“SE AMLETO FOSSE NAPOLETANO”

COMMEDIA IN TRE ATTI

Liberamente Ispirata All’ “Amleto”

di

W. Shakespeare

Rivoluzionata - Stravolta - Riscritta in napoletano

da

ANGELA LONARDO

PERSONAGGI

1) CLAUDIO - Guappo del rione Sanità di Napoli, zio di Amleto 2) GILTRUTA - Madre di Amleto, vedova di Aitano ‘o Bersagliere, defunto guappo della Sanità 3) AMLETO - Figlio di Aitano ‘o Bersagliere e nipote di Claudio 4) ORAZIO - Amico carissimo e confidente di Amleto 5) PAOLONE - Adulatore di Claudio 6) LAERTE - Figlio di Paolone 7) AMELIA - Figlia di Paolone e fidanzata di Amleto 8) ROSICANN’ - Conoscente di Amleto 9) GUIDARIELLO - Conoscente di Amleto10) O’ STREGONE - Negromante gay11) DON GENNARINO - Un sacerdote12) MARCELLINO - Amico di Amleto13) BERNARDINO - Amico di Amleto14) FRANCISCHIELLO - Amico di Amleto15) PUPARO16) MARMISTA17) SPETTRO DI AITANO ‘O BERSAGLIERE - Padre di Amleto18) BRACC’ ‘E FIERRO - Malvivente che aspira a diventare guappo della Sanità19) JESSICA - Sorella di Giltruta 20) Gente del quartiere

PRIMO ATTO

La canzone “’A serenata ‘e Pulecenella” accompagna l’apertura del sipario.La scena si svolge a Napoli, in un vicolo del rione Sanità. Le luci illuminano a giorno la scena.Sono passati meno di due mesi dalla morte di Aitano ‘o Bersagliere, un importante guappo. Giltruta, sua vedova, e Claudio, fratello del defunto, amoreggiano allegramente. Sono in compagnia di amici. Intanto sopraggiunge Bracc’ ‘e Fierro, noto delinquente, il quale vorrebbe succedere ad Aitano ‘o Bersagliere per il controllo del quartiere.

CLAUDIO (È un uomo di mezza età, di bell’aspetto. Piuttosto affascinante, anche se veste in maniera un po’ rozza) Guagliu’, venit’ a ccà ‘che v’àggia dicere ‘na cosa importante: vi comunico ca mia cognata Giltruta, vedova di mio fratello Aitano ‘o Bersagliere, è diventata mia moglie e Amleto adesso è comm’ a nu figlio pe’ me e, ‘a ccà a cient’anni ca moro pur’ io, diventerà il mio successore comme guappo del rione Sanità. A ‘stu punto, se da un lato la morte di mio fratello mi fa intorcinare dal dolore, dall’altro àggio pensato ca ‘stu quartiere aveva bisogno di un altro capo, nu boss ca guvernava ‘sta zona, e il fatto ca è toccato a me, mi rende felice. Inzomma, cu’ ‘n uocchio chiagno pe ‘a morte ‘e mio fratello e cu’ n’ato rido pecchè mo’ so’ diventato io ‘o guappo ‘e ‘stu rione, spusànnome a ‘sta bella fémmena.

(Abbraccia con foga Giltruta, una donna matura ma ancora molto bella. Si sentono degli applausi.) BRACC’ ‘E FIERRO (È il classico bullo, tatuato, con i capelli lunghi e l’aspetto indisponente. È incollerito) E accussì m’ha ‘mpapucchiat’! Ero io ca avéva succedere a’ Aitano ‘o Bersagliere. Tuccava a me ‘e piglia’ ‘mmano ‘sta zona. Amleto nun tene ‘a cazzìmma pe’ cummanna’, mente io so’ fatto apposta pe’ me fa’ rispetta’. E mo’ è asciuto ‘on Claudio, frìsco frìsco, e s’è mis’ ‘e chiatto a guverna’! (Va via contrariato)

ORAZIO (È un giovane simpatico, attraente e ha l’espressione del bravo ragazzo) E menu male! Nun sia mai, Bracc’ ‘e Fierro ca cummànna ‘stu rione! Guagliu’, ma vùje ve ricurdat’ ‘o padre ‘e ‘stu delinquente? Ha reutàto ‘stu quartiere. Quann’ ha fatt’ isso ‘o padrone, ha cumbinato ‘nu macello: droga, prostituzione, contrabbando, nun se capéva chiù niente. ‘E guagliun’ onesti comm’ a nùje nun putevano ascì chiù mmiezz’ ‘o vico. Era ‘na guerra ogni juorno. Sparatorie, muort’accisi, puntunére ca se vennévano a ogni angolo ‘e via!

FRANCISCHIELLO (È un giovane grassottello, non molto bello) Se smerciava chella farina schifosa ca nun dà pane, chella farina ca te strùre, poco a poco, e po’ te dà ‘nu suonno eterno. Tanti belli guagliuni ch’ addeventàvano maschere ‘e morte cu’ chelle facce losche, brutte comm’ ‘o male.

MARCELLINO (È un bravo ragazzo, simpatico.Non è molto alto) Facce ‘e fariniéll’, facce e chi nun s’abbòffa maje e nun tene ‘o curaggio ‘e cagna’ via.Tenevan’ ‘e fémmene, ‘e màchine ‘e lusso, ma ‘e fémmene stevano cu’ lloro sulo pe’mezzo ‘e chilli sord’ ‘e mmerda.”

JESSICA (È una bella donna sulla quarantina. Ha un’apparenza sobria e rispettabile. Veste abiti semplici.) Io nun me mettesse cu uno ‘e lloro manco si fosse ‘o chiù ricco d’ ‘a Terra. Io vulesse n’ommo veramente ‘nnammurato, pure si è nu poco puveriello!

AMLETO (È vestito di nero, è un bel giovane con i capelli biondi e il fisico snello) ‘A capa nun è bona! Chilli cammurristiélli nun sanno ca ‘na fémmena vera nun se mettésse mai co’ uno ca vénne ‘a morte.Ma, secondo vuje, cunviene ‘e jì cu’ na fémmena ca sta cu’ te sulo pe’ sord’? Jì me mettesse scuorno si sapesse ca Amelia, ‘a ‘nnammurata mia, sta cu’ me sulo pecchè so’ diventato ricco vennènno chella ‘mmunnézza! E po’, ‘ntanati comm’ ‘e zoccole dint’ ‘e fogne, sempe annascùsi senza mai vede’ ‘nu raggio ‘e sole. Ascevan’ ‘e notte, comm’ ‘e ciucciuvéttole, e nun se facevano mai ‘na risata. Ma comm’ se po’ vivere accussì!

JESSICA Amle, meno male ca tuo padre riuscett’ a piglia’ ‘mmano ‘a situazione. Me ricordo quanno facètte chiàgnere tutta chella guaglionèra sulo cu doje parole: “Guagliu’, scetatev’! ‘O munno nun è fatto comm’ ‘o vedit’ vuje. ‘O munno po’ essere assai bello si cagnat’ via e accummenzate a pulizza’ tuorno tuorno. Chi v’ha fatto cammurristi ve vole vede’ muorti, chi ve vo’ bene veramente ve fa’ capi’ quanto è bello guadagna’ onestamente pe’ purta’ ‘a casa chello ca ve serve. E, v’assicuro, ve serve veramente poco pe’ farve spunta’, finalmente, ‘na risata ‘n faccia…

BERNARDINO (È un giovane molto magro e alto, il volto scavato e un po’ malinconico) …‘O sole, ‘o mare, ‘na fémmena veramente ‘nnammurata, ‘na machina peccerélla pe’ ve traspurta’, ‘na casarella e nu poco ‘e mangia’ buono, chesto ve serve veramente. Che n’avita fa’ de’ ville sfarzose si po’ l’avita annaccuva’ addereto a nu muro brutto comm’ a chillo ‘e ‘na galera, che n’avita fa’ de’ ‘sti machinùni si ‘nce sparit’ ‘a dinto? Nun avìta desidera’ ‘na machina chiù grossa ‘e vuje. Mica siti féssi! Avìta desidera’ ‘e esse’ vùje chiu’ gruossi d’ ‘a machina!...

AMLETO …E po’, bruttezza e morte nun fanno pe’ vuje. Facitavélla ‘na risata, pensate a campa’. Nun stat’ a sentere chi ve vole fa’ diventà criminali sulo pecchè v’ha promettùto denaro facile.” Me ricordo ogni parola, e comm’ si m’ arricòrd’! Accussì, mio padre era riuscito a trasfurma’ ‘sta zona int’ a ‘nu Paraviso. (Amleto si guarda intorno con orgoglio e amore) ‘Stu vico, addò nascette Totò, addò jeva ‘a scuola Eduardo, (Con enfasi) ‘mmano a isso, è turnat’ a essere nu gioiello! Io nun cred’ ca mio zio sarrà all’altezza ‘e continua’ accussì. Mah! Mo’ vedìmmo chello ca succede.

ORAZIO Secondo me, è sempe meglio ziìto Claudio ca Bracc’ ‘e Fierro.

JESSICA Che peccato ca tuo padre, Amle’, è muorto accussì. Isso sì ca era ‘nu vero guappo! Io ‘o vulevo troppo bene, pecchè se sapeva fa’ rispetta’! Quanta chiagnute ca m’àggio fatto pe’ mezz’ ‘e ‘sta morte atroce! E chella bàbba ‘e mia sorella, s’è spusata a Claudio int’ a manco dùje misi. Vole dicere ca nun capisce niente. Ha scagnato ll’ uocchi p’ ‘a coda. Che scema! Jì nun ce pòzzo penza’!

AMLETO ‘A zi’, tieni ragione ma mo’ è troppo tardi pe’ turna’ adderèto. Stamm’ a sèntere, aspettammo pe’ giudica’.

(I ragazzi vanno via insieme ad Amleto. Da un angolo nascosto arriva Laerte, con suo padre Paolone. Devono parlare a Claudio.)

LAERTE (È un giovane dai lineamenti decisi della persona che sa ciò che vuole.) Don Cla’, vi devo dire una cosa: io me ne vulesse turna’ a Roma, col vostro permesso. Ccà, a Napoli, che àggia fa’?

CLAUDIO (Sorpreso) Laerte, ma che mi dici, vuo’ turna’ a Roma? E tuo padre, Paolone, che dice ‘e ‘sta penzàta?

PAOLONE (È una persona anziana, dall’aspetto servile di chi è sempre disposto a chinare il capo di fronte ai potenti.) Io ‘o permesso ce l’àggio dato. M’ha fatto ‘na capa tanta e, alla fine, ho detto sì. Mo’, però, ci serve la vostra benedizione, ‘on Cla’.

CLAUDIO (Rivolto a Laerte) Lae’, si’ giovane, tieni ‘e qualità. Fanne buon uso. Va’, va’… e ch’ ‘a Marònna t’accumpagna!

LAERTE Ma, per caso, siete parente del cardinale?

CLAUDIO (Tra sé) ‘O cardinale? Quale cardinale? (Rimane in lui la perplessità di non capire il riferimento) Laerte e il padre escono. Entra Amleto.

GILTRUTA Amle’, stai ccà, a mammà?

CLAUDIO Ué, Amle’, stevo cercanno just’ a te. T’àggia dicere ‘na cosa: Dato ca m’àggio spusato a mammà toja, mo’ puo’ sta’ tranquillo, pecchè, pe’ me, sei poco meno ca ‘nu figlio ma assai chiù ca ‘nu nipote. Decidi tu chello ca preferisci.

AMLETO (Ironico) E già! Pare ca stammo ‘o ristorante! Preferisci mangià a base ‘e pesce o a base ‘e carne? ‘E sasicce calde d’ ‘o cunzuòlo ‘e mio padre, ce l’avimm’ magnate fredde pe’ ‘o spusalizio e mammà, ma tutto chesto justo pe’ sparagna’! Tanto, chelle si so’ mantenute, nun so’ passati manco dùje misi da che è muorto papà. Stevano belle crìcche, into ‘o frigorifero, mica ‘e putevem’ jetta’! (Riflette) Assai chiù ca nu nipote, poco meno ca nu figlio… e mammà, ca era comm’ ‘a ‘na sora pe’ te, mo’ è poco meno ca ‘na mugliera o poco chiù ca ‘na sora? E chi ‘o sàpe?

GILTRUTA E ja’, nun fa’ ‘o spuntùso cu’ ziet’! Fa’ ‘o bravo, a mammà!

CLAUDIO Mamma mia, si’ accussì pesante, tagliente, ombruso. E pure ‘sti panni ca tieni ‘ncuollo..! Te fanno pare’ ‘nu schiattamuòrto! E schiarisciti nu poco, sia nell’anima che nel corpo.

AMLETO E sì, mo’me votto dint’ ‘a varrechina! Ma che jat’ dicenn’? Io sono già chiaro, anzi…pe’ dicere ‘o vero, “mi è tutto chiaro”.

CLAUDIO Amle’, capisco e ammiro il fatto che provi ancora dolore per tuo padre ma la natura è fatta così: quasi sempe, so’ i figli che vedono morire i padri. È un fatto ca succede into ‘a ‘stu munno. Se tu continui a chiagne’, te mettimmo ‘nu cuorno ‘ncanna pecché puorti pure jella. E che caspita! (Fa gli scongiuri in maniera plateale.)

GILTRUTA Amle’, liévete ‘sti panni ‘a cuollo, miéttiti ‘na cammisa chiara e, soprattutto, cerca ‘e purta’ rispetto a zizìo Claudio. È semp’ isso ‘o nuovo guappo dò quartiere: lo devi esequiàre! (Claudio, sbuffando, fa di nuovo gli scongiuri) E po’, nun guarda’ sempe ‘nterra, comme si cercassi a tuo padre mmiezz’ ‘e prete ‘e ‘sta via. È normale ca chi vive deve morire. È legge di natura.

AMLETO Mo’ parli pure tu comm’ a ‘stu bell’ommo ‘e zìem’ Claudio? E che palle! Me so’ bestuto niro pecchè, pe’ me, papà era papà. Nun faccio ‘e mosse. Io me vesto a lutto pecchè sto a lutto veramente. A papà, ‘o vulev’ nu bene carnale. Perciò nun m’ammuscia’! Anzi, sai che ti dico? Voglio tornare dai miei amici a Firenze per studiare Karate, così mi distraggo.

