EL TRAM DE OPCINA (LA NOVA BORA) AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   E anche el tram de Opcina xe nato disgrazià Vignindo zo de Scorcola 'na casa el ga ribaltà. Bona de Dio che jera giorno de lavor, e drento no ghe jera che el povero frenador!   E come la bora che vien e che va, i dixi che 'l mondo se ga ribaltà! E come la bora che vien e che va, i dixi che 'l mondo se ga ribaltà!   E anche el tram de Servola  xe nato disgrazià. Corendo in Galeria in piazza el xe sbrissà. Drento ghe jera diverso personl che se ga ribaltado e se ga fato mal!   E come la bora che vien e che va...   Col "due" se va a Servola, col "quatro" in Arsenal, col "sie" se va a Barcola, col "cinque" in Ospedal col "uno" in Zimitero, col "sette" alla Stazion, col "nove" in Manicomio, col "diese" in Canon!   E anche 'ste mulete tute mate pe' l' capèl, le zerca de compagnarse a qualche bel putel; ma co le 'riva a casa  se senti un gran bordel, e pare, mare e fia copa i zimisi col martel!   E come la bora che vien e che va...   L'Italia ga pan bianco, la Francia ga bon vin, Trieste ga putele, tute carighe de morbin, carbon ga l'Inghiltera, la Rusia ga cavial e l'Austria ga capuzi che no se pol magnar!   E come la bora che vien e che va...     ********     LE COTOLE STRETTE AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Xe tuto sforzi inutili, Te ga cossa sufiar Le cotole sto' anno No ti le pol alzar. Te zerchi el lato debole Fis'ciando in tuti i ton Ma te fa fiasco, cocola: Sbassa resta il tendon:  

Con tuta la bora che gira qua e là le bele donete che streta la ga. La moda 'sta volta xe stada moral, po'i dixi che 'l mondo va sempre più mal!     ********     LA CADUTA DEL CARLETTO AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   E anca sior Carleto Xe nato disgrazià: andando per l'Isonzo in acqua xe cascà. Bona de Dio Che iera su' cugnà Se no'l finiva a sdoda In boca al baccalà!     ********     LA BANDA - ANTICA MARCETTA TRIESTINA   Soldai porta cavai, la banda la ven, l'èi chi. Cavai porta soldai, la banda la ven, l'èi nada.   La banda la vien (6 volte) la banda militar. Soldai, soldai, soldai porta i ferai; ferai, ferai, ferai porta i soldai. La banda la vien (6 volte) la banda la vien, la va.   Come la marcia ben, la banda, la banda; Come la marcia ben, la banda, la banda; Come la marcia ben, la banda, la banda; Come la marcia ben, la banda dei usei freschi e bei!   E fin che la va cussì non la va mica male; E fin che la va cussì non la va mica male; E fin che la va cussì non la va mica male; E fin che la va cussì la banda dei usei freschi e bei!     ********    

POLENTA E BACCALA' AUDIO IN http://www.corocauriol.com/discografia.html   La mula de Parenzo lioilà gà messo su botega lioilà de tutto la vendeva, fora che 'baccalà. Perchè non m'ami più?   Tutti mi chiamano "bionda" lioilà ma bionda io non sono: lioilà porto i capelli neri, sinceri nell'amor. Perchè non m'ami più?   Sinceri ne l'amore, lioilà sinceri ne gli amanti: lioilà ne ho passati tanti e passerò anche te! Perchè non m'ami più?   La me morosa l'è vecia lioilà la tegno de riserva lioilà quando che spunta l'erba, la meno a pascolar! Perchè non m'ami più?   La mando a pascolare lioilà nel mese di Settembre lioilà e quando vien Novembre, la vado a ritirar. Perchè non m'ami più?   La mando a pascolare lioilà insieme alle caprette,  lioilà l'amor con le servette, non lo farò mai più!  Perchè non m'ami più?  

