO: U n’ è cateiv, na, l’è una masa in gamba e me ai voi ben e a voi andè a stè via sa lou.

PACIFICO: Ades che sia brev a ne met in dobi, mo parchè andè a stè via? T’ an ste ben ma chesa tu?

LENINA: T’ an vre meiga andè a paghè l’ afet? A butè via di baioch.

PACIFICO: An capes e parchè, oun e va via da chesa quand us fa e spous, mo pr’ andè s’ un ameig? A fè che? A so che insem a fasì i quedar e uv pis la pitoura, mo da què andè a stè insem, ui n’ un pasa.

GAIO: Aloura an vli propri capei.

LENINA: Sel ch’ ui sarà mai da capei.

GAIO: Nuilt dou as vlem ben, na. Ecco finalmoint a l’ ho deta, ho fat e “ coming aut” .

LENINA: Av vli ben in che sens?

PACIFICO: T’ an vre dei com e ben tra moi e mareid?

GAIO: Sé, propri quel.

32

LENINA: ( si accascia sulla sedia) Oh pureta me! U n’ è pusebil! Sé o na?

PACIFICO: ( lascia cadere in terra il giornale che aveva in mano) Te, propri te e mi fiol?

GAIO: Valà, va ma chesa a to l’ asoida ch’ la i è svnouda.

( Lenina sviene, Pacifico entra in casa e torna con una bottiglietta di aceto, mentre anche Gaio cerca di rianimarla; poco a poco, riprende conoscenza)

( Pacifico entra in casa e torna con una bottiglietta di aceto, mentre Gaio cerca di rianimarla; poco a poco, riprende conoscenza)

PACIFICO: ( le mette la bottiglietta di aceto sotto il naso) Lenina, Lenina , arspond.

GAIO: Ma ci svegia? Sta so.

PACIFICO: Lenina, Lenina , arspond.

LENINA: Séé? S’ el ch’ l’ è suzest?

PACIFICO: Fat curag, ch’ ades a truvem e modi par met al robi a post.

GAIO: Sel che vo dei a post? Me a so za a post. A n’ ho bsogn ad nient.

LENINA: Na che t’ an ci a post. L’ e coipa ad che ragaz, u t’ha port s’ una streda sbaieda, l’ è un sbai, un mumoint ad debuleza.

GAIO: No ma ta tn’ é da fè una rasoun.

LENINA: Na, ades t’ ve sobit de dutour, ch’ ut daga al medizoini giosti.

PACIFICO: An croid meiga ch’ ui sia dal medizoini par ch’ la malati che l’è.

LENINA: Sa tot al rizoirchi chi fa, sa tot al malati chi ares a guarei t’ vu che questa la sia una malati incurabile?

GAIO: La n’ è una malati, ma.

LENINA: S’ un gni vo e dutour dla mutua, va da quel dla testa, e pissicologo. E sarà pr’ un mumoint ad deboleza, ad esaurimoint.

PACIFICO: Aloura ui vo e pissichiatra, che quel e dà enca al medizoini, i tranquilent e i sedateiv par la depresioun.

33

GAIO: Me a n’ ho nisouna depresioun.

LENINA: Sé invizi, te subei e…e… com ch’ us deis e lavaz de zarvel e… pilagio.

GAIO: Ma ta ne vu propri capei.

LENINA: Na. Te t’ve sobit de pissichiatra, Pacifico telefona, guerda in tal pagini gialli sui n’ è oun specializè propri par stal robi che que.

PACIFICO: Sé che ades al trov achsè, in dou e du quatar, s’ al pagini gialli e proim che capita. Bsognerà dmandè infurmazioun, santei ben, truvè oun brev.

LENINA: T’ an vre meiga deil in zeir? Mamma mia! Un l’ ha da savoi nisoun, a m’ aracmand! Guai, se la zenta l’al ven a savoi.

GAIO: Sa sarala mai, ormai l’è una roba nurmela, na, piò nisoun us fa maraveia.

LENINA: Ci mat? E i parint pu? I zei? La nona? Oh che scandal, puret noun!

GAIO: E pu me da e psicologo ai so za stè; l’ ha det che se a ne capei a si vuilt ch’ avì d’ andei a scor e a fè la terapi.

LENINA: Me? Na, me na! Questa pu la i è grosa, u i amancareb enca questa, ch’ apia d’ andè me de pissicologo.

PACIFICO: Gnenca me an gni vag, um dispis, arangev, me an voi savoi nient.

LENINA: Ecco quand ui è bsogn, te t’ fe sempra achsè, ciap via e tat lev al meni. L’ è pu enca e tu fiol.

PACIFICO: A ne so meiga sl’ è e mi fiol,” mater certa est, pater numquam”.

GAIO: A vag via, parchè ades an vlei gnenca piò arcnosam cme fiol.

PACIFICO: Aspeta, dai a geiva achsè par scor, l’è un modi ad dei, so.

LENINA: Prumetmi che t’ve de dutour.

GAIO: ( tira fuori dalla tasca un biglietto da visita, lo dà alla madre) Ecco quest l’ e nom de psicologo du ch’ a so stè. L’ ha det ch’ u v’ aspeta ma vuilt.

LENINA: Da quand in qua i va de dutour quei chi sta ben, invizi di malé?

GAIO: Da quand in qua la mi la i è una malati? An so malè me a sì vuilt ch’ a si pin ad pregiudizi.

34

LENINA: Ecco com l’ arvolta la farteda. Pacifico t’ an gì nient?

PACIFICO: Sa vut cha sapia me!

LENINA: E la tu surela? A m’ aracmand non gì nient gnenca ma lia, che la n’ apia un trama, che do pu us toca mandè enca ma lia de pissicologo.

GAIO: La mi surela la i è piò svegia ad quel ch’ a pansì vuilt.

LENINA: Fam un zuramoint, che enca la nona la pureta la ne venga a savoi, la i è tenta vecia ch’ ui ven un colp sec, che l’ arvenza tinca de dispiasoir. Ta la fe murei sobit.