CLAUDIO Ma tu si’ caduto co ‘a capa ‘nterra? E chi ti paga la casa a Firenze con quello ca costano gli affitti? Noò! Nun se ne parla proprio. Me pare ‘n’idea da deficiente lassa’ ‘stu quartiere, addò può fa’ ‘o guappo, pe’ jì a fa’ ‘o sciém’ in Toscana, tra ‘nu òtta òtta ‘e gente ca manco canusc’.

GILTRUTA E jà, nun te ne jì a Firenze. Resta cu’ mammà e abbìa a considera’ a zizìo Claudio comm’ a ‘n amico. E po’, nun te scurda’ ca ccà, a Napule, ce sta Ameliuccia tua, ‘a figlia ‘e Paolone, ‘a sòra ‘e Laerte, ‘a nipote ‘e Sofia…

AMLETO (Ironico, accompagna le parole con gesti della mano che indicano la lunga sequenza di parentele) …‘a pronipote ‘e Mosè, ‘mparentata cu’ Matusalemme fino ‘a settima generazione… (Seccato) E va buono, mammà, rimango ccà e me sposo pure Amelia, si’ cuntenta?

GILTRUTA Talmente cuntenta ca t’acciresse ‘e vas’. (Va via)

AMLETO (Rimasto da solo, fa le sue considerazioni) Comme te fai a scurda’, into a manco dùje misi, nu marito ca t’ha voluto accussì bene? Me ne vulesse jì a Firenze pe’ nun vede’ chiù a chilli dùje ma, chella, mammà me trattène ccà. Cumm’ àggia fa? Me venesse voglia d’ ‘a fa’ finita ma poi penso: e chi m’ ‘o fa fa’? Però, che munn’ ‘e mmerda e che ciorte ‘e mmerda esse’ nato da ‘sta mamma.Mio padre s’ ‘a teneva tanto prelibata e essa le steva sempe azzeccàta…e mo’? Guarda là che spettacolo!Si nun fosse peccato, ‘a facesse finita cu’ nu curtiello. Poi, però, penso: è accussì difficile e, se nun riesco, resto pure struppiàto. Allora, dint’ ‘a capa mia, me gira ‘o pensiero ‘e quanto fa schifo ‘o munno. A che serve ‘e campà se po’ te guardi tuorno tuorno e vidi sulo mmunnezza.

(Solleva un sacchetto dell’immondizia e lo scaglia lontano. Bernardino che si trova a passare fa il suo commento.)

BERNARDINO Hai ragione, Amle’! ‘Sta mmunnezza fète comm’ a che! Che schifo!

AMLETO No, nun provo schifo p’ ‘a mmunnezza, provo schifo pecchè nun so’ manco dùje misi ca pàtrem’ è schiattato e guarda che è succiéso! Mia madre spusata co’ ‘o cainàto, ‘o frate ‘e papà. E po’, penzo pure ca zio Claudio nun è buono a fa’ ‘o guappo, al massimo… se putesse arrangia’ a fa’ l’amministratore ‘e condominio. A front’ a pàtrem’, nun era manco l’ ògna d’ ‘o pède. E chella scema ‘e mia madre…manco dùje misi, ce piensi, e s’è ‘nnammurata ‘e chillu ‘nzivuso. Fracitità, il tuo nome è donna!

BERNARDINO È proprio vero, ‘e fémmene so’ fracete!

AMLETO ‘A capa nun è bona! Tieni presente la fuga dei cervelli? Tutt’ ‘e perzone istruite e intelligenti se ne so’ fujute da ‘stu Paese per andare fuori.

BERNARDINO E questo che c’entra?

AMLETO (Laconico) C’entra, c’entra! Ti dicevo ca tante perzone co’ ‘e cervelle ‘ncapo se ne so’ fujute. A mammà, invece, se n’è fujut’ sulo ‘o cerviello. Squagliato, comme ‘a neve ‘o sole e, dint’ ‘a coccia, nun c’è rimasta manco ‘nu poc’ ‘e segatura. Mia madre nun è juta fòre… sta proprio fòre… cu’ ‘a capa.

BERNARDINO Mah! ‘E fémmene, valle a capire!

AMLETO Certo ca, si addereto a tutto chesto ci sta ‘na ‘nfamità, chella esce fòre sicuro. Hai voglia ‘e annaccuva’! Pure si ce jetti ‘ncoppa tutta ‘a terra d’ ‘o munno, ‘o primo raggio ‘e sole scummòglia ogni crimine.

(Amleto e Bernardino vanno via. La luce sul palco diventa un po’ più fioca come se fosse tardo pomeriggio. Laerte è in procinto di partire. Trascina un trolley.)

LAERTE Ameliù, il mio bagaglio è pronto. Primm’ ‘e partere, però, te voglio fa’ doje raccummannazion’: statt’ accorta ‘e Amleto. Secondo me, chill’ se vole sulo diverti’ cu’ te. Devi penzare ca ‘o ruolo suo di guappo nun li permette libere scelte. Tu si’ ‘na brava guagliona, affianco a isso ci’ àdda sta’ ‘na fémmena ‘e fuoco, una ca sape mania’ ‘o curtiello. Quann’ ve siti lasciati, chi vuo’ ca vene chiu’ vicino a te pe’ te spusa’? Te juochi ‘a reputazione. Te conviene? Piénsece!

AMELIA (È una ragazza poco più che ventenne, capelli lunghi, viso delicato, abbigliamento molto femminile.) Tu piens’ ca nun è veramente ‘nnammurato?

LAERTE Nun voglio dicere chesto. Mo’ pò essere pure ‘nnammurato, ma po’? Se siti costretti a ve lassa’, pecché ‘o stato suo ‘e guappo nun li consente ‘e te tene’ vicino, tu che fine farrài?

(Il dialogo viene interrotto dal sopraggiungere di Paolone)

PAOLONE E che caspita, Lae’, stai ancora qua? Vidi ca ‘o treno sta partenno. Intanto ca saluti a tutti quanti, te voglio dicere doje parole, stamm’ a sentere buono: “Nun te fa’ asci’ niente ‘e chello ca piensi, e nun fa’ ‘o scemo, m’arraccummànno. E’ à essere amico ‘e tutti quanti ma nun e’ à diventa’ volgare, ca io te conosco abbastanza. Primma ‘e fa’ amicizie, prova ‘a fedeltà de’ persone. Nun te fida’ mai abbastanza ma, se truov’ cocche brava persona, afferrattèlla e tienattèlla cu’ te pe’ sempe. Nun te votta’ a fa’ casino ma, si t’avesse capita’, fa’ in modo ca l’avversario capisce cu’ chi tene a che fa’. Sient’ a tutti quanti ma po’ tieniti ‘o parere tuo. Viestete sempe buono, secondo chello ca tieni dint’ ‘a sacca. ‘E à essere sobrio, no’ pacchiano pecché, ‘a comme te viesti, accussì sarrai giudicato. Po’, m’arraccummann’ ‘e nun te fa’ mai presta’ niente e de nun presta’ tu niente a nisciuno, pecché pierd’ ‘e sordi e pure l’amico. Pulecenella diceva ca, sì ‘o presta’ fosse buono, se putesse presta’ pure ‘a mugliera. ‘A cosa chiù importante, però, è ‘a coerenza: te à sèmpe comporta’ in maniera lineare e sincera ma ‘e à cunserva’ ‘a cazzìmma! Questo, ricuordattèllo, è ‘o principio chiù importante. ‘A gente s’àdda fida’ ‘e te ma, allo stesso tempo, nun ‘e ‘a passa’ pe’ fesso.”

LAERTE (Tra sé e sé) Marònn’, e che palle! Chisto s’è ‘mparato ‘stu catechismo a memoria e mo’ vole fa’ ‘o saputo cu’ me! Ameliù, vieni qua, ricuordate chello ca t’àggio dditto.

AMELIA E comme faccio a m’ ‘o scorda’?

PAOLONE Lae’, tie’, t’àggio miso ‘nu poc’ ‘e frittata sponzata ‘int’ ‘o pane cafone, ca te piace assai, accussì te mangi quaccosa durante ‘o viaggio. Va’ e ch’ ‘a Marònna t’accumpagna!

LAERTE Papà, ma fùssi pure tu parente d’ ‘o cardinale!?

(Laerte va via lasciando Paolone perplesso)

PAOLONE (Tra sé) Ma ‘e quale cardinale sta parlanno? (Rivolto alla figlia) Amelia, che ti ha detto tuo fratello?

AMELIA Niente! È ‘nu fatto ca riguarda a chillu ‘mbambalùt’ ‘e Amleto.

PAOLONE Buono, buono! M’hanno ditto ca ve siti visti spisso.

AMELIA È vero, papà. Secondo me, me vole nu bene pazzo. Me lo dimostra in tanti modi e me dice tanti belle parole.

PAOLONE Si’ proprio sicura? Guaglionce’, me sape ca t’ àggia ‘mparà nu sacco ‘e cose. Apri ll’ uocchi, nun fa’ ‘a cretina e fila ‘a casa ca, si no, t’acciro ‘e mazzate. Tu Amleto te à scurdà, ha’ capito?

AMELIA E va buono, te stong’ a sentere! Però, papà, te pozzo dicere ‘na cosa? Cu’ ‘ste parole, m’acciso. T’assecondo, ma ‘e à sape’ ca Amleto nun m’ ‘o scordo facilmente. Me custarrà assaje d’ ‘o lassa’, pecchè Amleto è ‘a vita mia! (Va via contrariata)

(Cambia la luce nel vicolo . È sera ed è buio, la strada è illuminata da un fioco lampione. Amleto è piegato in due dal dolore. Si appoggia con una mano al fanale mentre con l’altra regge lo stomaco in subbuglio. Si intrattiene con Orazio, Francischiello, Bernardino e Marcellino.)

AMLETO Marònn’, e che male ‘e panza! Me so’ mangiat’ nu piatto chin’ ‘e puparuol’ ‘mbettonati e mo’ vedo tutte ll’anime de’ muorti. Anzi, pe’ dicer’ ‘a verità, àggio visto una sola anima, chella ‘e mio padre ca mi diceva: Amle’, ma no’ biri chella lota ‘e mammeta che ha cumbinato? Manco dùje misi ca m’avit’ atterrato e chella già s’ ‘a fa cu’ fràtem’ Claudio. S’ ha spusato senza manco e ce penza’.

FRANCISCHIELLO (Meditabondo) Veramente, io puparuoli nun me n’ àggio mangiato, però l’anima di tuo padre l’ho vista pure io. Steva ‘ncazzato assai. Pareva ca diceva: “Chella malafemm…(Mette una mano sulla bocca per non pronunciare l’offesa) ‘e mia moglie, che adesso è la mia vedova, già s’è spusata cu’ fratem’. Sulo ca se struscia ‘ncuollo a isso. Non mi ha fatto neanche raffreddare. E che Madònn’!”. Solo ca io non sentivo la voce, guardavo sulo comm’ moveva ‘o mùsso…Inzomma, leggevo il “grembiale”. (Gira un dito intorno alla bocca)

MARCELLINO Amle’ è ‘o vero, Francischiello tene ragione, àggio visto pur’ io ‘a bonànema ‘e tuo padre e veramente steva ‘ncazzato. Mamma mia! M’ha fatto mettere ‘na paura! Quann’ era vivo, è stato nu grand’ommo, nu guappo ca teneva ‘o core ‘mpietto.

AMLETO Era ommo, ommo vero. Nisciùno sarrà mai comm’ a isso.Quello, mio zio se crede ca ‘o po’ sostitui’… e mia madre è tutta cuntenta, ma io nun cià faccio a vedè tutte ‘e mosse ca se fanno.

(Amleto mantiene di nuovo la pancia per il dolore. Intanto, compare lo spettro di Aitano ‘o Bersagliere. In un angolo, si scorgono Claudio e Giltruta mentre si scambiano effusioni. Non possono sentire quello che avviene poco distante, per questo sono del tutto sereni.)

AMLETO Marònn’, ‘sti puparuoli m’hanno acciso. Ecco! Papà, ti vedo.

ORAZIO ‘O vedo pur’io.

MARCELLINO E pur’ io. Mamma mia!

FRANCISCHIELLO e BERNARDINO Pure nuje, pure nùje ‘o vedimmo.

AMLETO Ora sento anche la sua voce…

ORAZIO MARCELLINO FRANCISCHIELLO e BERNARDINO (Contemporaneamente) Nùje nun sentimmo niente!

SPIRITO DI AITANO ‘O BERSAGLIERE (È un uomo anziano, ha la barba brizzolata come i capelli, un viso dall’aspetto autorevole, l’abbigliamento è elegante: giacca, cravatta, cappello a tesa larga. Ha il viso cereo e un’espressione amareggiata. Può sentirlo solo Amleto) Chillu grand’ omm’ ‘e fràtem’ Claudio nun vale niente a front’ a me. Sape fa’ sulo ‘o guappo ‘e cartone ma, si pe’ caso sente ‘nu rummòre, scànda e se ne fòje! Guardalo quanto è ridicolo co’ chella fetòsa ‘e màmmeta! Tua madre Giltruta me diceva sempe ca, se io morivo, non sarebbe mai stata di nessun’ altro e invece… E ch’ schifezza, me fa arrevuta’ ‘o stommac’. E poi, vogliamo parlare del mio funerale? ‘Nu carr’ ‘e muorto laccato niro e chino d’oro, sei cavalli tutti ‘mpernacchiati, ‘a banda musicale ca sonava «‘O sole mio», tutte chelle prefìche ca se lamentavano e chiagnevano cu’ nu fazzulett’ mmano…

AMLETO Papà, ma addò ‘e viste ‘ste fiche? Jì nun àggio visto nisciuna fica a ‘o funerale tuojo.

SPIRITO DI AITANO ‘O BERSAGLIERE Ma quale fiche, le prefìche, le donne piangenti.

AMLETO Ah, le prèfiche. E tu ric’ ‘e prefìche e io mm’ero penzato ca te riferivi a ‘e fiche ca maturano primm’ ‘e l’autunno.