Se il mare fosse de tocio lioilà e i monti di polenta lioilà oh mamma che tociade, polenta e baccalà. Perchè non m'ami più?   Se il mare fosse di vino lioilà e i laghi de acquavita, lioilà 'briaghi per tutta la vita: polenta e baccalà. Perchè non m'ami più?     ********      LE GALINE TUTE MATE   E la vecia, vecia, vecia de l'apalto, de l'apalto, la gaveva un bel galeto, quando el canta, canta, canta, i verzi, 'l verzi 'l beco, beco, beco che 'l fa proprio inamorar! Amici, beviam, beviam!   Le galine tute mate per la perdita del galo le ga roto el caponaro de la rabia che le ga. Le ga roto, roto, roto 'l caponaro -naro -naro de la rabia che le ga. Le ga roto, roto, roto 'l caponaro -naro -naro de la rabia che le ga. Amici, beviam, beviam!   A le more, a le more deghe trenta, deghe trenta, a le bionde vintioto, a le rosse, a le rosse gnanca oto, gnanca oto, a le grise un patacòn! Amici beviam beviam!   Le galine tute mate etc.

    Segue una versione diversa apparentemente più completa.     ME COMPARE GIACOMETO [triestine le galine tutte mate per la perdita del galo]   1. Me compare Giacometo el gaveva un bel galeto quando el canta el verze el beco che 'l fa proprio innamorar E quando el canta el canta el canta el verze el beco el beco el beco che 'l fa proprio che 'l fa proprio  innamorar. Ma un bel dì la sua parona per far festa agli invitati la ghe tira el collo al galo e lo mette a cucinar. E la ghe tira… Le galine tutte mate per la perdita del galo le ga roto el caponaro per la rabbia che le g'ha. E le ga roto…     ********     VIVA NOE'   Viva Noè, il gran patriarca, salvato dall'arca sapete perchè? Perchè fu l'autore del dolce liquore che lieti ci fà! Larallallallà!   Bevevano i nostri padri? Si! Bevevan le nostre madri? si! E noi che figli siamo beviam, beviam, beviamo! E noi che figli siamo beviam, beviam, beviamo!

  Beviam del moscatello che fa girà il cervello. Questa è la legge che seguono gli italici: alzano i calici e vuotano il bicchier. E vuotano il bicchier; e vuotano il bicchier.     ********     CO XE 'L VIN NOVO   Co xe 'l vin novo andemo a Servola, soto una pergola, soto una pergola; co xe 'l vin novo andemo a Servola, soto una pergola col dopio in man!   A ciorla per seria, 'sta vita xe una gran miseria: bevemo, cantemo, cantemo el vecio ritornel! Con questo cuor che palpita de sangue triestin e alora a pian, a pian, a pian, pianin, ne capita el morbin!     ********     MOLIGHE 'L FIL CHE'L SVOLI   Lo gavevo, lo gavevo, lo gavevo e lo go lassa perchè 'liera, perchè 'l iera, perch' 'l iera un disperà.   Molighe 'l fil che 'l svoli quel mandriol peloso! 'l voleva che lo sposo, inveze lo go lassà!   Lo gavevo, lo gavevo, lo gavevo e lo go lassa perchè 'liera, perchè 'l iera, perch' 'l iera un disperà.   'l me ga dà una vera de quele de coltrina:

bonora la matina la fuga el ga ciapà!     ********     VUOI CHE TI COMPRI   Vuoi che ti compri un bell'abitino, che forse sarà quello che ti guarirà? - No, no, no! Cara mama, no! voi non lo sapete il male che mi go!   Vuoi che ti compri un bel cappellino, che forse sarà quello che ti guarirà? - No, no, no! Cara mama, no! voi non lo sapete il male che mi go!   Vuoi che ti compri un bell'ombrellino, che forse sarà quello che ti guarirà? - No, no, no! Cara mama, no! voi non lo sapete il male che mi go!   Vuoi che ti compri un bel morosino, che forse sarà quello che ti guarirà? - Sì, sì, sì! Cara mama, sì!  Questo iera il male che gavevo mi!     ********     NO LA ME VOL PIU' BEN   No la me vol più ben, e no la me vol più ben: la prega Dio che crepo, la prega Dio che crepo! E no la me vol più ben, e no la me vol più ben: la prega Dio che crepo, inveze stago ben!   E mio marì xe bon, el xe tre volte bon ma solo la domenica 'l me onzi col baston!   Babe, parlè, parlè, Babe, parlè, parlè,