GAIO: Va ben a te zour, tanimodi la nona la i è piò emancipeda ca ne te e stal robi la li capes benessum e basta che t’ an la faza piò longa, che ades ho d’ andè via.

LENINA: Zoura enca che se e dutour e deis cl’ ha dal medizoini ta li tu e ta t’ fe curé.

GAIO: Va ben, a te zour, na; tanimodi a so ben quel ch’ ho da fè.

( si avvia verso il cancello)

LENINA: E ades du t’ve? T’ an anderè meiga da che tu ameig?

GAIO: A vag propri da lou.

LENINA: Na, sta a què, che quel l’ è e dieval, u t’ ha arvine. Pacifico fa qualcosa.

( in quel momento entra Zita)

PACIFICO: Ecco ai sem tot, l’ è arivata la tu surela.

GAIO: ( a Zita) Ho fat e coming aut me ba e la ma, in sla vo ciapè, na, i fa una gran masa ad tragedi.

ZITA: L’ era oura, finalmoint te avou e curag. Achsè ci un oman. Me am n’ in sera incorta da un pez e an avdeiva agli ouri che te t’ mites al robi in cer.

LENINA: Pacifico sel ch’ la deis?

PACIFICO: Che lia l’ al savoiva za.

LENINA: E aloura parchè l’ an ma mai det nient mu me?35

ZITA: Parchè e staseiva ma lou a scor e ades finalmoint al robi agli è ceri.

LENINA: Cum fet a scor? Bsogna che e tu fradel e vaga d’ un dutour e ch’ us faza curè.

ZITA: Ma, ci te che te da fet curè, no e mi fradel.

LENINA: Pacifico te santei com ch’ la scor la tu fiola?

PACIFICO: Me a capes soul che e mond e dè d’ incu e va tot a l’ arversa e nuilt ch’ una volta avimi di pranzeipi, ades in va piò ben.

ZITA: Una volta avivi di pregiudeizi.

LENINA: “ Dio creò il maschio e la femmina” e deis la Bibbia, “ crescete e moltiplicatevi”. Us molteplica soul tra oman e doni.

ZITA: Sé, però i po’ l’ es enca quei ch’ in’ s’ molteplica.

LENINA: E me a n’ ho diret d’ avoi di anvoud? A voi dvantè nona.

ZITA: S’ ela sta frenesia da dvantè nona ch’ la ta ciap tot in t’ una volta? I putria adutè un burdel, quand enca in Italia e sarà parmes.

PACIFICO: Andem ben, un burdel sa du ba. E la ma du v’ ela?

GAIO: I burdel chi arvenza orfan i n’ ha meiga la ma.

LENINA: Ecco, l’ ha sobit l’ arsposta prounta, la i ha ona lengua ch’ l’ a taia e la cus.

ZITA: E pu ai so enca me, a putria avoi me di fiul.

LENINA: Se t’ an t’ spec enca te, t’ arvanzaré zitela e achsè noun a dvantarem vec senza anvoud.

ZITA: An sarest né i preim, gnenca i outmi; un t’ ha mai impurtè nient di anvoud.

LENINA: U n’ è vera, me aveiva truvè da spusè Gaio e te.

ZITA: Bene! E par me chi avres truvè?

LENINA: Ehm…Olivio, e dutour in agreria, l’ è un bon partei e un brev ragaz.

36

ZITA: E achsè, dop che ta me impost agli amiceizi che vlivti te, che ta me sempra fat fè quel che vivlti te, aveiva enca da spusè l’ oman ch’ ut pis ma te.

PACIFICO: Alè, a sem a post, avem fat brescla.

LENINA: Te ci sempra steda una ribela, te sempra fat quel che te vlou.

ZITA: Par furtouna, sinò a sera a que bacoca a fet la serva, com e ba.

PACIFICO: Grazie pre bacoc. Che me ai apia fat sempra da camarir però l’ è vera.

GAIO: Enca par me t’ avivti una moi, na?

LENINA: Ehm… La Fiorella, l’ è una brava ragaza, la i ha quasi la tu età, enca quelch’ an ad piò, mo u n’ ha impurtenza. Comunque ci ancoura in temp.

ZITA: Ma, verda che la Fiorella la s’ né incorta che ma lou un gni pis al doni.

LENINA: Cum fet a deil? Ci sicoura? U n’ è pusebil. Che vargogna!

ZITA: Invizi l’ è vera, parchè l’ am l’ ha det mu me.

LENINA: Dabon? Oh, che scandal, oh che scandal! Pureta me! An putrò mai piò scapè da chesa!

ZITA: Va ben, staré ma chesa a guardè mi tu fiour. Ades a vag, a n’ ho avu sa.

( Zita esce verso la casa)

GAIO: Enca me a vag, na.

( esce dal cancello)

LENINA: Pacifico e ades? Sel ch’ a fasem?

PACIFICO: Ta me dmand mu me? Sa vut ch’ a sapia e dè d’ incu un’ s’ capes piò nient, e mond e va tot a l’ arversa, al galoini al dventa gal, di combar e nas al zochi e enca i oman i dventa doni. Ma te pu quand cirti pregna la t’è avnouda la voia dal lumeghi.

LENINA: Sel ch’ agli ointra ades al lumeghi.

PACIFICO: Agli ointra ecome! Ta ne se che agli è masci e femni in t’ una volta?

37

LENINA: Che scheiv, pua! ( fa con la bocca il gesto di sputare)

PACIFICO: L’ è trop terd sputè ades, ch’ la volta ta tli ci magnedi toti e al tè enca piasoudi.

LENINA: Questa l’ è una teori che ta tla ci invanteda te.

PACIFICO: Sé l’ è vera, a faz al provi de piccolo scienziato, tanimodi e dè d’ incu tot is croid ad savoi gnaquel.

LENINA: T’ farè e scienziato, però quand ho bsogn te t’ an gni si mai.