SPIRITO DI AITANO ‘O BERSAGLIERE Ecco qua, sì sempe ‘o solito baccalà! Comunque, ti dicevo: e va buono ‘o carro, ‘e cavall’, ‘e lamienti ‘re prefìche, ma l’elicottero co’ e petali e’ rose v’ ‘o putivev’ pure sparagnà. Co’ chilli sordi, te ivi a fa’ ‘nu viaggio, ti andavi a fare una mangiata di pesce addù Ciro a Mergellina, t’accattavi ‘nu vestito buono per andare a ballare…Io ero ‘nu guappo, mica ‘nu camorrista, ca teneva bisogno ‘e tutto chillu sfarzo. Pe’ mezzo ‘e ‘sti strunzate, stu popolo ca è ‘o meglio dò munno, porta ‘a nnummenata ca è malamente, ca ‘e chino ‘e cammurristi, ‘e malandrìni e nisciuno se ricorda ca ‘stu popolo, ‘sta gente tene nu core gruosso, gruosso assaje. Pe’ pochi fetient’, hanno macchiato ‘o nome ‘e ‘na città accussì bella. Succede comm’ a quanno cert’ uommen’, sulo pecchè so’ ‘nu poco bruttarielli, hanna purta’ ‘a nnommenata ca so’ disgraziati, mentre, invece, so’ buoni ‘e core? ‘Sta città, ‘a vid? Pe’ ‘nu poco ‘e mmunnezza ca ‘nce sta mmiezza ‘a via, e pe’ quatto cap’ ‘e mmerda ca vonno fa’ ‘e smargiassi, àdda passa’ pe’ ‘a città d’ ‘a fetenzìa.

AMLETO Chello ca dici, papà, è o vero, però l’idea e l’esequie non è stata mia. È stato zio Claudio che ha pensato a tutto. Per fare tutta chell’apparta, ha chiamato le bombe funebri di Casoria.

SPIRITO DI AITANO ‘O BERSAGLIERE All’anima d’ ‘o strunzo! Primma m’accide, m’avvelena cu’ ‘nu chilo ‘e cozze avariate e po’ me fa fa’ ‘o funerale d’ ‘o padrino! E che chiàveco!

AMLETO Ma allora è stato isso ca t’ha acciso? Papà, mo’ voglio sape’ tutta ‘a verità.

SPIRITO DI AITANO ‘O BERSAGLIERE Ma pecchè, nun ha’ capito. Tuo zio Claudio mi ha fatto preparare un chilo di cozze da “Giuseppone a mare” e po’ me l’ha ‘ntossecate mmiscannole co’ chelle fracete ca venne Nicola ‘o pisciauolo. Lo sapeva ca io vado, anzi, andavo pazzo pe’ ‘a ‘mpapata ‘e cozze. È ‘nu criminale, e se mi vuoi veramente bene, mi devi vendicare. So’ muorto avvelenato da chillu piezz’ ‘e fetent’.

AMLETO Ma non mi dire ca mia madre sapeva ed era complice!

SPIRITO DI AITANO ‘O BERSAGLIERE No, no, tua madre sono sicuro ca nun sapeva niente. Era troppo innamorata di me. Anzi, sembrava innamorata, visto che, subito dopo la mia morte, si è buttata nelle braccia ‘e fràtm’ Claudio. Ma mo’, assa sta’ a mammeta, vendica la mia morte co’ chillu fetente ‘e tuo zio. Nun te scurda’ tutto chello ca t’àggio dditto.

(Lo spettro di Aitano ‘o Bersagliere tace e Amleto osserva le smancerie che la madre e lo zio si scambiano in un angolo.)

AMLETO (Parla tra sé in maniera da non far sentire a nessuno) E comme me pozzo scurda’!Che schifo! Guarda là, mia madre mi fa solo schifo, e chill’omm’ ‘e quatto sord’, chillu vigliaccòne, guarda comme ride. Mi fa proprio vomitare. Ma comme po’ ride’ uno che ha appena acciso ‘o frate e s’ è spusat’ ‘a vedova soja? Papà, t’ho giuro, a fràteto Claudio l’àggia accìdere cu’ ‘ste mani!

MARCELLINO Amle’, ma che t’ha detto tuo padre?

AMLETO Nun v’ ‘o pozzo dicere, pecchè tenit’ ‘a vocca aperta. E mo’, mi raccomando, stàteve zitti e manco ‘na parola e chello ca è succiéso àdda escì!

ORAZIO, MARCELLINO, FRANCISCHIELLO e BERNARDINO (Contemporaneamente) Non diremo una parola.

SPIRITO DI AITANO ‘O BERSAGLIERE Giurate, tutt’ e tre. Avanti, se no ve vengo ‘n suonno e ve faccio murì ‘e paura. Giurate!

ORAZIO Azz’, mo’ se sente pure ‘a voce!

ORAZIO, MARCELLINO, FRANCISCHIELLO e BERARDINO (Tutti insieme stringendosi tra loro impauriti) Lo giuriamo, lo giuriamo, p’ammore ‘e Dio!

AMLETO (Saluta il padre) Papà, requie, esequie e scatt’ in pace. (Si rivolge a Orazio)

Ora’, ‘nce stanno chiù cose int’ a ‘stu munno e quante tu e tutti ‘sti amici se ponno immagina’! Guagliu’, non vi spaventate se da chistu mumento in poi comincio a fa’ ‘o pazzo. Non vi preoccupate, nun so’ pazzo, devo fingere e nun ve pòzzo spiega’ pecché ma voi, tutti quanti, venite qua e giurate ‘ncoppa all’anima ‘e tutti ‘e muorti. Mettete la mano ‘ncoppa ‘a ‘stu curtiello!

FRANCISCHIELLO Ma è ‘nu curtiello ‘e plastica.

AMLETO ‘A capa nun è bona! Chella, mia madre nun ha bulut’ caccià ‘a posateria bona manco po’ sposalizio. ‘A casa ci arrangiàmm’ cu’ chest’. Comunque, non me lo fate ripetere ancora, giurate e stateve zitti.

ORAZIO, MARCELLINO, FRANCISCHIELLO e BERARDINO (Contemporaneamente) Giuriamo! Giuriamo!

FRANCISCHIELLO E chi parla?!

MARCELLINO (Si mantiene la pancia e stringe le gambe) Me sto caganno sotto d’a paura. Vado un attimo alla toilette.

BERNARDINO E se sapeva ca ‘e puparuoli fanno veni’ ‘a diarrea!

ORAZIO Ma statte nu poco zitto! Marcellino nun s’è mangiato niente. Cu’ ‘sti chiar’ ‘e luna chisto pensa ‘e puparuol’! Ma si’ proprio ‘nu babbà!

(Vanno via tutti, quando Amleto richiama sommessamente Orazio e lo fa tornare indietro.)

AMLETO Orazio, Ora’, vieni che ti devo dire una cosa.

ORAZIO Che me ‘a dicere, Amle’?

AMLETO A te t’ ‘o pòzzo cunfida’, tu nun si’ bocc’ apiert’ com’ a chill’ ati tre amici nuosti e po’ si’ ‘o meglio amico mio, nun pòzzo tene’ segreti cu te. Ora’, quello mio padre è stat’ acciso.

ORAZIO Ma tu che mi dici?!

AMLETO ‘O fantasma ‘e mio padre m’ha ditto ca è stato chillu chiaveco ‘e zio Claudio che l’ha ‘bbelenato cu ‘e cozze ‘e Nicola ‘o pisciauolo. Pe’ mo’ accuntientat’ e chello che t’ àggio dditto e nun ciata’ co’ nisciuno. Statte buono!

ORAZIO Statte buono, Amle’. ‘Nce vedìmm’! (Abbraccia Amleto con riconoscenza per l’amicizia che gli dimostra e per confortarlo e rassicurarlo poi, tra sé) Cheste so’ cose ‘e pazz’!

(È di nuovo giorno. Le luci sono forti. Amelia, passeggiando nel vicolo, canticchia mentre Amleto si presenta come uno straccione, assumendo atteggiamenti strani senza parlare. Amelia si spaventa. Amleto tenta di avvicinarsi ad Amelia, poi la respinge. Amelia è turbata ma non capisce. Paolone, che ha osservato tutto di nascosto, corre ad avvisare Claudio e Giltruta.)

PAOLONE Don Clàudio, don Cla’, io v’aggia parla’. Amleto si comporta comm’ a ‘nu scumbinato. È ‘mpazzuto. Mo’, però, cerco di spiegarvi io ‘o motivo ca, secondo me, l’ha

purtato a se sbalestra’ co’ ‘a capa. ‘A casa àggio truvato ‘nu biglietto ‘e Amleto addo’ dice ca è ‘nnamurato pazzo di Amelia. Sulo ca io ho dato ordine a mia figlia di non frequentarlo, ecco pecchè isso ‘e ‘mpazzuto e mo’ dà ‘e nummer’. Se non ci credete, io faccio venire qua a mia figlia, quanno Amleto se va a fa’ dùje passi, noi ci nascondiamo e accussì vediti co’ l’uocchi vuosti chello ca succede.

GILTRUTA (Rivolta a Claudio) Secondo me, invece, Amleto è asciuto pazzo pe ‘a morte d’ ‘o padre e pe’ o fatto ca ce simmo spusat’ tropp’ ampressa.

(Le luci si abbassano. È l’imbrunire. Amleto va avanti e indietro come un forsennato mentre ha tra le mani un fumetto)

PAOLONE (Rivolto a Claudio e Giltruta) ‘On Cla’, vuje permettit’ ca m’ ‘a ved’io? Vado a fare due chiacchiere cu’Amleto mente vuje e vostra moglie rimanit’ annascùsi adderet’ ‘o vico.

CLAUDIO E va’, va’, accussì cercamm’ ‘e capi’ che sta succedènno.

PAOLONE (Rivolto ad Amleto) Amle’, tu lo sai chi sono io?

AMLETO Certo ca ‘o saccio. Si’ Pascale ‘o pisciajuolo!

PAOLONE Ti sbagli. No! Non sono Pasquale.

AMLETO Almeno fuss’ onesto comm’ a isso!

PAOLONE Onesto?

AMLETO Ma tu si’ comm’ a Nicola, ca venne ‘o pesce fràceto.L’onestà è ‘na dote assai rara in questa schifezza di mondo, addò ‘e cani muorti fanno ‘e vierm’…e pure ‘e perzone, bone o cattive, fanno tutte quante ‘e vierm’…doppo morte. Tu, se non sbaglio, tieni ‘na figlia.

PAOLONE Sì. È ovèro, tengo ‘na figlia.

AMLETO E allora te dongo nu cunziglio: nun ‘a fa sta’ troppo sotto ‘o sole, ca sennò fa ‘e viermi pur’ essa. E poi, se qualche cane la mette incinta…sarebbe un vero pobblema.

PAOLONE (Tra sé) Chist’ è fissato cu’ mia figlia. (Rivolto ad Amleto) Amle’, che ti stai leggendo?

AMLETO Leggendo? Noò, io guardo solo le figure.

PAOLONE Ma di che parla ‘stu giornaletto?

AMLETO ‘A capa nun è bona! Ma ‘o giornaletto mica parla. Diciamo… ca i disegni… fanno vede’… ‘nu viecchio tutto arrepecchiàto, cu’ ‘a barba grigia e ca nun tene cerviello ‘ncapo. Nun sulo, ma tene pure ‘e cosce sciancàte. Tutto chello ca penso io de’ viecchi ‘ntrunàt e ‘nzallanùt’ comm’ a chillo ca tengo mo’ ‘nnànz’ all’ uòcchi.

PAOLONE (Tra sé) Ma chisto fa ‘o pazzo o è pazzo ‘o vero? (Rivolto ad Amleto) Beh, adesso me ne devo proprio andare. Stàtte buono!

AMLETO Ah, che suddisfazione! Nun ce sta niente ‘e chiù bello che a te vede’ spari’ da ‘into a ‘stu vico…a parte ‘o fatto ca so’ancora vivo.

(Giltruta prende in disparte Amelia per parlarle)

GILTRUTA Ameliù, magari fussi tu chella ca ha fatto esci’ ‘e capa a’ Amleto! Si tu l’avissa fatto ‘mpazzi’, allora tu ‘o può pure tira’ fore da ‘a stessa pacciarìa soja. Fosse buono pe’ tutti quanti.

AMELIA Ammagar’!

(Paolone trascina via Amelia e prende precisi accordi con lei, mentre convince Claudio e Giltruta ad osservare di nascosto tutto quello che avviene.)

PAOLONE Ame’, tu passèa annanz’ e adderèto e attira l’attenzione ‘e Amleto. Noi, intanto, ce ‘nnaccuvammo int’ ‘a scurìa d’ ‘o vico. (Arriva Amleto) ‘O vi’ lloco, sta arrivann’. Annaccuvàmmoce!

(Amelia va avanti e indietro fingendo di leggere un libricino.)

AMLETO Bella guaglio’, si stai preànno, fa’ cocche preghiera pure pe’ me che àggio bisogno. Tengo tant’ ‘e chilli peccat’ ca ‘o riavolo in persona se fa ‘a croce quanno me ‘ncontra.

AMELIA Comme stai, Amle’, te vec’ nu poco strano.

AMLETO Stongo buono, stongo buono, nun te preoccupa’.

AMELIA Tengo ccà tutti i regali ca m’ ‘e fatto. Te l’aveva turna’ addereto già paricchi’ tiempo fa.

AMLETO ‘A capa nun è bona! Io nun t’àggio mai regalato niente!

AMELIA Nun fa’ ‘o fesso, Amle’, ca t’arricuordi troppo buono quanno e addo’ me le ha’ dati. Te si’ scurdato pure tutte ‘e parole ca me diciv’ ogni vota ca me faciv’ uno ‘e ‘sti regali? Mo’ nun tènino chiù valore visto che, si tu fai ‘o gnorri, io nun ‘e pozzo tene’ pecchè so’ troppo onesta pe’ cunserva’ cose ca nun m’appartengono. Tie’, teccatélli tutti ‘sti brillòcchi.

AMLETO Tu sei onesta? E si’ pure ‘na bella fémmena? Ma ‘o sai ca tutte e doje e cose nun ponno sta’ insieme. Nun ‘e à rimane’ sola co’ ‘a bellezza toja.

AMELIA Pecchè, secondo te, ‘a bellezza nun se po’ accompagna’ co’ l’onestà?

AMLETO Secondo me, no!... Ame’, io t’àggio amata, e tanto.