parlè 'ncora una volta che dopo creparè!   Babe, gavè parlà, se gavè slavazzà: per mi xe 'ncora un Dio che vela pagherà!     ********     INNO DEI MATI   E co capita el Primario el domanda come xe, come xe. - Sior Primario, stemo meio: siam rimasti solo in tre!! Solo in tre!   E in zavate, capel de paia, la vestaia a pindolon, pindolon, finiremo 'sta marmaia ne l'Otava Division! Secession!   Sior Primario, la saludo perchè 'l mal me xe passà, xe passà, ma se ciapo un'altra bala la me vedi tornar qua! Tornar qua!   E in zavate, capel de paia, etc...     ********     CIRIBIRIBIN PAGHE' 'NA BIRA   Ciribiribin, paghè 'na bira, Ciribiribin, no go moneda, Ciribiribin, doman de sera, Ciribiribin, la pagherò!   Sei bella, sei cara, bella, non piangere! bella, non piangere!

Sei bella, sei cara, bella, non piangere nè sospirar!   Ciribiribin, ghe vol persuto, Ciribiribin, e mortadela, Ciribiribin, la mula bela Ciribiribin per far l'amor.     ********     LA STRADA FERATA AUDIO IN http://www.corocauriol.com/discografia.html AUDIO IN http://www.vocidalpe.it/incisioni.html   Adesso che gavemo la strada ferata, in meza giornata se vien e se va. E tiche - tache - tuche... etc...   Adesso che gavemo la strada ferata, con bel giornata in gita se va. E tiche - tache - tuche... etc...   Adesso che gavemo la strada ferata, la boba in pignata mai più mancherà! E tiche - tache - tuche... etc...     ********     TI COL MUSS, MI COL TRAM AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Ti col muss, mi col tran 'ndemo a Servola doman, 'ndemo a Servola doman, 'ndemo a Servola doman.   Ti col muss, mi col tran 'ndemo a Servola doman, 'ndemo a Servola doman.  

Sotto la pergola 'ndemo a Servola Sotto la pergola 'ndemo a Servola  Sotto la pergola  'ndemo a Servola doman!   Ti col suf, mi col pan 'ndemo a Servola doman, 'ndemo a Servola doman, 'ndemo a Servola doman.   Ti col suf, mi col pan 'ndemo a Servola doman, 'ndemo a Servola doman.   Sotto la pergola 'ndemo a Servola Sotto la pergola 'ndemo a Servola  Sotto la pergola  'ndemo a Servola doman!   Mi con ti, e ti con mi 'ndemo a Servola doman, 'ndemo a Servola doman, 'ndemo a Servola doman.   Mi con ti, e ti con mi 'ndemo a Servola doman, 'ndemo a Servola doman.   Sotto la pergola 'ndemo a Servola Sotto la pergola 'ndemo a Servola  Sotto la pergola  'ndemo a Servola doman!   Ti col suf, mi col pan 'ndemo a Barcola doman, 'ndemo a Barcola doman, 'ndemo a Barcola doman.   Ti col suf, mi col pan 'ndemo a Barcola doman, 'ndemo a Barcola doman.   Sotto la pergola 'ndemo a Barcola Sotto la pergola

'ndemo a Barcola  Sotto la pergola  'ndemo a Barcola doman!      ********     DE TRIESTE FIN A ZARA   De Trieste fin a Zara go impegnà la mia chitara, Amor, amor, amor! Amor, amor, amor! De Trieste fin a Zara go impegnà la mia chitara, Amor, amor, amor! Chè Trieste xe un bel fior!   Iero in campagna col primo amore, oh, che bel fior! Oh, che bel fior! Oh, che bel fior! Iero in campagna col primo amore, oh, che bel fior! Oh, che bel fior! Viva l'amor!   De Trieste fin Duino go impegnado el mandolino, etc...   Iero in campagna col primo amore, etc...   De Trieste fin a Pola go impegnà la mia zivola, etc...   Iero in campagna col primo amore, etc...     ********     L'ALLEGRIE   E l'allegrie la vien dai zòveni E l'allegrie la vien dai zòveni E l'allegrie la vien dai zòveni e non dai veci e non dai veci maridà.  