PACIFICO: A so pu a que, an so meiga ciap via.

LENINA: T’ ciarì a que se corp, ma no sl’ anma.

PACIFICO: Oh, Lenina, a so a que, soul ch’ a so confous, a n’ ho paroli, né pansir e pu ciou, t’ vu cmandè enca soura la mi anma? T’ vu l’ anma, com e dieval?

FINE SECONDO ATTO

( a piacere suona la musica “The champion “ di Charlie Chaplin)

38

TERZO ATTO

( A piacere suona la musica “ The circus music” di Charlie Chaplin)

(Entrano in scena, dal cancelletto, Lenina e Pacifico.)

LENINA: Me da che pissicologo an gni vag piò, tanimodi e vò avoi rasoun sempra lou.

PACIFICO: Enca me am so stof, l’ è za e terz dutour che t’ am fe cambié.

LENINA: Ciou, i è tot praceis, i deis tot la stesa roba.

PACIFICO: Parchè te t’ vu chi dega quel ch’ ut pè ma te.

LENINA: E sarà chi ven tot da la stesa scola, bsogna truven oun divers, fat pre ben.

PACIFICO: I è di dutour, un putria l’ es chi abia rasoun luilt?

LENINA: Sel, ades t’ è di dobi? L’ è tota sta mentalità muderna, sa vut chi apia rasoun, enca tra d’ lou ui è al curenti; us void che noun avem truvè tot quei chi teira da la stesa perta.

PACIFICO: Dal curenti d’ aria ui n’ è una masa, a sud, a nord, la curoina e garboin, va a truvè quela ch’ l’ a t’ pis ad piò ma te, te voia.

LENINA: La n’ ha da pis ma me, la i ha da l’ es quela giosta e vera.

PACIFICO: E t’ al se te quela che sipa vera e giosta? In te mond ui è tanta varietà.

LENINA: In tal pienti ui è la varietà, ma no in ti pranzeipi murel.

PACIFICO: I dutour i ha det ch’ un s‘ trata ad murela, mo ad tendenzi, che oun e nas in t’ un modi, oun in t’ un eltar.

LENINA: E propri mu me u m’ aveiva da nas in t’ un eltar?

PACIFICO: Us void ch’ avem da purtè sta crousa.

LENINA: Ta la purterè te, parchè me al caz via da chesa e a ne voi piò avdoi.

PACIFICO: U n’ è e nost fiol? T’ an gne sempra vlu ben? Sel, ades ta ne vu piò avdoi?39

LENINA: Bè… se us fa curé e e guares… sinò e vaga par la su streda.

PACIFICO: I s’ ha det tot i dutour ch’ l’ è una roba ch’ l’ an guares, l’ è achsè e basta, u n’ è meiga coipa su.

LENINA: Aloura ad chi ela la coipa, la mi? Me ho fat sempra e ben di mi fiul.

PACIFICO: La n’ è coipa ad nisoun, un gnè rimedi, quindi ta la i e da to achsè e basta e ta te da fè una rasoun.

LENINA: T’ fe prest te a scor…ui n’ un vrà de temp, a ne so meiga s’ ai la faz.

PACIFICO: Intent Gaio l’ ha det che va a stè via, achsè pr’ un po a n’ avem da ragnè e da fè dal discusioun tot i dè. Quindi ades zeirca da l’ es zanteila sa lou e se su ameig. Pu un bisinin a la volta a mandarem zo enca ste rosp che que.

LENINA: I rosp i è cateiv da mandè zo, i ha e fel! Te voia te; no, no e no! Me an m’ adat.

PACIFICO: Pensa ma quei chi ha un fiol sgorbi o mat e sarà pu pez.

LENINA: Pensa ma la mi ameiga Rina che e su fiol l’ ha spusè una professoressa e breva ch’ l’ a i è, enca a fè da magnè.

( Da fuori suona il campanello, si ode una voce)

VOCE: “ Posta! c’ è nessuno?”

LENINA: A sem a que, a veng. ( si dirige fuori, si odono solo delle voci.)

VOCE: “ U i è un pac par lia e ona lettra pre su mareid. La faza una firma a que.

Ecco, grazie. A s’ avdem. “

( Lenina rientra)

LENINA: L’ è e pac che ven da l’ Olanda. Tin questa la i è par te. La ven da la Frenza, fa avdoi? ( la guarda bene) Da Parigi. Che roba ch’ l’ è?

PACIFICO: L’ è…e sarà ch’ ho dmand un leibar, i m’ avrà arspost.

LENINA: In franzois? Da pu quand te lez i leibar in franzois?

PACIFICO: Bè mo, da quand a so andè a scola.40

LENINA: Ades t’ vu fè l’ inteletuel? T’ an vre meiga det dagli ari; e sarà mei ca vaga sobit a telefonè me dutour e ma la Fiorella.

PACIFICO: E me a vag a lez sta lettra.

( escono ambedue verso casa; poco dopo entrano Gaio e Oscar)

GAIO: Sta zet valà, na, che tot al volti ch’ la m’ incountra la mi ma l’ am manda dal bastemmi.

OSCAR: La mi invizi la i ha vlu savoi se ci bon da fè da magnè.

GAIO: E te sel ta i e arspost?

OSCAR: Che ci speciel a fè e risot s’ al zuchini e i taiuloin, cot se microonde.

GAIO: Mo, na, u n’ è meiga vera, quela l’ è la fola dla pubblicità.

OSCAR: Ebbè? La mi ma la i è steda cuntenta, quindi e va ben achsè.

GAIO: Ades però me ho d’ andè ad cioura, na, in tla mi cambra e se la mi ma l’ am void, chissà s’ el ch’ l’ am deis dri.

OSCAR: Dai fa pianin, zeirca da no fat santei, tu so la roba che te da to e vin ciota senza fat avdoi. Me a t’ aspet a que.