AMELIA Certo, e io m’ ‘o credevo.

AMLETO E allora si’ ‘na cretina ca t’ha creduto ca io ero pazzo pe’ te. T’àggio fatto fessa. Nun t’àggio mai amato. Addo’ sta chillu fetente ‘e pàtreto?

AMELIA Sta ‘a casa.

AMLETO Chiurill’ ‘a dinto, accussì po’ fa’ ‘o buffone sulo into ‘a casa soja. E, si tu te vulissi spusa’, te manno ‘na jastémma: si pure tu fussi ‘a fémmena chiù onesta ‘ncoppa ‘a faccia d’ ‘a Terra, nun te può salvà da tutte ‘e calunnie. E si ‘a scegliere ‘nu marito, pigliattéllo fesso, ca accussì nun vene mai a sape’ quanta ‘mbruogli sapiti fa vùje fémmene. Vùje siti fàuze, teniti ‘na faccia e ne mostrate n’ata. Ci’ arravugliàte, a nui poveri sciem’, perciò io so’ asciuto pazzo. Ricuordate, però: sarrai sempe cundannata, chesta è ‘o malaùrio ca te votto. Tie’! Io decido ca int’ a ‘stu quartiere nun s’àdda spusa’ chiù nisciuno. Tutti chilli già spusat’, meno uno, camparrànno, tutti ll’ati rimarrànno comme stanno.

PAOLONE Amleto è ‘mpazzuto, àdda esse’ guardato a vista. Nun àmma lassa’ ‘e pede.

CLAUDIO Tengo già ‘n’idea: ‘o mannàmm’ a Milano co’ ‘a scusa che àdda jì a purta’ nu regalo a certi amici miei. Po’ esse ca, cagnanno aria, rinsavìsce. ‘A pacciarìa ‘e nu guappo è assai chiù pericolosa ‘e chella d’ ‘a gente normale.

(Si abbassano tutte le luci. Un “occhio di bue” illumina Amleto che, rimasto solo, parla tra sé facendo delle considerazioni.)

AMLETO Campa’ o nun campa’, tutto ccà sta ‘o publéma.Si è meglio a suppurta’, senza sbattere ll’uocchi,‘e mazzate e ‘e frezzate ‘e ‘na ciorte ‘e mmerda,o piglia’ nùje ‘nu curtiell’ pe’ affronta’ ‘stu mare ‘e guaie, luttanno, atterra’ tutto ‘o male facènnola finita.Muri’, durmi’. Nient’ato.E, ‘int’ a ‘stu suonno, mette’ finea ‘stu dulore d’ ‘o core e a ‘e mille varràteche ‘nce arravògliano int’ ‘a natura ‘e ‘sta carne.Pecchè nun arriva’ a chesta conclusione?Muri’, durmi’, forse sunna’.È ccà ca vene ‘o dubbio:dint’ a chillu suonno ‘e morte,‘o pensier’ e’ quali suonn’ ponno veni’,quanno ce staccàmmo d’ammuìna d’ ‘a vita e da cheste quatt’ossa fràcete, è proprio chillu pensiér’ ca ce fa tremma’ e ce ferma.Ecco pecchè preferimm’ ‘e rimane’ int’ a ‘stu munn’ ‘e mmerdape’ accussì tantu tiempo.Ecco ‘a mutivazione ca dà ‘a sciagùra ‘na vita accussì longa.Sinnò, quale fosse ‘o mutivo pe’ sopportà ‘e frustate e l’ingiurie d’ ò tiempo,‘a viulenza de’ tiranni, ‘a bardanza de’ saputelli, ‘e ferite dell'ammore sciauràto,‘a longarìa da’ legge, ‘a prisunziòne de’ burocrati,‘e càvici ca ‘e justi e i quiètivann’ acchiappànn’ da’ l’infami e l’affronti ca ‘o merito pacienziùso àdda subi’ da chi nun vale niente,

si se putesse fa’ fini’ ‘sta sciorte cu’ nu semplice pugnale?Chi mai vulesse purta’ ‘e pis’pe’ chiagnere, suda’, jastumma’,sott’ ‘o carric’ ‘e ‘na vita ca ‘nce strure,si ‘a paura ‘e cocche cosa dopp’ ‘a morte,‘o munno scunusciut’ da ‘o quale nisciun’ viannànte torna adderet’,nun frenasse ‘a volontà,facènnoce affronta’ ‘e mali ca già supportammoa ll’ati ca manco canuscìmm’?È ‘a cuscienzia ‘e tutto chesto ca ce fa vigliacchi.E, accusì, ‘o culore stesso d’ ‘a risolutezz’,se ‘ntruvuléa cu’ ‘nu miserabile pensiero ca nun po’ arrepusa’,e accussì ‘e ‘mprese chiù fine,proprio pe’ chesto, cagniano ‘o curzo lloroe perdono pure ‘o nomme ‘e ‘mprese.

(È giorno, le luci sono alte. Claudio fa convocare Rosicann’ e Guidariello, amici d’infanzia di Amleto, per chiedere loro di tenere d’occhio Amleto.)

CLAUDIO Guagliù, vùje siti amici ‘e Amleto, sul’ a vùje pozzo cerca’ ‘nu favore. Avita spia’ pe’ capi’ che li passa p’ ‘a capa, pecchè fa ‘o squilibrato. Cercate ‘e capì che ‘ntenzioni tene, si fa ‘o pazzo o è pazzo ovèro.

ROSICANN’ (È un ragazzo servile. Ha lo sguardo torvo.) On Cla’, a voi non possiamo dire di no! Cià vedimm’ nuje!

GUIDARIELLO (È un ragazzo dall’aspetto poco affidabile. Ha lo sguardo rivolto sempre a terra. Si comporta in maniera piuttosto viscida.) On Cla’, sempe a dispusizione! Mo’ jammo e ve facimm’ sape’.

(Rosicann’ e Guidariello vanno a cercare Amleto scortati da Orazio e Marcellino.)

ROSICANN’ Ué, Amle’, ciao, comme stai?

GUIDARIELLO Amle’, ‘a quanto tiempo nun ce vedimmo. Che dici ‘e bello?

AMLETO Guagliù, e che surpresa! Nun sapit’ quanto me fa piacere ‘e ve vede’. Che ci facit’ int’ ‘a ‘sta galera?

GUIDARIELLO Ma quale galera, m’ ‘a chiami galera questa?

AMLETO ‘Stu quartiere è addeventato ‘na galera.

GUIDARIELLO A nùje nun ce pare proprio.

AMLETO Forse pe’ vùje no, ma pe’ me sì. ‘A stessa cosa po’ esse’ diversa a seconda ‘e chi ‘a penza. Pe’ me, ‘stu quartiere è ‘na galera.

ROSICANN’ Allora, ‘into a ogni paese d’ ‘o munn’ ‘nce ne sta una, nun te pare?

AMLETO ‘O sai ca tien’ ragione? Però chesta è ‘a peggio ‘e tutte quante.

ROSICANN’ Forse pecchè t’aspiett’ chi sa che cosa, forse pecchè tu pienz’ ca t’ammeretàss’ è essere chiù importante, visto ca tien’ ‘e qualità. Forse ‘stu quartiere è troppo peccerìllo pe’ te.

(Orazio e Marcellino osservano e ascoltano scambiandosi sguardi eloquenti che attestano il sospetto che Rosicann’ e Guidariello non siano proprio amici di Amleto.)

AMLETO Ma quando mai! Co’ ‘a fantasia ca tengo, putesse sta’ chiuso int’ a ‘no cuócchiolo ‘e noce e me sentesse ‘o rré dell’universo…si nun fosse ca me faccio brutti suonni.

GUIDARIELLO Io credo ca ‘e brutti suonni t’ ‘e fai pecchè si’ abbramàto. Pe’ te, che d’è l’ambizione? Secondo me è sulament’ ll’ombra ‘e ‘nu suònno.

AMLETO Ammucénne, guagliù, ca tanto io so’ ‘mpazzuto, nun arragiono chiù…e…vulesse sape’ ‘o vero motivo ca v’ha fatto venì int’ ‘o quartiere mio.

ROSICANN’ Pe’ te veni’ a truva’.

AMLETO Uh mamma! Allora v’àggia pure ringrazia’!.. O, pe’ caso, ma proprio pe’ caso, v’hanno mannat’? Vùje tenit’ ‘a faccia d’ ‘a buscìa. ‘O tenit’ scritto ‘n fronte ca me state dicenn’ ‘nu sacc’ ‘e strunzate. Chillu grand’ommo ‘e ziem’ Claudio e la sua degna moglie v’hanno spedito ccà pe’ me cuntrulla’, comme se io fosse ‘o pazzariéllo d’ ‘a festa. Dicit’ ‘a verità. Parlat’, primma ca me saglie ‘o sang’ ‘n capo.

GUIDARIELLO Sì, è ‘o vero, ci’ hanno mannàto.

(Orazio e Marcellino fanno dei cenni di intesa come per dire: “Te l’avevo detto io che c’era qualcosa che non quadrava!”)

AMLETO Era ora ca ve decidivev’! Guidarie’, Rosicann’, siti dùje chiòchiri. Ma ve pensassev’ ca so’ fesso? Forse so’ pazzo, ma fesso no. Comunque, mo’ ve levo io ‘a curiosità ‘e sape’ chello ca è succiéso, accussì nun ponno dìcere ch’avita parlato vuje. Nun ve faccio fa’ ‘a figura de’ spergiuri. Parlo sul’ io.È ‘nu poc’ ‘e tiempo ca me sento in depressione. Vulesse quasi jì addo’ ‘o pissicologo ma nun teng’ ‘e sord. Tutto chello ca prima me faceva felice (Amelia, ‘o Karate, ‘nu bello piatto ‘e lasagne ‘mbettonate, ‘o cielo, ‘o mare, ‘e canzon’ ‘e ‘sta città,…’e sfugliatell’) nun me fa chiù effetto. Me pare ca è carùt’ tutte cose ‘int’ ‘a mmunnezza. L’omm’ è n’essere perfetto, chest’ è sicuro: è ‘nu capolavoro. Tene l’intelligenza, sape fa’ tante cose, ‘o fisico è bello e ‘o cerviello è quasi comm’ a chill’ d’ ‘o Pataterno. Sta mmiezz’ all’universo, è ‘o meglio ‘e tutti l’animali ma, ‘a fine, è tutto ‘nu piezz’… ‘e fango.No, l’ommo nun m’attira proprio! (Guidariello ride) Che me ridi? Che ha’ capito? Manco ‘a fémmena m’attira, pure se tu vulissi sfòtte’ co’ chella risata scema.

ROSICANN’ Nu’ stevo pensanno niente ‘e male.

AMLETO E allora pecchè te si’ miss’ a ridere? T’ ‘o ripeto: l’ommo nun m’attira.

ROSICANN’ E allora nun te ne ‘a ‘mpurta’ manco d’ ‘o puparo ca sta arrivanno.

AMLETO (Ride rivolgendosi al burattinaio) Bona jurnata, me fa piacere ca siti venut’ int’ a ‘stu quartiere. Dio ‘o sape se è necessario ‘e ce fa’ doje risate. Venit’, venit’.

(Claudio, Giltruta e Paolone accorrono per capire chi sta arrivando e scoppiano in una risata quando vedono il puparo che arriva, insieme ad Amleto, con una carretta in cui vi sono le tavole che servono per costruire il teatrino dentro il quale far muovere le sue marionette. È una persona magra, di una certa età, leggermente trasandata che, però, trasuda allegria.)

PUPARO Ringrazio Amleto, ca è ‘o capo ‘e ‘stu quartiere e ca m’ha ‘nvitato. Buona jurnata a tutt’ quant’!

AMLETO (Rivolto a Paolone) Trattammèllo buono a ‘stu signore pecchè, t’assicuro, è meglio a vede’ scritta ‘na brutta cundanna ‘ncoppa a lapide quanno si’ muorto, ca esse’ sbeffeggiati da uno ‘e chisti quanno si’ ancora vivo.

PAOLONE Puo’ sta’ sicuro ca ‘o tratto comm’ s’ammèreta.

AMLETO No, tu ‘e ‘a tratta’ ancora meglio. Comme si fosse ‘nu parente. Si tutti fossero trattati comme s’ammeretànno, paricchi (Guarda verso lo zio Claudio e la madre) fenéssero co’ ‘nu curtiello ‘mpanza! Fallo trase, ca chiù tardi ce divertimmo a vede’ ‘o spettacolo. (Rivolto a Guidariello e Rosicann’) Avit’ fatto buono a veni’, pure se Claudio e mammà se sbagliano: è vero ca so’ pazz’ ma sulo da sud a sud est. Infatti, quann’ votta ‘o viento da nord, saccio fa’ ‘a distinzione tra ‘nu falco e ‘na colomba.

(Guidariello e Rosicann’ si allontanano sbigottiti e vanno verso Claudio, Amleto si apparta e riflette tra sé.)

AMLETO ‘A capa nun è bona! Song’ ‘nu vigliaccone. Si fosse ‘nu guappo buono, tutt’ ‘e zoccole ca stanno dint’ ‘e fogne ‘e ‘sta città se fossero già ‘ngrassate cu’ ‘e stentine ‘e chillu chiaveco ‘e zio Claudio, pecchè io l’avesse squartato co’ ‘nu curtiello a chillu preputent’ assassino. (Grida improperi contro lo zio, anche sapendo che nessuno lo ascolta.)Curnut’, lutammàr’, ‘nzivuso, papusciàr’, fiete ‘e ommo, recchia ‘e càntero scassato, strazza–vràche, figlio ‘e ‘na puntunèra. Vendetta!... (Si acquieta e ragiona più pacatamente) Ma quanto so’ fesso: invece ‘e sta’ a sentere a bonànema ‘e mio padre, me saccio sulo sgrava’ ‘a cuscienza cu’ ‘e parole. Ma so’ proprio ‘no ciùccio! (Si prende a schiaffi) me mett’ allucca’ comm’ a ‘na vasciajòla, comm’ a ‘na zuccannòglia ‘e taverna. M’aggia mettere sulo scuorno!

(Da un angolo del vicolo arriva la voce del puparo che deve montare il suo teatrino. Ad Amleto viene un’idea.)

PUPARO Signuri cari, signore amabilissime, sto preparànn’ ‘nu spettacolo ch’ avit’ rimane’ co’ ‘a vocca aperta. Stasera ve faccio arricria’.