Ciribiribin, doman l'è festa ciribiribin, non si lavora ciribiribin, gò la morosa ciribiribin, d'andà a truvà.   E l'han perdute andande a messe E l'han perdute andande a messe E l'han perdute andande a messe e da quel dì e da quel dì che i s'ha spusà.   Ciribiribin, doman l'è festa ciribiribin, non si lavora ciribiribin, gò la morosa ciribiribin, d'andà a truvà.     ********     ANCORA UN LITRO DE QUEL BON AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Ancora un litro de quel bon Ancora un litro de quel bon Ancora un litro de quel bon po' ndemo a casa.  No go le ciave del porton No go le ciave del porton No go le ciave del porton pe' andar a casa. Le go lasade in un canton Le go lasade in un canton Le go lasade in un canton de la scarsela. Marieta buta zol'pajon Marieta buta zol'pajon Marieta buta zol'pajon che dormo in strada. No vojo caffè nero, no No vojo caffè nero, no No vojo caffè nero, no ma deme trapa.     ********     ANTONIO FRENO AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Iera un sabo de sera

quando Antonio Freno,  vegnudo fora de un'osteria de via Capiteli, apena imbocà la via Crosada, una guardia lo ga fermà. - Lei Freno la vegni qua - lu ghe xe andà vizin e che ga dito cussì... - La scusi siora guardia, che mi no go fato gnente, in mezo a tanta gente la me fa vergognar. - - Sta zito, o bel moscardin! Te ciapo pel cupin e te meto in preson! - 'lor andai a casa e presi il coltello e feci il macello di quel traditor. Un sabato de sera le diese za sonade, vignia comeso un fato de grande serietà: 'na guardia de patulia de posto in Via Crosada, vigniva asasinada da un nostro zitadin. Tuti lo conosemo: se ciama Antonio Freno e col coltelo in seno girava la cità. In punto a mezanote  la man insanguinada, con l'anima turbada, girava la cità. Dopo comeso 'l fato a Isola el xe andado e là i lo ga arestado pasando in criminal. Tuti lo conosemo, se ciama Antonio Freno e col coltelo in seno girava la zità.      ********     BATI, BATI LE MANINE AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Bati, bati le manine 

Che vignirà papà: porterà i bomboni e (N.) li magnerà. Batti, batti le manine che arriverà il papà: porterà le caramelle e (N.) le magnerà.      ********     DOMANI SE IMBARCHEMO AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Domani se imbarchemo, partimo per l'Australia: te vederà Rosàlia, che là staremo ben!  E dopo sie mesi gavemo la caseta che a Trieste, benedeta, no se la gav'rìa mai.  Triestini, fe fagoto  che 'l batelo xe in partenza: Trieste resta senza de un vero Triestin!      ********     E LE BABE DE RENA VECIA AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   E le babe de Rena Vecia e le se senta su per le scale va in maloron e coi cavei zo per le spale va in maloron e no le fa che criticar. Ritornello… E vegno a casa a mezogiorno e sul fornel no trovo fogo, e mi me toca far de cogo e se un bocon vojo magnar!     ********     IÒ, IÒ CAVALO

AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Iò, iò cavalo, la mama vien dal balo co' le scarsele piene per darghe a le putele, putele no le vol: e (N.) se le ciol!  Iò, iò, cavallo, la mamma torna dal ballo con le tasche piene per darne alle ragazze, le ragazze non ne vogliono: e (N.) se le prende.      ********     LA GIORNATA DEL ZINQUE DE MARZO AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   E la giornata del zinque de marzo Sei giovinoti volevan festegiar; a la matina presero una barca e contro Zaule si misero a vogar.  E dopo aver mangiato e bevuto il ritorno volevano far, ma un pilota li disse "Giovinoti, questa sera non andare per mar!" I giovinoti no vole ascoltare, tosto il ritorno volevano far; apena giunti al Valone di Muggia e la barca scominzia a rolar. Lentamente scendeva la sera, rischiarava di tuto un chiaror, e si faceva una grande bufera strepitando un tremendo dolor. E da lontano si vide una barca contenuta da sei marinar; combateva i più forti, lotava per le onde fugaci del mar.  Antonio Bucher più forte lotava rivolgendo uno sguardo sul mar e confortava i amici piangenti e salutava i sui cari genitor. Ogni tanto mancava un amico, ogni tanto mancava qualcuno e a la fine rimase sol uno che può dir dei perduti sul mar.   

  ********     LA MIA BELA SE CIAMA SOFIA AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   La mia bela se ciama Sofia, note e giorno la speta al balcon, la ga 'l naso che par un'arpia, grassa e grossa la par un balon. Come se fa? Come se fa? Co go visto Sofia me son inamorà! La ga i denti che par una sega tuti neri, nesun de bon e la boca che par 'na botega più de quele che vendi carbon. Come se fa? Come se fa? Co go visto Sofia me son inamorà! La sua testa la par una zuca, senza neanca un cavel che sia bon, e la porta una zerta piruca, che ga fato monsiù Lavagnon! Come se fa? Come se fa? Co go visto Sofia me son inamorà!     ********     LA RIBOS E MAFFEI AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   In piazza San Giovanni xe stà fato un gran delito: i ga mazzado Enrico la Ribos e Maffei La xe rossa dei capelli, petenada a la Duse Chechi e davanti la ga i rizzeti per comparirghe al suo Maffei. Lu 'l xe palido de zera el xe biondo de mustaceti e 'l ga scrito sui coleti: "assassin de la zità ". E Mosetig xe stà invitado, la ghe ofri la caregheta lu ghe disi: - Cara Marieta, no la se stia a disturbar! La lo ciapi a brazzocolo, la ghe disi do parolete

e framezo a le sue piete la gaveva el rasadòr. Mimì Rossa, dammi un bacio, che a la forca mi toca 'ndar ma se tu mi volevi bene, non mi avessi abandonà! No ti vedi che l'albero pende e le fòlie le va, le va? e la Ribos xe andà in galera e Maffei i lo ga impicà.      ********     LA VENDERIGOLA AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Son de mestier venderigola in piaza, son triestina ma dona sincera, mi trato tuti con bela maniera, solo un scartozo no poso sofrir! Quando che vien quel tanghero in guanti profumai, per spender la flicheta el tira su i ociai, e po'l me disi "Strucolo*",  el tenta un pizigon… Go brazi stagni e forti, che nova? sior paron! Che nova? Che nova? Che nova? sior paron!     ********     MARINARESCA AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Una fresca bavisela incomincia za a sufiar; xe ponente su la vela, ghe xe gusto a bordisar! Te saludo, dona mia,  vado in barca a paiolar! Se 'sta note stago via, no te devi disperar! Trieste dormi e 'l mar se movi apena, le stele brila 

e le me fa sognar… Se questa note  ciapo una sirena, te la vojo  domani a regalar. Go co mi tre grandi afeti, quando vado a navigar: go Trieste, i tui oceti  e la barca per pescar. Ma domani, co fa giono, te me sentirà cantar e te porto, quando torno, tuti i pessi che xe in mar.      ********     NOI SIAMO I TRE RE AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   **Tanti busi che xe nel criel,  tanti angeli zo del ciel! Se ghe piaserà ai signori, torneremo un altro ano! Viva, viva el novo de l'ano!     ********     OILÀ RENZO, COME TU DANZI AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   O Dio, lassème star, che son gelosa, che son nervosa! O Dio, lassème star, che son gelosa de mio marì! 1° Ritornello Oilà Renzo,come tu danzi! Oilà Renzo, tu danzi ben!  2° Ritornello Se te danzi te paghi un litro, se no te danzi te paghi do!     ********    