GAIO: E se la t’ void ma te, na? T’ an se sel ch’ la i è bona ad fè e a dei.

OSCAR: Me a n’ ho pavoura ad nient, te non t’ preocupa, dai.

( Gaio entra in casa in punta di piedi; Oscar si siede ad attenderlo, poco dopo si sentono delle voci, rientra Gaio, seguito dalla madre )

LENINA: Ah, ci a què eh! Se te bsogn t’ vin ma chesa! Vin a que, ch’ a i ho una roba da dei, metat disdoi a que.

GAIO: Sel t‘vu ancoura,na? Un basta?

LENINA: Ah, ci se tu ameig, bene! Lou sel che vo a que ma chesa mia?

OSCAR: Ho cumpagnè Gaio, pu andem via sobit.

LENINA: ( tira fuori dalla tasca una boccettina con dell’ acqua e ne tira alcune gocce a Oscar) Vade retro satana! E te ( a Gaio) sta bon ( lo cosparge di acqua santa) Ora pro nobis, ora pro nobis, grazia dei, per guarigione tua!

41

GAIO: Mo ma sel t’ fe? Che roba ch’ l è?

LENINA: Acqua senta di Lurdes, la m’ la deda una mi ameiga.

OSCAR: La ven propri da Lourdes o la i è ad sgonda mena?

LENINA: Sel che vo dei?

OSCAR: Che se l’ an ven propri da Lourdes i l’ ha slonga: in met un bisinin in t’ una bocia ad acqua. La i è dacqueda.

LENINA: I deis che l’ è preceis, ch’ la fa ben listess.

OSCAR: La vo met e voin bon e daquè? Un sarà meiga la stesa roba. Achsè l’ è par l’ aqua banadeta.

LENINA: ( rivolta a Gaio) Aloura admen t’ vin a Sersna.

GAIO: Mo ma!

OSCAR: Bene ades a fasem al benedizioun, al stregoneri, gli esorceisum. La i ha banadei la chesa?

LENINA: Sé e prit l’ è vnu ir.

OSCAR: U i amenca soul e stargoun la l’ ha za ciamè?

GAIO: Ma, ci dventa mata dafat, na? Sel che ta t’ ci mesa in tla testa?

LENINA: Me a deg che un dieval l’ ha fat de mel ma sta chesa.

OSCAR: A l’ ho det me, ui vo enca e stargoun.

GAIO: Ma, al starguneri al gnointra nient, rasouna un bisinin, na. Al starguneri al n’ esest e gnenca al diavuleri.

LENINA: E dieval l’ esest ecome, verda ui n’ è oun a què daventi. ( indica Oscar)

GAIO: Smetla d’ ufend e mi ameig. Lou l’ è la parsouna piò bona ch’ ui sia. Se a què u i è oun cateiv ci te.

LENINA: Ecco, verda com t’ arspond ma la tu ma.

( entra Pacifico)

PACIFICO: S’ el ste malan e sti rog? S’ avì fat?42

LENINA: Com e solit te t’ an gni si mai quand u i è e bsogn.

PACIFICO: Sta d’ avdoi che enca stavolta la coipa l’ è la mi.

GAIO: Ma la ma u i ha dè d’ arvolta e zarvel.

PACIFICO: Faseila fineida. Vuilt dou andasi via e lasè che la ma ui pasa e narvous. Avì pazinzia tot, dai, che un po’ a la volta al robi al s’ mitrà a post.

OSCAR: La su moi la li vo met a post s’ al stregoneri e gli esorceisum.

PACIFICO: Uhei Lenina, se t’ an t’ la smet al fasem ma te l’ esorceisum.

GAIO: Sé ba, a la purtem ma lia a Sersna.

PACIFICO: Dai, dai lasè che agli acqui al s’ chelma; andasì e lasela pr’ un pò in pesa.

OSCAR: E tu ba l’ ha rasoun, andema.

( Oscar e Gaio escono)

PACIFICO: U t’ la pu det e prit che questa la n’ è roba ad sregonerì, gnenca ad diavoleri. I t’ la det i dutour, u t’ la det e prit e ancoura t’ an gni croid.

LENINA: Ciou, a pruvè u n’ è meiga nient, s’ in fa ben, in farà gnenca mel.

PACIFICO: A sem in te domela, ancoura t’ croid m’ al superstizioun?

LENINA: Na, però quand u s’ è sprè, u s’ ataca ma tot.

PACIFICO: Enca m’ al superstizioun? Se e sgnuroin u s’ ha dè la rasoun, bsogna druvela. E medioevo l’ è pas ch’l’ è una masa ad an, ancoura t’ vu croid m’ al foli?

LENINA: Se la medizoina la n’ ha trov un rimedi, bsogna zarchè d’ un eltra perta.

PACIFICO: E sgonda te e rimedi i l’ ha i stargoun chi è soul bon da to in zeir la zenta?

LENINA: E l’ acqua banadeta?

PACIFICO: Se la fases ben countra i gay, in te mond un gnun sareb piò gnenca oun. Fursi l’ è mei che ta la ciapa te, chisà che l’ an faza ben countra l’ omofobi.

LENINA: Sel ch’ l’ è l’ omobi?

43

PACIFICO: l’ è la malati che te tè, che t’ an vu al persouni ch’ a gli è difarenti da te. Oh, verda i areiva Olivio e la Fiorella, dai ades e basta sta aligra e fa finta ad gnent. Me a vag ma chesa.

( Pacifico esce, verso la casa. Entrano Olivio e Fiorella; Fiorella ha una gonna a fiori e una giacca, nel taschino o nell’ asola ha un mazzolino di fiori di mughetto.)

FIORELLA: L’ è arivat? Ta l’ è vert? ( sospiro)

LENINA: Ancoura na, aspiteva vuilt dou; an veg agli ouri d’ arveil.

OLIVIO: Aloura forza, la l’ erva.