AMLETO (Riflette tra sé) ‘Nu mument’, io saccio ca ‘nu delinquente, sentendo recita’ buono, s’è accussì ‘mbambalùto e ‘mpaurito, da confessa’ tutte ‘e malefatte. Quasi quasi, scrivo ‘a storia ‘e comme zio Claudio ha ‘ccis’ a papà e ‘a faccio recità da ‘e marionette. Sulo accussì pozzo capi’ si è stato veramente chillu chiàveco a’ ‘ccidere a papà. Nun me fido ‘e ‘nu fantasma ca po’ essere qualsiasi cosa e me po’ ‘nganna’. Si vedo ca zizìo se scanta, allora saccio io ch’ àggia fa’. Sulo cu’ ‘stu spettacolo riesco a ‘fferrà chello ca tene ‘ncoppa ‘a cuscienzia zio Claudio ‘o guappo.

SECONDO ATTO

(Siamo all’imbrunire. Il teatrino delle marionette è pronto e Amleto dà le ultime istruzioni al puparo, poi chiama l’amico fidato Orazio.

AMLETO (Rivolto ad Orazio) Ora’, tu guarda ‘n faccia a Claudio ment’ ‘o puparo dice tutto chello ca io ll’àggio suggerito. Si nun scanta quanno arriva ‘a parte e l’omicidio, allora vo’ dicere ca m’àggio sunnato tutte cose e ca ‘o fantasma era sulo ‘na pazzarìa d’ ‘a mente.

PAOLONE (Presentando il puparo) Chisto è ‘o meglio puparo ‘e Napul’. Mo’ ‘nce divertìmmo a senti’ tutto chello ca fa dìcere ‘e marionette. Tanto po’ essere ‘na cosa tragica, tanto po’ essere ‘na cosa comica, o tragicomica, o storica, o comico-drammatica. Boh! Stamm’ a sent’… e che ne vène vène.

AMLETO Paolo’, ma venissi da ‘o Sancarlino.

PAOLONE È, ha ‘nduvinato. Io facevo l’attore proprio là e, se ‘o vuo’ sape’, ero pure bravo! Àggio fatt’ ‘a parte ‘e Giulio Cesare. M’accirèttero int’ ‘o Campidoglio, Bruto cu’ tutti ll’ati congiuràt’.

AMLETO (Tra sé) E sulo Bruto puteva schiaffa’ ‘na curtellata int’ ‘a panza ‘e ‘stu piécoro!

CLAUDIO Amletu’, a zio, comm’ stai?

AMLETO Uh! ‘Na meraviglia! Àggio fatto ‘a dieta d’ ‘o camaleonte: mangio aria fritta cunzata cu ‘e prumesse.

GILTRUTA Amletu’, vieni qua, a mammà, assiéttet’ vicino a me.

AMLETO ‘A capa nun è bona! E che so’ fatto ‘nu criatùro? Jì tengo a ‘sta fémmena accussì bella. (Si dirige verso Amelia) Permitt’ ca me metto ‘nzina a essa? (Si rivolge ad Amelia) T’ ‘o pozzo mettere ‘nzina..?

AMELIA Ma che dici?

AMLETO …‘Stu capucchione biondo ca tengo. Ma pecché, tu che avevi capito? (Si inginocchia poggiando la testa sulle gambe di Amelia) Ja’, famm’ o mettere ‘nzina a te.

AMELIA ( È imbarazzata) Comme vuo’ tu, Amle’.

AMLETO Che t’ eri penzata, dici ‘a verità. Forse, te si’ penzata ca vulevo fa’ ‘o puorco cu’ te?

AMELIA No, no! Nun àggio penzato proprio niente.

AMLETO Cuccàrse ‘nzina a ‘na bella guagliona nun è ca me dispiacésse.

AMELIA Stai in vena ‘e dice’ strunzate? Vo’ dìcere ca stai buono e chesto me fa piacere.

AMLETO Guarda, chiuttosto, comme ride mia madre e ‘o marito è muorto appena doje ore fa.

AMELIA Guarda ca so’ almeno dùje misi.

AMLETO Già è passato tutto ‘stu tiempo e io m’ ‘o ricordo ancora? Allora ‘nce sta ‘a speranza ca ‘a memoria ‘e ‘nu grand’ommo resiste almeno sei misi. (Mentre sta per cominciare lo spettacolo, si rivolge di nuovo ad Amelia) Pecchè nun te chiuri ‘mmiezz’ ‘e monache? Vatténne int’ a ‘nu cunvent’, accussì nun te mitti a procrea’ comm’ a ‘nu cùccio. Io paro ‘nu bravo guaglione ma tengo chiù peccati io ‘e tutt’ ‘e mariuoli ca stanno int’ a ‘sta città. So’ buono sulo a fa’ casino, song’ superbo, stizzus’, vendicativo. Chilli comm’ a me fanno ‘na cosa sola: striscia’ comm’ a ‘nu verme. Nun ‘e ‘a credere mai a nisciuno!

PUPARO Signori e signore, inizia la rappresentazione. Buona serata a tutti! (Sparisce dietro il teatrino)

AMLETO E chest’ è tutto? Già è fernut’ ‘o spettacolo?

GILTRUTA (Divertita e ironica) Infatti, è stato breve.

AMLETO Comme l’ammore ‘e ‘na fémmena!

(Si apre il siparietto del teatrino e appaiono un pupazzo vestito come Aitano ‘o Bersagliere e un altro vestito come Giltruta. Si sente la voce del puparo che recita tutte le parti cambiando solo la tonalità della voce). PUPAZZO AITANO ‘O BERSAGLIERE Song’ chiù ‘e trent’anni ca t’àggio spusato e te voglio ancora bene.

PUPAZZO GILTRUTA Sperammo ca dura ‘o chiù tiempo possibile.

PUPAZZO AITANO ‘O BERSAGLIERE Teso’, mi sa ca t’àggia abbanduna’ primma d’ ‘o tiempo. Me sento ‘nu poco strano. Saranno state ‘e cozze ca m’àggio mangiato, ma me sento ‘a panza ‘nturcinata e ‘e forze me stanno lassann’. Tanto, tu te truov’ subito n’ato marito chiù bello e giovane ‘e me.

PUPAZZO GILTRUTA Ma che stai dicenn’. Sarebbe ‘nu tradimento ‘e ‘na fémmena vigliacca. Maledetta chella fémmena ca s’ammaritavo ‘n’ ata vota. Chi tene ‘o secondo marito, vole dicere ch’ accirivo ‘o primmo.

AMLETO (Osservando intensamente lo zio Claudio che appare a disagio) Cuscienzia, spertòsac’ ‘o cerviello comm’ a ‘nu tarlo.

PUPAZZO AITANO ‘O BERSAGLIERE Mo’ dici accussì ma, lassa ca me ne moro, e poi m’ ‘o sai a dìcere. Intanto famme stènnere ‘nu pucarìllo.

PUPAZZO GILTRUTA ‘O Cielo m’àdda saetta’ si me sposo n’ata vota!

AMLETO Mammà, che te ne pare ‘e sta rappresentazione?

GILTRUTA Secondo me, chella fémmena fa troppe prumésse.

AMLETO Però essa ‘e mantene ‘e prumésse!

CLAUDIO Ma pecchè, sai già ‘stu spettacolo comme va a fini’? Secondo me, rivela’ ‘o finale è n’offesa pe’ chi l’ àdda sentere.

AMLETO Ma quale offesa! Chillo dice accussì pe’ pazzia’. Fa sulo finta.

CLAUDIO E ‘o titolo qual è?

AMLETO “O mastrillo pe’ ‘e surec’ ”. Se tratta ‘e n’omicidio ma a nùje che ce ne ‘mporta. Nuje…tenimm’ ‘a cuscienzia pulita.

PUPAZZO CLAUDIO (Tiene in una mano un piatto di cozze). Cu’ cheste t’àggio avvelenato e mo’ me sposo pure a mugliereta. Tie’!

(Claudio comincia ad agitarsi visibilmente.)

GILTRUTA Claudiù, ma che tieni, ‘a taràntola?

(Claudio si alza di scatto cominciando a barcollare mentre cerca di far apparire che è tutto a posto. Accenna una risata che, però, gli muore in gola.)

CLAUDIO Marònna mia! Io nun veco chiù niente. Appicciat’ ‘e luci, me sento male.

PAOLONE Fermate ‘stu teatrino, pe’ carità, ‘on Claudio nun se sente buono.

AMLETO (Rivolto a Claudio) Comm’è? T’ ‘e mis’ appaura? Ha’ visto ‘o mammòne? Guardame ‘n faccia: mo’ ‘o puo’ capi’ ca me sento comm’ a ‘nu cervo ferito.

(Claudio scappa via in preda al panico mentre Amleto corre ad abbracciare il puparo e a fare festa con lui e poi afferra Orazio per un braccio.)

AMLETO Ha’ visto pure tu? Mo’ simmo sicuri ca ‘o fantasma diceva ‘a verità, si’ d’accordo cu’ me?

ORAZIO P’ ‘a miseria, certo c’ àggio visto: ziìto Claudio teneva ‘na faccia sbandata quann’ ha visto ‘e cumparì ‘a marionetta co’ ‘o piatto ‘e cozze ‘mmano.

AMLETO (Corre verso Amelia) Nun credere a nisciun’ ommo, simmo tutti ‘nfamuni. Vatténne cu’ ‘e monache, scappa, vatténne int’ a còcche cunvento, (Amleto bacia Amelia) statte bbona!

(Amelia rimane sconvolta e piange.)

GUIDARIELLO Famme dicere ‘na parola.

AMLETO ‘Na parola? Pe’ me, puo’ recita’ ‘nu rumanzo sanu san’.

GUIDARIELLO Ziìto Claudio ‘sta tutto stralunat’.

AMLETO Pe’ mezzo d’ ‘o vino?

GUIDARIELLO No, pe ‘a collera.

AMLETO E allora, pecchè nun parli co ‘o miédeco?

ROSICANN’ Ma pecchè nun fai ‘nu poco ‘a persona seria? Arrispùnnic’!

AMLETO Io nun v’ ‘a rongo, manco si vene ‘a missione!

ROSICANN’ Ma ‘a che?

AMLETO ‘Na risposta certa e abbasàta: me manca ‘o cerviello ‘ncapo pe v’ ‘a da’.

GUIDARIELLO Amle’, màmmata ci’ha mannato addò te.

AMLETO E che v’àggia dicere: benvenuti!

ROSICANN’ Màmmata è chìna ‘e meraviglia pe’ comme te cumpuort’.

AMLETO Che figlio strabiliante ca fa’ stupi’ ‘a mamma!

ROSICANN’ Amle’, ma pe’ quale motivo si’ accussì amareggiato? Tu ‘nsierr’ ‘a porta ‘a serenità toja si nun parli cu’ l’amici. Màmmata te vole parla’. Ha ditto ca t’aspetta dint’ ‘o gabinetto.

AMLETO ‘A capa nun è bona! Sta ‘int’ ‘o gabinetto e me vole parla’? Che tene ‘e ‘nturcinamienti ‘e panza? Ralle ‘na purga e po’ discutimmo.

GUIDARIELLO Nun dicere fessarìe. Fa ‘o serio! Màmmeta sta ‘int’ ‘o studio suo.

AMLETO ‘O studio? Ma qua’ studio ca chella a stient’ a stient’ ha fatt’ ‘a quinta elementare!

ROSICANN’ Amle’, tua madre t’aspetta dint’ ‘o stanzino addo’ tene ‘o tavolino pe’ còsere.

AMLETO E tu ‘o chiami gabinetto, studio…io che ne saccio. (Prende un flauto di legno che è rimasto a terra quando è andato via il puparo.) Guidarie’, vuo’ suna’ ‘stu piffero?

GUIDARIELLO Io nun saccio suna’.

AMLETO Che ce vole, è facile, comm’ è facile a fa’ ‘nu spergiuro.

GUIDARIELLO Ma io nun so’ capace.

(Amleto si scaglia furioso contro Guidariello.)

AMLETO Tu, allora, nun tieni proprio cunsiderazione ‘e me. Tu vuliss’ sape’ tutte ‘e cose mie, tutti ‘e misteri ca tengo ‘nchiusi ‘int’ ‘o core, me vuliss’ suna’ a me comm’ si sunassi ‘stu piffero. Ma te piens’ ca è chiu facile a suna’ a me ca ‘stu flauto? Io putess’ essere qualunque strumento ma tu nun me può mai suna’.E mo’, lassatimménne jì addo’ mammà. Vado nel gabinetto. (Parla tra sé) Chesta è l’ora ca ‘e campusant’ sciòscian’ tutt’ ‘e ciàt’ ‘e l’inferno. Però, àggia mantènere ‘a calma, àggia jì addo’ mammà e nun vogl’ èsse’ cattivo cu’ essa, nun m’ ‘a sento, pecchè ‘o core mio nun è crudele. Ll’ àggia sulo appaurà ma nun l’àggia mai pugnala’.

(Amleto si dirige nel basso che si intravede in profondità rispetto al vicolo, dove lo attende la madre. Il locale è illuminato da una lampada dalla luce calda. Il prospetto è tutto aperto verso la scena. Su un lato della stanza, si nota una tenda fatta con tessuto piuttosto pesante. C’è una sedia, su cui siede Giltruta, e un piccolo tavolo da lavoro.)

PAOLONE (Parla con Claudio) Amleto sta jenn’ addo’ ‘a mamma. Io m’ annaccòvo adderèto ‘a tenda pe’ sentere tutto chello ca dìceno e po’ v’ ‘o porto a dicere.

CLAUDIO Va buono Paolo’, sì sempe n’amico.

PAOLONE A disposizione, ‘on Cla’. Vuje ‘o sapit’ ca ve porto rispetto!

(In un altro locale, di lato alla stanza in cui Giltruta aspetta il figlio, c’è una mensola con un crocifisso e uno sgabello basso con cuscino.)

CLAUDIO (Parla tra sé, inginocchiato sullo sgabello davanti al crocifisso.) ‘O delitto ca’ àggio fatto è ‘o chiu ‘nfame ca ce po’ sta. Àggio acciso a fràtem’, nisciuna punizione sarà mai chella giusta. L’anima mia è nera comm’ ‘o petrolio e sarà dannata pe’ sempe. Marònna mia, e che àggio fatto! Comme pozzo turna’ addereto o espia’ ‘sta ignobile colpa?