TRIESTE MIA AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Co son lontan de ti Trieste mia, me sento un gran dolor, un gran dolor, e più che zerco de pararlo via, più me se ingropa'l cuor. Le lagrime me cori zo pe'l viso e digo tra de mi e tra de mi che no ghe esisti un altro paradiso più splendido de ti! RIT. Un buso in mia contrada, un vecio fogoler, un sial che pica in strada, do rose in un piter, e in alto quatro nuvoli,  de soto un fià de mar, xe'l quadro più magnifico che mai se pol sognar!    Lontan de ti Trieste no go pase: me manca el nostro ziel, el nostro mar el verde dei tuoi pini, le tue case e i muri del castel, e penso al mio balcon in Rena Vecia quel caro balconzin! De dove vedo i monti che se specia nel golfo zelestin. RIT.    Lontan de ti son come l'useleto, che vivi in s'ciavitù, in s'ciavitù e me dispero e pianzo el mio dialeto che no lo sento più! Ma quando torno canto de alegria, me salta'l cuor in sen, el cuor in sen e zigo: Ah sì Trieste te son mia. Te vojo tanto ben! RIT.     ********     VOJO FAR LA SESSOLOTA! AUDIO MIDI IN http://www.bdp.it/~tsmm0001/cielotrieste/ (cliccare tasto MUSICA)   Vojo far la sessolota  de limoni e de naranze, che go perso le speranze,

chè 'l mio ben me ga lassà. Voime ben, ben, ben, ma el mio ben me ga lassà!.. Vojo far la sessolota  de naranze e manderini e 'sti povari fachini no i ga un colpo de lavor! Voime ben, ben, ben, ma el mio ben me ga lassà!.. Vojo far la sessolota de la goma e del cafè per cantarghe a quel scartozo  che 'l mio cuor per lu no xè! Voime ben, ben, ben, ma el mio ben me ga lassà!.. Vojo far la stampadora voi stampare un bel putelo che'l sia rizzo, biondo e belo, che'l somigli al suo papà. Voime ben, ben, ben, ma el mio ben me ga lassà!.. Lo gavevo e lo go ancora, ma lo mandarò in malora! El mio mal xè za passà: lo gavevo e lo go lassà!     ********     FIOI COME NOI AUDIO IN http://www.istrianet.org/istria/music/sound/ .................ci manca il testo.... se qualcuno ce lo può mandare....     ********     E CHI CHE TOCA LA MIA MOROSA AUDIO IN http://www.istrianet.org/istria/music/sound/   .................ci manca il testo.... se qualcuno ce lo può mandare....     ********     SE TUTI I BECHI   Se tuti i bechi portassi un lampion,

Oh, mama mia Che iluminazion !   In piaza “Granda” In “Cafè dei Speci” Xe quatro veci Che bevi cafè! Rit. Bechi de qua, Bechi de là, Se no i xe bechi, A Trieste no i sta!   E se le vergini portassi un lampioni Orca, che misera Iluminazion! Rit.   In piaza “Granda” Ghe xe un monumento De Carlo sesto Del mileseicento ! Rit.     ********     VECIO GRAMOFONO (1950-51)   Mi go un vecio nostalgico amico che ogni tanto se meti cantar; mi go un vecio gramofono antico e me piasi sentirlo sonar. Tute quante le vece canzoni sto mio povero vecio spompà me ripeti, fra salti e scassoni; tute quele del tempo passà.   Ritornello: Ma col me taca Tripoli, se in cuor lo benedisso e giro la manopola perchè nol perdi el fià ghe digo: vecio stupido, che ben che te capisso... ma pel momento, credime, te son assai stonà.   Qualche volta la vecia puntina che s'incanta sui dischi-sciopai,