( Lenina apre il pacco, che è appoggiato sul tavolo ed estrae un vasetto di mughetti rosa)

LENINA: Oh! L’ è di mughet ad culour rosa! An ni aveiva mai vest!

OLIVIO: L’ ai pis la surproisa? I è la “ convallaria majalis” rosa, ona raza una masa rera.

FIORELLA: I mughet ch’ a i ho me i è binch; u mi ha rigalè Olivio.

OLIVIO: Parchè a que rosa in s’ atrova, mo ai farò avnei enca par te.

LENINA: Me am cardeiva ch’ la fos ona pienta ad queli ch’ al pis mi bagoin da magnè, ciou l’ ha det “maiala”.

OLIVIO: Majalis e vo dei ad maz, parchè i fiures in te mois ad maz. Una volta i oman i li rigaleva ma la murousa e dis ad maz, com portafurtouna e is purteva soura la giaca, com la i ha la Fiorella.

FIORELLA: Ades a capes parchè te vlou ch’ ai mites a que.

OLIVIO: Eh, sé e pu i vleiva dei felicità e fedeltà amurousa.

FIORELLA: A t’ aringrezi! At sarò sempra fedele, at vrò sempra ben, at farò sempra cuntent.

LENINA: Caspita, Fiorella, av faz tot i mi auguri, a i ho chera par vuilt, ch’ a vleva sempra ben e ch’ a siva cuntint par tota la veita.

44

OLIVIO: Grazie, sgnoura, me a so propri cuntent, am so inamurè e a pens che la Fiorella la sipa propri la dona adata par me.

FIORELLA: L’ è stè enca merit tu, parchè a l’ ho incontar propri a que ma chesa tua.

LENINA: Dal volti us fa di pruget e pu al robi al va in t’ un eltra streda. Mo e va ben listess. L’ impurtent l’ è ch’ a vliva sempra ben.

OLIVIO: So andema aventi, avdem s’ el ch’ u i è ancoura in te pac.

( Lenina tira fuori una bottiglietta di liquore )

OLIVIO: L’ è e “Kumino” , un digesteiv ch’ il fa in Olanda e in Germania, sla pienta de “ Cumino dei prati “.

FIORELLA: L’ è ch’ la pienta ch’ la fa ben enca … enca…pri oman, par… par…

OLIVIO: ( ridendo) No, la fa ben pre stong, pr’ una masa ad robi e enca pre fardour e agli alergi. Me am faz sempra la tisana, pre mi fardour de fen.

FIORELLA: Oh!

OLIVIO: Agli eltri proprietà agli è foli, u n’ è afrodisiaco, però…un sa mai…

FIORELLA: Chissà che dal volti al foli al’ n’ sipa veri… ( sospiro)

LENINA: ( A parte ) A que la s’ fa cretica. ( A Olivio ) E st’ al smointi che que ( tira fuori un pacchettino) sel ch’ a gli è?

OLIVIO: Agli è al smointi de “ Cumino dei prati” quel ch’ u sa drova enca par fè e licori.

FIORELLA: Incu avem imparè una masa ad robi novi.

LENINA: E avem fat enca un matrimoni.

FIORELLA: E vrà dei che quand as spusarem te ta t’ farè da testimoni.

LENINA: Quand un s’ pò andè me matrimoni di fiul, bsogna adates e andè ma quel di ameig.

OLIVIO: Proima o pu is spusarà enca i su fiul.

LENINA: Um pè che sia pu, potos che proima, a ne so. Stasema d’ avdoi.

45

FIORELLA: L’ avnirà e temp, t’ avdiré che prest enca la Zita la truvarà e murous.

LENINA: Avreb dvantè nona, sperema.

OLIVIO: L’ avnirà enca che dè. Andema Fiorella ch’ u s’ é fat terd.

FIORELLA: At salout Lenina, at faro savoi la deta de matrimoni.

( Fiorella e Olivio escono, Lenina esce verso la casa. Poco dopo entrano Zita e Taev, dal cancelletto)

ZITA: E ades com a faz a deil ma la mi ma?

TAEV: T’ putress… t’ putress… dire che ta i e da fare e “ coming aut”. ( ride)

ZITA: Quel u l’ ha za fat e mi fradel, l’è steda una tagedia.

TAEV: Alloura ona ad piò, ona ad menco, non fa una gran diffarenza.

ZITA: Tal di te, u n’ è meiga com la tu ma, la mia la i è diversa.

TAEV. Diversa come, sello che t’ vu dei?

ZITA: La mi ma la n’ ha la mentalità dla tu fameia, la i è piò ligheda m’ al tradizioun e la i è enca una masa rigurousa.

TAEV: Al dè d’ incu? Mo valà, un gnè piò nisouno anteigo.

ZITA: Difati la i è arvenza soul propri la mi ma, piò anteiga ad Matusalemme

TAEV: Me an avvio nisouna pavoura, mu me non mi fa gnenca lo scadore.

ZITA: La t’ sgorga, altro chè scadour, la t’ sgorga veiv!

TAEV: Eh, sarà mai, me a fazzo una piroeta e la lasso a boca verta.

ZITA: Reid te, me invizi a i ho una gran pavoura e se la t’ da al boti, dop ai arvenz mel, parchè l’ è colpa mi.

TAEV: Me at voglio ben e a n’ ho pavoura ad niente e ad nissouno. Una volta in te circo avimi al tigri, aln m’ hanno mai fatto pavura, figurti la tu mamma.

ZITA: Al tigri! Sa vut ch’ al sipa in cunfrount a la mi ma! Agli è di gat.

TAEV: Ta n’hai fiducia in me? T’ an m’ un croidi? Quell ch’ a to detto a ne ripeto, me a sono prounto ma tutto .

46

ZITA: Enca al boti?

TAEV: Sa vut che sipa una scorgata d’ una veccia tigre com la tu mamma! La n’ ha migga più la forza d’ una zovane e forte; lei è com un gat.

ZITA: Enca e gat l’ ha agli ongi longi.