AMLETO (Nascosto dietro la parete della stanza ascolta il pentimento dello zio e riflette) Mo’ ll’àggia accidere cu’ stu pugnale. Mo’ è l’occasiona bona pe’ vendica’ ‘a morte e papà. Però…nu mument’. Si l’accìdo mentre sta preànno, ‘o faccio jì ‘mparavìso e accussì li faccio pure ‘no piacere invece d’ ‘o fa’ danna’ into ‘o fuoco mmiezz’ ‘e diavul’ comm’ a isso. Se mai l’ àggia fa’ fore, àdda succedere mente sta cummettènno cocche peccato grave, allora àggia pugnala’. Mo’ faccio ‘na cosa, vado prima addò mammà.

(Paolone si nasconde dietro la tenda della stanza dove Giltruta aspetta Amleto.)

AMLETO Mammà sto qua, che me vuo’ dicere?

GILTRUTA (Arrabbiata) Amle’, poco fa, hai offeso a ziìto Claudio.

AMLETO Pure vùje avit’ offeso a mio padre.

GILTRUTA Cerca ‘e capì, e che diavol’!

AMLETO (Calmo) Pure tu, mammà, ‘e ‘a cerca’ ‘e capì a me!

GILTRUTA Ma o che vaje truvànno?

AMLETO Che vaje truvànno tu, chiuttosto!

GILTRUTA Ma te si’ scurdato chi song’ io’?

AMLETO Pe’ niente. Tu sì ‘a guappessa ‘e ‘stu quartiere, mogliera d’ ‘o frate e maritet’ e, pe’ disgrazia mia, me si’ mamma. ‘Nu shifo ‘e mamma!

(Vola uno schiaffo di Giltruta che colpisce il viso di Amleto.)

GILTRUTA ‘O trovo io coccherùn’ ca te po’ parla’ comme si deve. (Si avvia per uscire)

AMLETO (Urlando) Statte ferma lloco, nun te movere, p’ ‘a miseria! Tu nun te ne vai ‘a ccà fino a quanno nun te sarrài specchiata e arrài visto quanto fai schifo.

(Afferra la madre per le braccia e la strattona)

GILTRUTA Me vuliss’ accidere mo’? Che te vene pe’ capo? (Gridando) Mamma mia, aiutatem’!

PAOLONE (Dal suo nascondiglio) Nooo! Aiuto!

AMLETO Ce sta cocche zoccola addereto ‘a tenda? Mo’ provvedo io. (Sferra una pugnalata senza guardare dove coglie. Si sente un urlo selvaggio mentre scorre del sangue sul pavimento) Ecco qua, ammo fatto ‘stu zoccolicìdio. Mo’ putimm’ parla’ cu’ calma.

GILTRUTA Ma che ha’ cumbinato, tutto chillu sango chi ‘o leva mo’. Avev’ appena finito ‘e passa’ a cera e mo’ àggia accummenza’ daccapo. E nun tengo manco ‘nu poco ‘e varrechina pe’ smacchia’.

AMLETO (Come se niente fosse) Io? Che àggio cumbinato? Niente. Pecchè, te preoccupi ca putev’ esse Claudiuccio tuo? Vedimmo chi ‘nce sta là ‘dderèto.

(Paolone rotola sul pavimento con il sangue che cola in abbondanza)

GILTRUTA Che omicidio! Ma che pacciarìa è chesta?

AMLETO È ‘a stessa pacciarìa ‘e chi ha ‘cciso ‘nu marito pe’ se spusa’ ‘o frate.

GILTRUTA Accidere ‘nu marito? Ma che stai dicenn’?

AMLETO Esattamente chello che àggio ditto! (Guardando Paolone) Povero scemo! Che grande ‘ntrucchiéro! T’avevo scagnato pe’ n’ato chiù gruosso ‘e te ma va buono accussì: ‘nu spione ‘e meno ‘ncoppa ‘a faccia d’ ‘a Terra! Me dispiace, t’è juta malamente. Pe’ ‘mpizza’ ‘o naso int’ ‘e cose ca nun te riguardano ‘e ‘cchiappato tu chello ca era destinato a ziìmo. Puveriéllo! Me fai quasi pena!(Rivolto alla madre) E mo’ vieni ccà, ca t’àggia spiega’ paricchi’ ccose ca t’anna fa’ arrevuta’ ‘e stentine pe’ cuorpo e t’anna sfrantumma’ ‘o core, sempe si nun è addeventato tuosto comm’ a ‘na preta.

GILTRUTA Ma che àggio fatto ‘e male pe t’arrevutà contro a me ‘e chesta manèra?

AMLETO Ha’ fatto ‘na cosa ca manco ‘a chiù lurida d’ ‘e puntunèr’ avesse potuto mai fa’. Ha’ tradito ‘e giuramenti c’aviv’ fatto a papà ‘ncopp’ altare. Si’ ‘na spergiura!(Prende due foto del padre e dello zio e le mostra alla madre) Guarda ‘e foto ‘e ‘sti dùje frati. Guarda chella ‘e papà, guarda comm’era bello e onesto. Faceva ‘o guappo pe’ difendere ‘a povera gente d’ ‘o quartiere, se levava ‘e sord’ a dint’ ‘e sacche pe’ ‘e da’ a chi teneva bisogno. Ha levato ‘a miezz’ a ‘stu rione tutta ‘a delinquenza. Teneva ‘o core ‘e ‘nu re! Me vuleva bene e m’ha cresciuto co tutto l’ammore e l’onestà.

‘O Pataterno l’aveva dato tutte ‘e qualità ‘e ‘nu vero ommo. E guarda, invece, mo’ a chi t’ ha spusato, guarda che ‘nzivat’ ‘e ommo, che cacatùr’, che latrina! Da coppa a ‘nu trono si’ caduta, longa longa, int’ a ‘na chjàvica. (Urlando) Comm’ ‘ha potuto fa’ l’ammore cu’ n’omm’ accussì lurido quanno tenivi annanzi a chillu signore?

GILTRUTA Nun me dicere chiù niente! Basta! Si’ riuscito a me fa senti’ ‘na mmunnézza!

(Entra lo spettro di Aitano ‘o Bersagliere. Amleto lo vede ed è turbato. Si fa il segno della croce)

AMLETO Gesù, Giuseppe, Sant’Anna e Maria! ‘O che buò ‘a me? Si’ venuto a me rimprovera’ pecchè ce metto troppo tiempo a te fa’ giustizia?

SPETTRO DI AITANO ‘O BERSAGLIERE Nun te scurda’ chello ca m’ha promìss’. Guarda a màmmeta, falla arraggiuna’. Mo’ è ‘o mumènt’ ‘e parla’!

AMLETO Mammà, comme te sienti?

GILTRUTA E tu comme stai? Pare ca stai vedenn’ quaccosa ca io nun beco. Parli tu sulo, che te sta succerenn’? Famme capi’ pure a me: o che stai vedenno?

AMLETO Ma pecchè, nun ‘o vid’? Nun ha’ sentut’ niente?

GILTRUTA None, nun beco e nun sento niente a fore a te ca sturdìi.

AMLETO Guarda, guarda là, se ne sta jenno! È papà co’ ‘e vestiti ‘e quann’ era vivo.

GILTRUTA Ma che te si’ fumato? T’ ‘e bevuto coccòsa? Tu stai sbariànno comm’ se t’avissi ‘mbriacato.

AMLETO None! Tu me ‘a credere. Nun sto ‘mbriaco. È tutto vero, io vedo e sento a papà.Nun te può scarica’ ‘a cuscienzia pensanno ca io so’ pazzo e nò’ ca sì tu che ha fatto ‘n’ azione ‘nfame. Cunfessa tutt’ ‘e peccat, pientit’ ‘e tutto ‘o male ca ha fatto e, soprattutto, nun continua’ a jetta’ letame ‘ncoppa e bordéghe ca chelle se fanno ancora chiù puzzolenti.

GILTRUTA Amle’, m’ e spaccato ‘o core, figlio mio!

AMLETO E allora nun peggiora’ ‘a situazione. Cerca ‘e recupera’ ‘nu poco ‘e dignità! Statte bona! Fatte ‘nu bello suonno e, quanno te vai a fa’ benedìcere, allora puo’ benedìcere pure tu a me!Pe’ chello ca riguarda ‘stu pover’ ommo, me ne pento ca l’ àggio accis’. E stato ‘o Patatern’ ch’ ha usato a me p’ ‘o puni’ e a isso pe’ puni’ a me.M’ ‘o porto cu’ me e, si àggia esse cundannàto, nun ce stanno pobblemi. Sto ccà! Bona notte! Àggia esse’ crudele pe’ pietà, accussì ‘o male accummenza e ‘o peggio àdda ancora veni’.

GILTRUTA E mo’ io che àggia fa?

AMLETO Nun ‘e a fa’ proprio niente. Anzi, nun te fa’ babbia’ da chillu ‘nzivus’ cu’ chelle quatto mosse ca te fa. Nun rivela’ ca io nun so’ pazzo, ca faccio ‘o pazzo sulo pe’ finziòna. Nun te fa scappa’ niente.

GILTRUTA Ne puo’ sta’ certo! Si ‘e parole so’ fatte ‘e ciato, e ‘o ciato è fatt’ ‘e vita, io nun tengo vita pe da’ ciato a chello che ha dìtto.

AMLETO Mammà, mo’ te dico veramente “santa nuttata”! Statte bona. (Amleto trascina il corpo di Paolone. Si rivolge al corpo esanime) Mo’ sì ca ‘stu cunzigliere se po’ fa’ ‘e fatti suoj. E quanto pesa! È strano ‘stu fatto: quann’era vivo babbiàva cu’ ‘na leggerezza e mo’ pesa e chesta manera!

(Amleto va via ed arriva Claudio che, dalla sua stanza, attraverso una porta, entra in quella dov’è Giltruta)

CLAUDIO Giltru’, addo sta Amleto?

GILTRUTA Marònna mia, e che è succiéso! Amleto è ‘mpazzùto, è ‘mpazzùto overo! Nun ragiona chiù. Sapiss’ che ha cumbinato. Int’ a ‘nu mumento ‘e pacciarìa ha ‘cciso a Paolone ca s’era annascùso adderet’ ‘a tenda.

CLAUDIO Mannaggia ‘a marina, putev’ acchiappa’ io a’ ‘o posto sujo.(Corre fuori a cercare qualcuno che fermi Amleto) Currit’, currit’, Amleto è ‘mpazzùto: Ha ‘cciso a Paolone. S’àdda truva’, e pure ‘e pressa.

ROSICANN’ Amle’, addò te si’ annascùs’?

GUIDARIELLO Amleto, jésc’, facce capi’ addo’ staje.

(Rosicann’ e Guidariello corrono a cercarlo.)

CLAUDIO Nun se trova né isso, né ‘o cadaver’ ‘e Paolone. Addò s’è annascùs’? Guagliu’, Amleto àdda esse’ punito ma senza esagera’, pecchè àmma da’ cunto a chi ‘o vo’ ancora bene. Ce stanno tanta fessi ca ‘o stimano ancora. (Rivolto a Guidariello e Rosicann’ che sopraggiungono) E mo’ ‘o che è succiéso?

GUIDARIELLO Àmmo truvat’ Amleto, però nun vole rivela’ addò ha annascùs’ ‘o cadaver’ ‘e Paolone.

CLAUDIO Ma isso addò sta?

(Amleto arriva buttando all’aria tutto ciò che trova sulla sua strada. È completamente fuori di testa.)

CLAUDIO Amle’, addò sta Paolone?

AMLETO A cena!

CLAUDIO A cena? Ma dove?

AMLETO Nò addò mangia, ma addò vene mangiato. Migliar’ ‘e viermi se stanno dann’ cunvegno ‘ncuollo a isso…e cu’ tanto gusto! Se stanno cunzulànn’! Pe’ loro ‘nu guappo chiatto o ‘nu pezzente sicco so’ sulo doje spaselle ‘e magna’ ma fanno parte d’ ‘o stesso pranzo.

CLAUDIO Mamma mia e ch’ hanna sèntere ‘sti recchie!

AMLETO ‘No sul’ ommo po’ pesca’ cu’ uno verme ca s’è magnat’ ‘o guappo e, po’, arròstere ‘o pesce ca s’è magnat’ a chillu verme.

CLAUDIO O che buo’ dicere cu’ chest’?

AMLETO Niente! Sulo ca ‘nu guappo ricco e ‘nzivuso po’ fa’ ‘nu viaggio ‘int’ ‘a panza ‘e ‘nu pezzente. (Ride)

CLAUDIO (Cerca di mantenere la calma. Scandisce le parole) Addò sta Paolone?

AMLETO Sta ‘n cielo. Manna l’amici tuoi a ‘o truva’ là. Si ‘e spiùni tuoi nun ‘o riescin’ a truva’, allora va’ tu stesso a t’ ‘o cerca’, però ‘int’ all’inferno. Se int’ a ‘nu mese nisciuno ‘o riesce a truva’ né ‘n cielo né all’inferno, puo’ sempe segui’ ‘a puzza ca se sprigiona ‘a copp’ ‘e scale ca stanno adderet’ ‘o vico.

CLAUDIO Jat’ a vede’ addò dice isso. Forse Paolone sta veramente ‘ncoppa ‘e scale d’ ‘o vico.

AMLETO Facit’ cu’ calma, tanto chillu nun se po’ movere.

CLAUDIO Sient’, Amle’, pe’ ‘na questione ‘e sicurezza, toja e nosta, t’àggia manna’ a fa’ ‘nu viaggio a Milano.

AMLETO A Milano?

CLAUDIO Sine, te vai ‘a fa ‘nu viaggetto a Milano. Te faccio accumpagna’ da Guidariello e Rosicann’ ca te fanno cumpagnia, accussì ve divertite nu pucarìllo.

AMLETO Buono, basta ca nun veco a Silviuccio Recchialonga, ca nun m’ ‘o fid’ ‘e sente.

CLAUDIO Va buono sulo si tu capisci ‘e mutivazioni che m’ hanno fatto capace ‘e te manna’ là.