me ripeti più volte in sordina quele sante parole che ormai solo un vecio gramofono ancora qualche volta singhiozza avilì le parole più bele che alora tuto el mondo cantava cussì.   Ritornello: Ma col me taca Tripoli, se in cuor lo benedisso e giro la manopola perchè nol perdi el fià ghe digo: vecio stupido, che ben che te capisso... ma pel momento, credime, te son assai stonà.   Caro vecio, no sta disperarte se i tui dischi xe un poco stonai, se la gente no sa più ‘scoltarte come un giorno nei tempi passai; no so come nè quando, ma giuro: se de moda te torni a vignir, vecio ‘scoltime mi, bati duro, bati duro, no state avili,r!   Ritornello: Ma se cantando Tripoli un giorno te se incanti e Il vecio cuor nostalgico no te resisti più, te meterò piangendo fra mezo de quei tanti morti zigando Tripoli, con quei che xe lassú!     ********     BONA FORTUNA   Gigia, col borineto a caininar xe un gusto, da brava, svelta, vestite, e vien con mi a San Giusto. E là: su quel mureto se sentaremo arente; coi oci parleremo e colla boca gnente.

  Ritornello: A Roma i ga-San-Piero, Venezia ga el leon, per-noi ghe xe San Giusto col vecio suo Melon.(bis)   La luna ghe fa ciaro ai monti, al mar lontan; Gigia, che bela note... guàntime per la man. Pensar da quanti secoli quel campanil xe là Pensar che in quela ciesa me son inamorà.   Ritornello: A Roma i ga-San-Piero, Venezia ga el leon, per-noi ghe xe San Giusto col vecio suo Melon.(bis)   Scòltime, bionda: el mondo te poi assai girar, città come Trieste te stentarà a trovar. Xe vero, tuto il giorno se sgoba intel lavor; epur no se xe bestie, se ga qualcossa in cor.   Ritornello: A Roma i ga-San-Piero, Venezia ga el leon, per-noi ghe xe San Giusto col vecio suo Melon.(bis)   E quando vien la festa, lassemo ogni secada; a Servola o a Proseco se fa la baracada. La ciribiricocola farse scaldar col vin, e, saldi in gamba, musica! El goto fa morbin.   Ritornello: A Roma i ga San Piero, Venezia ga el leon, per-noi ghe xe San Giusto col vecio suo Melon.(bis)

    ********     NO STEME A TORMENTAR   Fazzo l’amor, xe vero cossa ghe xe de mal? volè che a quindise ani stia là come un cocal? Se tuto el santo giorno sfadigo a lavorar, xe giusto che la sera me fazzo compagnar. Fazzo, l'amor, xe vero, no steme tormentar!   Vado a nudar, sicuro, cossa ghe xe de mal? co’ 'sto tantin de caldo xe più che natural! Go el vestitin setado e se anche i vol guardar, non son cussi malfata de averme a vergognar! Vado a nudar, sicuro,  no steme tormentar!   Vado, a balar, xe vero, cossa ghe xe de mal? saltar a l'età mia no xe un pecà mortal! Se gira e se se sburta e se se fa strucar, se torna a casa morte e in piè no se pol star. Vado a balar, xe vero, no steme tormentar!   Vado su e zo pel Corso, cossa ghe xe de mal? go el moro che ‘l me speta tacà soto el feral. El xe una macia, el scherza, no’l fa che stuzzigar; no’l vol che ‘sti dedini se strachi a lavorar. Vado su e zo pel Corso, no steme tormentar!  

Vado al veglion, ‘sta sera, cossa ghe xe de mal? Son giovine, son bela e semo in Carneval! In maschera se ridi a farli bazilar, e a qualchedun la zena se ghe a- poi a scrocar! Vado al veglion, ‘sta sera, no steme tormentar!   Son vecia e son in tochi: questo ghe xe de mal! Me tocarà, capisso, finir a l'ospedal. Purtropo, go finido de farme cocolar, E za che no i me guarda me sfogo a tabacar! Ma chi bazila mori, no steme tormentar!