TAEV: T’ vu met quelle d’ un gat con quelle d’ una tigre?

ZITA: Ciou, me a la cem, pu an voi savoi nient, dop no dà la coipa mu me.

TAEV: Dai specciati.

ZITA: Ho da ciamè enca e mi ba?

TAEV: Fa com che ti pare ma te.

ZITA: ( si avvicina alla porta di casa ) Ba! Ma! A si ma chesa?

( escono Lenina e Pacifico)

LENINA: Sa vut Zita?

PACIFICO: T’ an void ch’ la i è s’ un ameigh?

LENINA: Sta zet, ci sempra malduchè.

( Pacifico si siede e apre il giornale, che è sul tavolo)

PACIFICO: Ho capei, me an faz mai ben, e sarà mei ch’ am leza e giurnel.

ZITA: Ma a to da scor…a to da fè e coming…

LENINA: ( la interrompe) Ah na eh! Ades e basta, de cumin an n’ un voi piò savoi, an voi piò scor.

ZITA: Mo ma, parchè t’ fe achsè?

LENINA: De cumin a n’ ho vu sa, ho za mandè zo tropi robi, ho za digerei abastenza, t’ an vre meiga mandemni zo dagli eltri?

PACIFICO: Sgonda me l’ an t’ vo dè e digesteiv, l’ è un eltra roba.

LENINA: Te sta zet, che ta ne se s’ el ch’ l’ è e Kumino.

47

PACIFICO: Sa i ho da stè zet a stag zet, mo sgonda me, l’ an vo scor de licori tudesch.

LENINA: Tudesch o inglois l’ è la stesa roba, l’ è sempra rubaza da mandè zo.

PACIFICO: L’ è achsè Zita?

ZITA: In t’ un zert sens… sè, in t’ un eltar… na.

LENINA: A n’ ho capì nient, scor cer e tond.

ZITA: Ecco… a…vleiva prasantev Taev.

( tutti lo guardano, Taev fa un inchino)

PACIFICO: S’ el e tu camarir che e fa l’ incoin?

TAEV: A m’ avete da scusé se an n’ um sono fat capire ben, l’ è mia abitudine fè l’ inchino.

PACIFICO: Us void ch’l’ è un ragaz educhè. Ad chi cit e fiol te?

TAEV: E mi ba us cema Leo.

PACIFICO: Leo…um pè ad cnosal, du chi sta i tu?

TAEV: Sa vlì savoi la residenza…i mi i è nasou in Rumagna.

LENINA: Scor donca, du chi sta i tu?

TAEV: Pre solit a stiamo in ti paios dla Rumagna, a n’ andiamo mai troppo dalungo, e masum in tal Merchi, di marchigien.

PACIFICO: Bon quei “ meglio un morto in casa che un marchigiano sulla porta”.

ZITA: Ba l’ ha det che lou l’ è nasou in Rumagna.

PACIFICO: A veg, difati e scor , un bisinin, e nost dialet, e d’ ogni tent e deis di sfrumbloun.

LENINA: Però un pè che sia de nost paiois.

ZITA: Avì finei da fei l’ interrogatori?

LENINA: Ciou, ci a que sa lou, l’ è ma chesa nosta, avrem pu da savoi chi ch’l’ è.

48

TAEV: Am cem Taev.

LENINA: E pu?

TAEV: Lautari.

PACIFICO: An l’ ho mai santei ste cugnom, u n’ è da que.

ZITA: Na, t’ an le mai santei, difati l’ è un cugnom di musicesta, quei chi suneva e liuto in te circo.

LENINA: In te che? Duvò? Sel che vo dei, che amstir che fa ste burdel?

TAEV: Giocoliere e trapezista, per vostro onore. ( fa l’ inchino)

LENINA: E che??

PACIFICO: Trape… che?

ZITA: Sé, avì capì ben, e lavoura in te circo.

PACIFICO: Ah…bene.

LENINA: Bene che!? Sta zet!

PACIFICO: An scor piò, tanimodi an gn’ indvoin mai.

LENINA: E aloura parchè l’ è a que?

ZITA: L’ è e mi ameigh, u m’ha insgnè un po ad eserceizi.

LENINA: Ades però e basta, te va in tla tu cambra e lou l’ artourna ma chesa sua, enzi in te su tindoun. A proposit l’ ha una chesa da durmei?

TAEV: A durmen in t’ al rulotte. Però me a voglio andè a lavurè in t’ un perco ad divertimointi dla riviera rumagnola e smetterla da zirare, a voi togliere una chesa e stè sempra in t’ un posto.

LENINA: E ades però ste in t’ una rulotte, insoma a si di zengan.

ZITA: Ma lou u n’ è un zengan, l’ è cme noun.

LENINA: S’ an n’ um sbai la raza la i è quela.

PACIFICO: Lenina ma noun un s’ interesa, ades lou e va ma chesa sua e basta e pu tra poch e circo e va in t’ un elt paios e quindi e problema l’è risolt.

49

ZITA: Na u n’ è risolt propri, parchè nuilt a vlem stè insem.

TAEV: Me a voglio ben ma la Zita e a v’ ho detto cha voi truvè un lavoro a que in Rumagna e fè una veita nurmala, com voialtri.

LENINA: Però ci nasou e carsou tra i zengan.T’ an void che t’ an s’ é gnenca scor la nosta lengua?

ZITA: Se te t’ vilti un principe, parchè t’ an l’è spusè? Me a stag sa chi ch’ um pè, enzi me e lou a vlem andè insem a la scola ad acrobati.

TAEV: A vlemo andare a la mei scola ch’ ui sia in tel mondo, a San Fransisco.

LENINA: E duv’ el, in provincia ad Assisi?

PACIFICO: Sgonda me, am sbaiarò, mo l’ è un po’ piò in là.

ZITA: L’ è in California.

LENINA: In Cali.. forno? In te fouran, l’ è un gran cheld a là? E sarà l’ inferan.