AMLETO Sto vedenn’ l’angiulillo ca ‘e vede. Mammà, statte bona!

CLAUDIO Io te so’ padre.

AMLETO No, tu me si’ mamma. Padre e madre so’ ‘na sola cosa? Marit’ e mugliera so’ ‘na carne sola? Perciò tu me si’ mamma. Jammucenn’ a Milano.

CLAUDIO (Rivolto a Guidariello e Rosicann’) Àdda parti’ stasera stessa. Vùje ‘o cunsegnat’ a Silviuccio Recchialonga cu’ ‘na lettera ‘e raccummanazion’. Sape isso comme l’àdda fa’ fore. Se Silviuccio ce tene all’amicizia mia, nun àdda mette ostacoli a chello ca l’àggio scritto dint’ ‘a lettera. L’ àdda ‘ccidere cu’ ‘na cunferenz’ ‘e almeno cinc’ore. Cu’ ll’ultimo cumizio, ha fatto fore paricchi’ perzone: so’ morte schiattàte ‘ncuorpo p’ ‘o sfastìrio. Amleto nun ‘o po’ suffri’: doppo cinco minuti è stiso ‘nterra, stramuorto.

AMLETO Mammà, il tuo caro marito m’ha preparato ‘o piattino! ‘O sai ca me ne manna a Milano addò chillu fetente ‘e Silviuccio ‘a recchia. L’ha scritto ‘na lettera addò dice ca m’àdda accidere cu’ ‘nu discorso ‘e minimo cinc’ore. GILTRUTA ‘O saccio, Amle’, ‘o saccio! Tu, statt’ accuorto. Mittet’ ‘e tappi pe’ ‘e recchie.

AMLETO Mammà, chist’ è ‘nu cumplotto. Io, però, ‘nce faccio ‘na sorpresa ca se ll’ ‘anna ricurda’ pe’ tutto ‘o riesto d’ ‘a vita loro, anche se ‘a vita loro, t’ ‘o giuro, durerà ancora pe’ poco.Chilli dùje amici ca m’ha miss’ appriesso maritet’ so’ peggio d’ ‘e serpe velenose ma avranno ‘nu bello regalo! Ànna scoppa’ pe’ ll’aria co ‘e stessi trìchhi tràcchi ca avevano stipato pe’ me. M’àggia diverti’! Mammà, stai serena!

GILTRUTA Amle’, io ‘sta frase àggio già sentita a còcche parte e nun me cunzola pe’ niente! Nun fa’ fessarie, pe’ piacere. (Amleto parte scortato da Rosicann’ e Guidariello.)

(Amelia appare in scena trasandata, i capelli scomposti, scalza e con gli occhi spiritati. Ha l’aspetto di una pazza. Si avvicina a Marcellino che si trova a passare per strada.)

AMELIA Da comm’ me guardi, àggio capito ca vulissi sta cu’ me. Certo, chello ca puo’ ave’ da me, qual’ata fémmena t’ ‘o po’ da’? (Comincia ad accarezzare in maniera spudorata, quasi oscena, il ragazzo, avvinghiandosi a lui come se volesse fare l’amore).

(Marcellino è imbarazzato, non sa come reagire ma cerca di mantenere il sangue freddo)

AMELIA ‘E masculi comm’a te, appena ponno approfittà ‘e ‘na fémmena, fann’ ammore e ‘e fémmene chello vanno truvànn’. Tu m’è prummis’ ‘e me spusa’, e me rispettà quanno fosse addeventata tua moglie. Me dicist’: io t’avesse rispettato si nun fussi trasuta dint’ ‘o lietto cu’ me.

CLAUDIO Vien’ cu’ me, Amelia. Ja’, nun fa accussì.

GILTRUTA (Rivolgendosi a Orazio) Oramai, co’ chello ca tengo int’ a st’ anima malata chin’ ‘e peccati, ogni scemenza me pare ca se porta appriesso ‘na sciagura. Tutte ‘e colpe, sulo pe ‘a paura ‘e essere appuràte, èsceno fòre ‘a sole e se fanno scupri’.

AMELIA (Urlando e correndo) Addò ‘sta Giltruta, chella guappa? Addò sta chella bella fémmena ca cummànna ‘stu quartiere? Addò?

GILTRUTA Che vuo’, ne Ame’?

AMELIA A papà l’hanno ‘nfussato sotto a ‘na preta, senza esequie, senza ‘nu canto, senza manco ‘na Messa, senza versà ‘na lacrima, senza manco ‘nu sciòre. Accussì, comm’ a ‘na zénzola zuzzòsa. Chi ‘o sape si va a fini’ ‘mparaviso ‘o int’ all’inferno. ‘Na cosa è certa, ca ci’ ha lassat’ e nun turnarrà.

(Amelia inizia a giocare con il collo del vestito di Giltruta e la guarda con l’espressione sconvolta della sua ormai evidente follia. Giltruta piange, sgomenta, e corre tra le braccia di Claudio)

CLAUDIO ‘A quantu tiempo sta cumbinata ‘e chesta manera? (Girtruta fa cenno con la testa come per dire che non sa esattamente da quanto sia accaduto)

AMELIA (Pronuncia frasi sconnesse) ‘O pede ‘e ‘nzalata nun ha fatt’ ‘e vierm pecchè m’àggio magnat’ io. ‘O zucchero nun è buono pe’ ‘a ‘nzalata, ‘nce mettimm’ nu poc’ ‘e furmaggio. Guarda comm’è bella ‘a ‘nzalata fatta cu’ ‘e perucchi ca tieni ‘ncapo! Mangia, mangia!

CLAUDIO Comme te sient’, Ameliu’?

AMELIA Bona, bona, me sento bona. ‘A ciucciuvéttola era ‘o figlio ‘e ‘nu panittier’. Nun sape chi è e nun sape chi putess’ essere. Si vulìmm’ ca tutto va buono, avìmma ave’ pacienzia. (Scoppia in un pianto disperato) Comm’ se fa a nun chiagnere pensanno ca papà sta tumulato int’ a chella terra fredda. (Ride) Quann’ fràtem’ ‘o bene a sape’...! Vedit’, vedit’… (Rivolgendosi a Giltruta) Grazie assai pe’ tutt’ ‘e buoni cunzigli. (Rivolgendosi a Orazio) Vamm’ a piglia’ ‘nu motorino che àggia pàrtere. Spìcciat’ ca è tardi. Jammucénne.

CLAUDIO Pover’ Amelia! Tene ‘a capa ca nu’ le funziona chiù.

AMELIA Bona notte, bona notte, bona notte a tutti ‘sti signuri.

CLAUDIO Orazio, vall’appriesso e nun ‘a perdere ‘e vista.

AMELIA M’aviv’ promettut’ e me spusa’, e me rispetta’. Tu m’è ditt’ ca ‘o rispetto m’aviss’ dato sulo si nun fosse trasuta int’ ‘o lietto cu’ te.

CLAUDIO Mannaggia, ‘e sciaure nun arrivan’ mai sole.

ORAZIO Amelia, nun fa accussì, datte ‘na regulata. (Amelia scappa, rincorsa da Orazio)

(Arriva Laerte, tornato da Roma)

LAERTE Addo’ sta chillu guappo ‘e Claudio, addo’ sta? Mo’ li faccio vede’ io che li combino!

CLAUDIO Statte quieto, nun fa’ accussì.

LAERTE Faciteme sape’ addo sta pàtrem’ Paolone. Addò sta?

CLAUDIO (Titubante) È muorto!

LAERTE ‘On Cla’, nun me ne ‘mporta niente ca vuje sit’ ‘o capo ‘e ‘stu quartiere, io àggia vendica’ a pàtrem’, chello ca succède succède!

CLAUDIO Me pare justo ca tu vuo’ vendica’ a Paolone, però nun puo’ fa’ tutt’erba ‘nu fascio. Nun puo’ cundanna’ sia l’amici ca ‘e nemici. È accussì o no?

LAERTE Io voglio vendica’ sulo ‘e nemici!

CLAUDIO Mo’ sì ca parli buono. Lae’, si’ n’omm’ ‘e conseguenza! Io, nun sulo so’ innocente ma me faccio meraviglia ‘e comm’ è succieso tutto ‘o fatto. Perciò, sarò franco cu’ te!

LAERTE E chi è mo’ ‘stu Franco?

CLAUDIO Voglio dicere ca sarò sincero e te dico tutta ‘a verità ‘ncoppa ‘a morte ‘e pàtret’.

(Il colloquio si interrompe perché si sente piangere Amelia che continua a manifestare segni di squilibrio mentale.)

AMELIA (Si rivolge a Laerte porgendogli delle pietre) Tie’! Pigliate ‘sta rosamarìna, te serve pe ‘a memoria… e ccà ‘nce stanno ‘e panzé pe’ nun te scurda’ l’ammore mio. Me ne piglio quaccherùna pure io, accussì nun me scordo e te che m’hai amato. (Si avvicina a Giltruta) A te te rongo ‘nu garofal’ e ‘nu giglio bello janco. (Si rivolge a Claudio) A te, po’, te donco l’erba cipullina pe’ te fa’ chiàgnere. Ce ne sta ‘nu poco pure pe’ me. Se porta int’ ‘a chiesia ‘a dumméneca pe’ se fa’ perdona’ ‘e peccati. Tien’ pure ‘sta bella margherita. Te desse pure ‘nu mazzo ‘e viole ma se so’ ammusciate quann’ è muorto papà. Dicen’ ca ha fatto ‘na bella morte.

LAERTE San Gennaro mio, com’è possibile ca ‘sta fémmena è asciuta pazza da ‘nu juorno a n’ato?

(Amelia fugge di nuovo inseguita da Orazio. Laerte rimane per terminare il discorso che aveva iniziato con Claudio. Dopo un po’ Orazio ritorna correndo ed è sconvolto.)

ORAZIO Amelia s’è accisa, s’è bottat’ a mare. Che disgrazia ca è succiesa!‘A natura è stata mmiriosa d’ ‘a bellezza ‘e Amelia e ha cunvinta a se vuttà int’ a l’acqua co’ tutt’ ‘e sciùri ch’ aveva arrecugliùt’.Com’era bella, mentre cantava l’urdima canzone fino a quanno ‘e vestiti nun se so’ spunzati co’ l’acqua e l’hanno tirata abbàscio mmiezz’ a ll’onne. Puverella!

LAERTE E accussì, Amelia è affucata?

GILTRUTA Che disgrazia!

TERZO ATTO

(Un pannello con l’mmagine di Milano dove, sullo sfondo, si staglia la sagoma del Duomo copre le scene del rione di Napoli. Amleto, mentre i suoi compagni dormono accovacciati in un angolo, sostituisce la lettera che lo condanna, con un’altra identica che condanna Rosicann’ e Guidariello. Le luci sono basse perché è notte fonda.)

AMLETO (Legge la lettera che ha scritto lo zio Claudio, cercando di non fare troppo rumore) Meno male, so’ riuscito a piglia’ ‘o borsello ‘e Rosicann’ co’ ‘a lettera ch’ ha scritto zio Claudio. Fammélla leggere n’ata vota prima ca ‘a sostituisco. (Inizia la lettura sotto voce mentre Rosicann’ e Guidariello dormono) “Carissimo Silviuccio Recchialònga, ricordandoti i voti ca t’àggio procurato dai miei compaesani, mo’ song’ io ca t’aggia chiedere ‘nu favore: attacca Amletuccio, mio nipote, ‘ncoppa ‘a ‘na seggia e abbìa a parla’ pe’ almeno cinc’ore, tanto a te ‘o ciato nun te manca. Chillu, tu ‘o sai, nun te suppòrta, perciò io spero ca schiatta ‘ncuorpo e accussì pozzo finalmente sta’ quieto ‘na vota e pe’ sempe. Te saluto e te prometto ca ‘e prossime elezioni, te faccio ascì n’ata vota. Statte buono, e attiento ‘e gugliate ‘ncapo ca l’urdema vota ‘nce stiv’ appizzànno ‘e dienti! Ciao dal tuo caro amico Claudio da Napoli. Ps: Salutame ‘a Dudù.” (Parla tra sé mentre frega le mani con soddisfazione) Mò sostituisco ‘sta lettera cu chest’ ata, tanto, àggio imitato tale e quale ‘a scrittura ‘e zio Claudio. Chill’, Silviuccio nun se n’accorge. Famme legge’ ‘n’ata vota chello ca àggio scritto, è meglio cuntrulla’: “Carissimo Silviuccio Recchialònga, arrecuòrdate quanti voti t’àggio fatto piglia’ dinto Napoli ca manco te sapevano. Mo’ me ‘a fa’ ‘nu piacere: chisti dùje amici ca venin’ addu te insieme a Amletuccio, ca te vo’ bene assaje, so’ doje spie ‘e Matteuccio, chill’amico tuojo ‘e Firenze ca parla a schiovere e te fa fa’ sulo fiure ‘e mmerda. Attaccàlli ‘ncoppa a ‘na seggia, belli azzeccati azzeccati, e abbìa a parla’. Chilli hanno sempe juto dicenno ca nun te suppòrtano. Attacca ‘nu bello discorso ‘e diec’ore, po’ le fai fa’ pure ‘na passiàta addò “Angelino ‘o cùccio” ca cu doje parole babbe ‘e stuta ‘na vota e pe’ sempe. Te saluto e te prumetto ca pe’ ‘e prossime elezioni te faccio ave’ ‘e voti pure a Caserta, nun te da’ pensiero. Quanto si’ bello, Silviuccio mio, si fosse ‘na fémmena te zumpasse ‘ncuollo. Ciao da Napoli e, se nun te dispiace, regala cocche cosa ‘e sordi a mio nipote Amleto ca accussì se cunsola pe’ a morte d’ ‘o padre. Co’ tutti i miliardi ca tieni, trentamila euri pe’ Amleto nun te costano niente. Ce sentimm’ e ce vedimm’. L’amico tuo Claudio.

(Arrivano due uomini che prendono Rosicann’ e Guidariello e li legano a due sedie con le mani dietro la schiena e le gambe avvolte dallo spago. I due ragazzi non capiscono cosa stia succedendo quando, a un tratto, si sente una voce.)

VOCE DI SILVIO RECCHIALONGA Adesso, cari amici, vi faccio ascoltare tutto il repertorio dei miei comizi elettorali da venti anni ad oggi. State pure comodi e porgete orecchio alle mie parole. Ora, come allora, ho da dirvi mooolte cose.