ZITA: E’ in America

TAEV: L’è ouna dal zità piò beli del mondo. Sa vli avvenire a trovarsi, a farì una gita onica.

LENINA: Parchè quant a staresuv via?

ZITA: Emenc si meis.

LENINA: Oh, pureta me, um ven mel! La mi fiola ch’ la va via in America s’ un zengan! No, u n’ è pusebil! Signuroin che sgrezia granda! Parchè am vli dè una crousa achsè?

ZITA: Ma, no cmeinza a fè la gnola, com e tu solit.

TAEV: Sgnoura andaremo a la scola, a ciapperemo e diploma e pu arturneremo, l’ an muore meiga la su fiola.

LENINA: Se t’ fe una roba achsè at disered, an t’ voi piò avdoi. T’ am vu fè murei ad crepacori! Me a te proibes.

50

ZITA: Ma, ormaui a so granda, a so maggiorenne, a faz la mi veita. Te finei ad cmandem e fem fè sempra tot quel che t’vu te. A n’ ho mai putù fè quel che piaseiva mu me. Ades ho det basta.

LENINA: Pensi ben, proima ad to una decisioun achsè, no avoi presia, aspeta par avdoi se t’ fe propri la roba giosta o se l’ è una bota ad testa ch’ la t’ pasa.

ZITA: Ho deceis, an touran piò indri. Stavolta t’ an gni la fe piò a cunveizum, a faz quel ch’ a voi me, quel ch’ um pis mu me.

PACIFICO: Lasla stè, lasa ch’ la faza.

LENINA: T’ at met enca te ades? Sempra countra, invizi da dem una mena a fela rasunè.

ZITA: Ma avem tot prount e prenotè l’ aereo, a partem sobit.

LENINA: Com sobit? Un s’ pò farmè l’ areo? Un s’ pò dmandè indri i suld de bigliet e armandela?

TAEV: L’ avdirà che beli cartuloini ch’ ai mandaremo, l’ avidirà che bello posto che l’ è.

LENINA: T’ am vu enca to in zeir? Oh, pureta me! Com ch’ a so spreda!

ZITA: Andem ad ciora a fè la valeisa, parchè avem da ciapè e treno, che l’ aereo e partes stanota.

( Zita e Taev escono verso la casa)

LENINA: Sobit… stanota, la ciapa via s’ un zengan! Sel ch’ ho fat e mi signour par avoi una crousa achsè grosa? Parchè l’ an sé inamureda de dutour in agreria, ch’ l’ è un gran brev burdel?

PACIFICO: Quant volti a tò da dei che e mond e va par count su, no com ch’ ut’ pè ma te? E pu che dutour u n’ è meiga ste granchè; e sarà brev in ti stoudi, sé, mo pre rest um pè oun ch’ u s’ afoga in tla guaza.

LENINA: An la voi piò avdoi la mi fiola, basta, ch’ la vaga via par sempra.

PACIFICO: Bene! T’ vu fè propri com e tu ba.

LENINA: Sel ch’ l’ ointra ades e mi ba?

51

PACIFICO: L’ ointra e come! L’ è lou , enzi i è ste i tu chi ta insgnè da l’ es achsè intransigenta sa tot; luilt i era di ditataur e e tu ba par proim.

LENINA: Propri ditatour na, l’ era autoritaeri.

PACIFICO: Tirannia, altrochè, com te fat te, che te tnou sta fameia sempra sota e tu cmand.

LENINA: Pacifico! An t’ arcnos piò! Ci dvantè mat?

PACIFICO: Na, soul am so stof, l’ è trent’ an ca suport, ades enca me a deg basta.

LENINA: U tà dè d’ arvolta e zarvel?

PACIFICO: Se t’ al cem achsè, sé. Quand a simi zovam ho supurtè enca i tu, pu ma te che ci praceisa, ades am ribel countra la ditatoura.

LENINA: E te e nost matrimoni tal cem ditatoura?

PACIFICO: Parchè te cum vut ciamel, dittatura del proletariato? Te sempra cmandè te, me a i ho cnu ubidei e fè quel che vlivti te, sinò l’ era una tragedia greca, enzi rossa.

LENINA: Sel ch’ agli ointra la Grecia e la Rossia ades?

PACIFICO: Aloura gima rumagnola.

LENINA: E sa tot quest sel ch’ t’ vu dei aloura?

PACIFICO: Che basta cmandè, che i nost fiul i è i nost fiul e bsogna ch’ ai ciapema com chi è. T’ an gne sempra vlu ben mi fiul?

LENINA: Sempra, me ho fat tot par luilt , pre su ben, parchè i stasess ben ma ste mond.

PACIFICO: Bene, però ades i è grend e i ha da fè la su veita, te t’ an gnointri piò. Nuilt ai avem mes me mond, mo ades chi è grend i n’ è piò i nost fiul, i è dal persouni chi ha da fè la su veita.

LENINA: E si sbaia?

PACIFICO: I pagherà i sbai chi fa.

LENINA: E nuilt genitour an sem a que par dei una mena?

52

PACIFICO: Par daila quand i sla dmanda, no quand in la vo. Te capei che ta ne da fè com e tu ba?

LENINA: E daila se mi por ba.

PACIFICO: Ta n’ avivi un fradel te una volta?

LENINA: Quand a sera znina, mo l’ è mort in Sudamerica. U m’ è spiasou una gran masa.

PACIFICO: Ci propri sicoura che sia mort?

LENINA: Come no, i m’ la sempra det i mi.

PACIFICO: Sel chi ta det i tu?

LENINA: Che l’ era vlu andè via a fè un viaz in tla furesta e i n’ ha savou piò nient e pè che sia mort là.

PACIFICO: E achsè i tu i t’ intestet sta chesa proima ad murei, parchè un sa mai se e fos scapè fura, ch’ un aves dmandè la su perta d’ eredità.

LENINA: Mo s’ l’ è mort.

PACIFICO: Ma e corp in l’ ha mai truvè.

LENINA: Sa vut chi truves in tla furesta, e puroin i l’ avrà magnè i lioun.

PACIFICO: Verda che in Amazzonia in gnè i lioun.

LENINA: I sarà ste di eltar animeli.

PACIFICO: E te ta i e sempra cardou?

LENINA: Me a sera una burdela znina, e mi fradel l’ aveiva dog an piò ca ne me, sa vut ca sapia. A so soul ch’ u mè spiasou una gran masa, me ai vleiva un gran ben. Tot al soiri proima ad durmei um ciapeva sal znoci e um cunteva al foli, al stori di viaz, di paiois difarent che ma lou i piaseiva una gran masa.

PACIFICO: E te ta t’ ci tnouda ste dulour sempra in te cor, ta ne mai scours sa nisoun, te sfughè i tu sentimoint in tla pasioun pri fiour, ma s’ al persouni ci sempra steda intransigenta e ciousa, com l’ era e tu ba.

53

LENINA: E ades sel chl’ ointra tot stal robi, sel chl’ ointra quel ch’ ho pas da burdela?

PACIFICO: L’ ointra, parchè ta n‘ é ancoura capei che te da vlu ben propri ma la tu fameia, parchè l’ è la fameia ch’ la i ha da stè sempra insem. Ta n’è mai da dei che t’ an vu piò avdoi i tu fiul, com i ha fat i tu genitour.

LENINA: Luilt un fiol i l’ ha pers par coipa sua, parchè se e staseiva ma chesa un gni capiteva la sgrezia.

PACIFICO: E se l’ an fos propri achsè?

LENINA: Sel ch’ ut ven in tla moint ades?

PACIFICO: Te da savoi che quelch mois fa a sera in te bar e u i era Gino ch’ ela imbariegh dour e l’ ha det che e tu fradel i l’ ha mandè via i su genitour.

LENINA: U n’ è vera, difati Gino l’ era imbariegh.

PACIFICO: Arcurdat ” in vino veritas”.

LENINA: Sel che vo dei?

PACIFICO: Che propri quand oun l’ è imbarieg e deis la verità. Aloura me ho cminzè a fè dal rizoirchi.

LENINA: Te? Da par te? E t’ am me det nient?

PACIFICO: Proima a vleiva l’ es sicour; ho dmandè m’ una agenzia, e ho squert che l’ era propri vera. Che i tu genitour i ha mandè via e tu fradel parchè lou e vleiva fè l’ artesta e un vleiva fè quel che e geiva e tu ba.

LENINA: Naaaa…U n’ è pusebil! L’ artesta ad che?

PACIFICO: Di quedar, da screiv poesi, insoma un vleiva fè l’ imbiancoin com e tu ba, i ragneva da spesa, finchè e tu ba u l’ ha cazè fura da chesa e un l’ ha piò vlu avdoi.

LENINA: E pitour com Gaio?

PACIFICO: Propri, te vest du ch’ la ciap e nost fiol? De su zei. Te che givti sempra che in tla tu fameia i era tota zenta “ nurmela” cum ch’ us deis.

54

LENINA: E duvò che sarà finei? E sarà veiv o mort? Oh, e mi fradel! T’ am fe vni un azident, an gni pos croid.

PACIFICO: Ta t’ arcurd la letra ch’ l’ è arivata incu da Parigi?

LENINA: Quela che te compar un leibar?

PACIFICO: ( tira fuori dalla tasca la lettera) Ecco l’ è la lettra de tu fradel, ch’ ho trov du che sta e u m’ ha arspost.

LENINA: Fam avdoi ( di scatto cerca di prendergliela dalle mani, ma poi gliela restituisce) no, a n’ ho e curag, lezla te, a i ho pavoura; se e deis ch’ un n’ um vo piò avdoi?

PACIFICO: L’ è cumos, e deis ch’ u s’ arcorda sempra ad te, che tot al soiri proima ad durmantes e pensa ma te e spera che te staga ben. E dmanda se tal vu avdoi, se av putei incuntrè.

LENINA: Che novità, che nuteizia! Pacifico, an avrei mai cardou una roba achsè! E mi fradel! L’ era un ragaz, chisà com e sarà ades! U n’ è pusebil, me al cardeiva mort . Ades a capes tenti robi, parchè i mi genitour in pianzeiva e parchè in gni geiva al mesi e i ruseri. Sé ch’ al voi incuntrè, a i ho soul pavoura par l’ emozoiun ca pruvarò, ch’ un num venga un colp sec.

PACIFICO: Ci sempra steda forta, ma te un colp sec un t’ ven, sta tranquela, un tè avnou gnenca quand Gaio u ta fat e comino.

LENINA: Aloura scrivemi sobit ch’ al voi avdoi prest, piò prest ch’ us po.

PACIFICO: Ai putem di d’ avnei a que , achsè e void ancoura la su chesa, però proima e sareb mei ch’ andasesum nuilt a truvel.

LENINA: Sé, achsè a n’ aprufitem enca par fè una gita.

PACIFICO: Ades pu che i fiul è andè par la su streda, nuilt a sem lebar e a putem fè tot al giti ch’a vlem.

LENINA: Te propri rasoun.

PACIFICO: Te vest in tot al robi bsogna to so quel ch’ui è ad bon e par noun ades e cmeinza un eltra gioventù.

LENINA: T’ve aventi una masa te, ciou, t’vu propri cambiè veita.55

PACIFICO: Sé e a voi fè una roba ch’ o sempra vlu fè: a tog in afet un camper e andasem a Parigi. Tai vin? Stavolta a cmand me, stavolta us fa com a voi me, o us magna sta minestra o us selta da la finestra.

LENINA: Se camper? Com i zengan? Oddio, com ch’ lè cambiè e mond!

( si chiude il sipario)

( A piacere suona la musica “ The Adventure” di Charlie Chaplin)

FINE DEL TERZO ATTO

56

57

58

59