(Quasi subito Rosicann’ e Guidariello stramazzano sfiniti, rimanendo abbandonati sulle sedie. Sembrano morti)

*********

(Sparisce il pannello con le immagini di Milano. Siamo di nuovo a Napoli nel rione della Sanità. È giorno pieno.)

AMLETO (Torna, di nascosto, nel rione. È in compagnia di Orazio. C’è un anziano marmista che sta preparando l’affissione di una lapide. Ha tutto l’occorrente e la lastra di marmo che è girata al rovescio.) Scusate, ma ‘e chi ‘è ‘sta lapide?

MARMISTA (Si ferma) È mia, pecchè?

AMLETO Volevo dire, pe’ qual’ommo ‘a stai ‘nchiuvanno ‘mpietto ‘o muro?

MARMISTA Nun è pe’ n’ommo.

AMLETO Allora, è pe’ ‘na fémmena?

MARMISTA None. Pe’ nisciùna fémmena.

AMLETO ‘A capa nun è bona! Io voglio sape’ a chi vene ‘ntitulata.

MARMISTA A una ca era ‘na fémmena ma mo’ nun ce sta chiù. È morta.

AMLETO Comm’ è sufisticat’ ‘stu fetente. A quantu tiempo fai ‘o marmista?

MARMISTA Da ‘o juorno stesso ca è nato Amleto ‘o pazzo, ca mo’ è partuto pe’ Milano.

AMLETO E pecchè è partuto pe’ Milano?

MARMISTA Pecchè era pazzo. Dice ca là po’ guari’ d’ ‘a pazzaria. Si po’ nun guarisce, nun ‘mporta pecchè là nun ce sta troppa differenza.

AMLETO E pecchè nun ce sta differenza?

MARMISTA Là nun se n’accorge nisciuno, pecchè so’ tutti quanti pazzi.

AMLETO E chest’ ata lapide a chi appartène?

MARMISTA A uno ca sta sotto terra da almeno venticinc’ anni. Ogni tanto babbiàva. ‘Na vota me vottàvo ‘ncapo ‘nu fiasco ‘e vino. Quanno m’arritirai ‘a casa, mia moglie me mazzuliàvo pecchè se penzava ca m’ero ‘mbriacato. Se chiamava Giarrìco Russo, faceva ‘o comico jenno a casa d’ ‘a gente pe’ pochi spicci.

AMLETO Ma allora a chisto io ‘o canuscevo! Era ‘nu guaglione assai spassùso. Quanno ero criatùro, me faceva pazzia’ cu’ isso purtànnome a cavalluccio e mo’ guarda qua, è sulo ‘na lapide ‘mpietto a nu muro. Tutti chilli vasi ca m’ha dato cu’ chella vocca ca po’ te sbeffeggiava e te faceva mille smorfie pe’ te fa ridere.Mo’, ‘o vi’, vulesse jì addò chella fémmena ca tu sai, Ora’, e le vulesse dicere: “Hai voglia e te mettere ‘n faccia tutto chillu fondotinta, ‘o russetto, ‘e ciglie finte. Tu farrai lu stesso ‘a fine che ha fatto Giarrìco, ca è sulo ‘nu cadavere puzzolente sott’ a ‘nu parm’ ‘e terra.” Si è capace ‘e ridere pe’ chesto!

(Passa un prete con la stola nera e la faccia mesta. Porta un aspersorio e scuote la testa, ancora incredulo per aver dovuto benedire una ragazza suicida.)

AMLETO (Ferma il prete) Scusate, ‘on Gennari’, ma da dove venite cu’ chella faccia mesta?

DON GENNARINO (Non riconosce Amleto) Sapissi, bellu guaglio’. Àggio dovuto benedicere ‘na scummunicàta ca s’è accisa. Si nun fosse ca àggio avuto ordini da ‘nu superiore ‘e Roma, io nun me fosse scomodato pe’ porta’ l’acquasanta e chella fosse stata sutterrata into a ‘na fossa scunzacrata. Invece, hanno fatto suna’ pure ‘e campane! Che me tocca ‘e vede’! Però so’ riuscito a nun dicere ‘a Messa pecchè nun le voglio assicura’ ‘o stesso ricietto ca tocca a ll’anime benedette ca so’ morte in pace. Chillu fetente d’ ‘o frate Laerte me steva pure mannànno a chillu paese e sulo pe’ poco nun m’ha miso ‘e mani ‘ncuollo!

AMLETO (Tra sé, scioccato) Ma allora se tratta ‘e Amelia?

(Arrivano Giltruta e Laerte reduci dal funerale di Amelia)

GILTRUTA Mamma mia che dulore! E penza’ ca io ‘a vulevo fa spusa’ cu’ Amleto. ‘Nce vulevo fa’ n’apparata ‘e sciuri dinto ‘a chiesa pe ‘o sposalizio, e mo’ m’è tuccato ‘e ‘ncia fa’ pe’ l’esequie.

LAERTE Àggia manna’ ‘na jastèma a chi ha fatt’ escì ‘e capa Amelia. Chillu scurnacchiàto àdda fa’ ‘e chiattill’ ‘into ‘e mutande, àdda pava’ chiu diebiti d’ ‘o Stato italiano e chillu greco missi ‘nzieme, ll’anna vutta’ ‘nfaccia miezzu chilo ‘e chiarfo esciuto frisco frisco da ‘int’ ‘o naso, s’àdda spezza’ ‘a chiave int’ ‘a serratura, quanno s’arretìra ‘e corsa ‘a casa cu’ ‘a cacarella ‘mponta ‘mponta e po’… àdda murì cu’ ‘na funa ‘ncanna! …e nun l’abboffo ‘e male parole pecchè songo ‘nu signore.

(Amleto fa gli scongiuri nascosto dietro un angolo, poi riflette tra sé, desolato.)

AMLETO Mamma mia e che àggio cumbinato! Pover’a me!

LAERTE Povera sora mia, era accussì bella. Io ‘a vulevo accussì bene ca nisciuno ‘a puteva ama’ chiù de me.

AMLETO (Esce dall’ombra, mentre tutti restano sorpresi nel rivederlo, pensando che doveva essere a Milano) Guarda ca sul’io ‘a vulevo bene. Quarantamila frat’ missi ‘nsieme nun putessero appara’ manco ‘a metà de l’ammore ca l’àggio vulut’ a’ Amelia. È stata l’unica fémmena pe’ me e rimmarra’ pure ll’urdima. Mo’ moro pur’io appriesso a essa. (Incassa le spalle depresso)

LAERTE (Urlando) Mo’ te spacc’ ‘a capaaaaa! (Si scaglia su Amleto)

AMLETO (Infuriato) Lievem’ ‘e man’ ‘a cuollo ca sto chiù ‘ncazzato ‘e te e nun saccio quanto pozz’ essere pericoloso. Se sì furbo, me à lassà sta’. (Si calma ma è turbato) Pure si te dico ca t’àggio vulut’ bene comm’ ‘a nu frate, mo’ è tutto inutile. Mo’ t’è fissato ca m’ ‘a odià e io nun ce pozzo fa chiù niente! (Amleto lancia un urlo e sembra scagliarsi ancora su Laerte.)

CLAUDIO Levatancell’ ‘a nanzi se no chill’ l’accide. (Amleto fugge via)

GILTRUTA (Rivolta a Orazio) Oraziu’, va appriesso a’ Amleto, te voglio bene, prima ca cumbìna còcche guaio gruosso.

CLAUDIO (Rivolto a Laerte) Siénteme buono, io te voglio cunziglia’, si te fid’ ‘e me.

LAERTE Dicìteme tutto fuorchè ‘e fa pace.

CLAUDIO Laerte, tu te stai chiedenn’ pecchè nun àggio punit’ Amleto comme s’ammeretava. E mo’ t’ ‘o dico: primo, pe’ mezz’ ‘e muglierema Giltruta ca vive sulo pe’ isso e io, vuo’ pe’ destino, vuo’ pe’ maledizione, nun respiro senza ‘e ‘sta fémmena. Po’, pecchè ‘a gente ‘o vo’ bene e io nun pozzo delude ‘e perzone ‘e ‘stu quartiere. Me ‘a dicere ‘na cosa, però: tu pruovi veramente dulore pe ‘a morte e pàtret’ o è tutta ‘na finzione?

LAERTE Comm’ ve vene pe’ capo e me chiedere ‘sta cosa?

CLAUDIO È sulo pe’ capi’ o che fussi capace ‘e fa’ pe’ dimostra’ ca ‘o vuo’ bene, nun sul’ a chiacchiere ma co’ ‘e fatti. LAERTE Scannàsse Amleto pure ‘int’ a ‘na chiesa.

CLAUDIO Pecchè te ‘a cunfina’ into a ‘na chiesa. ‘A vendetta nun àdda tene’ confini. Si vuo’ accidere Amleto, te dico io quello che ‘a fa’. L’ àggio appreparato ‘na trappola ca nun po’ fa a meno e ce cade’. Si isso more, nùje nun tenimmo nisciuna colpa e manco ‘a mamma po’ ave’ suspetti. Tutti quanti se pensarrànno ca è stato n’ incidente.

(Manda una persona di sua fiducia a comunicare di aver fatto una scommessa sulla eventuale vittoria di Amleto nel caso avesse duellato con Laerte.)

O’ STREGONE (È un negromante gay. Non si fa scrupolo di offrire i suoi servigi al miglior offerente. Veste in maniera piuttosto eccentrica e porta amuleti appesi al collo e alle braccia. Ha un atteggiamento sdolcinato) Caro Amletino, me fa tantu piacere ca si’ turnato a Napoli.

AMLETO E grazie!

O’ STREGONE Sienteme, Amletu’, so’ venuto pecchè m’ha mannato ‘on Claudio pe’ te dicere ‘na cosa.

AMLETO E dimm’, dimm’!

O’ STREGONE ‘On Claudio ha fatto ‘na scummessa ca tu, si fai ‘na sfida co’ a Laerte, vinci doppo meno ‘e ‘nu minuto. Tu, a Laerte, ‘o canùsci buono?

AMLETO Pe’ pute’ dicere ca se conosce a coccherùno, ci’ àmma cunosce’ prima nùje stess’.

‘O STREGONE ‘On Claudio ha fatt’ ‘a scummessa ca, si ve sfidat’ co’ ‘o curtiello, tu ‘o ‘ccidi sicuro, senza ca chill’ po’ replica’! Vole ca ve sfidate subito, pecchè ha scummìsso ‘a barca ca tene a Mergellina. Si pierd’ tu, l’ àdda regala’ a me e io nun vedo l’ora ca pierd’…pecchè ‘o saccio ca pierd’ sicuro.

(Amleto fa, tra sé, le sue riflessioni, cambiando, decisamente, il corso del finale rispetto all’originale shakespeariano. Si rivolge al pubblico)

AMLETO A questo punto io dovrei cadere nella trappola di zio Claudio che prevede che io, per orgoglio, faccia una lotta con Laerte, lui prepari un bicchiere di vino avvelenato che io dovrei bere durante il duello. Invece, il vino viene bevuto da mia madre Giltruta. Laerte mi dovrebbe ferire con un coltello la cui punta è avvelenata, ma confonde il suo coltello con il mio e, dunque, sarei io a ferirlo mortalmente dopo che pure lui mi ha ferito con la lama avvelenata. Mia madre muore, Laerte prima smaschera i piani di zio Claudio, che viene accoltellato da me, e poi muore. Arriva Bracc’ ‘e fierro che si autoproclama nuovo guappo della Sanità dopo che ha dato onori alla mia salma, perché, intanto, moro pur’ io. (Fa gli scongiuri) Uh mamma, e che arravuòglio!E io, poi, dovrei uccidere ancora, far scorrere altro sangue, lavare l’onta per la morte di mio padre con altre morti? Già nun supporto l’idea ch’ àggi’ accìso a Paolone, figuràmmoce! Noò! Io sono napoletano! Mi basta una bella mangiata per far sparire ogni malumore. Ma chi me lo fa fare di spargere morte intorno. Per vendicare un solo defunto, per quanto importante per me, io dovrei diventare un assassino e uccidere tante persone diventando peggio di chi mi ha fatto torto? ‘A capa nun è bona! Accussì murimmo tutti quanti e facimmo nu bellu piacere a Bracc’ ‘e fierro ca se piglia, bellu bellu, ‘o cummann’ ‘e ‘stu rione.Tié! (Fa il gesto dell’ombrello) Ma che me ne ‘mporta! (Passa un rosticciere ambulante) Oggi mi voglio mangiare una bella frittura di pesce ca àdda jì annanz’ ‘o re. Me faccio ‘na bella panzàta e passa tutte cose. (Prende un cono di carta pieno di frittura, il classico “cuoppo”) Guardate qua, ‘sta frittura fa risvegliare pure i morti. Sentite che profumo!

(Pian piano, senza che nessuno ancora li veda, si presentano Aitano ‘o Bersagliere, Amelia e Paolone che, sbucando da un angolo un po’ imbambolati, annusano l’aria con un evidente desiderio di quel cibo. Intanto, Orazio si avvicina e dà la mano ad Amleto mettendogli l’altra sulla spalla in segno di apprezzamento, Claudio, sebbene guardingo, si avvicina anch’egli, Giltruta sorride e fa una carezza ad Amleto, poi ha un sussulto pieno di sorpresa e di spavento quando vede il suo defunto marito, Amelia e Paolone avvicinarsi.)

GILTRUTA Marònna mia! Tengo l’allucinazioni! Gesù, Giuseppe, Sant’Anna e Maria, jì vedo a maritem’ ca è muorto… Amelia ca s’è accisa, Paolone ca è stato acciso. Stanno qua, ‘e vedo comm’ si fossero ancora vivi. Mamma mia, me sento male! (Sviene)

AMLETO Papà, Amelia, ammore mio, Paolo’, pure tu! Ma allora sit’ vivi tutt’ e tre!

AITANO ‘O BERSAGLIERE, AMELIA E PAOLONE (Contemporaneamente) Simmo vivi… e tenimmo ‘na languitèzza ’e stòmmaco.

AMLETO Ma allora era tutta ‘na finzione! Nun sìti muorti ovèro.

AITANO ‘O BERSAGLIERE None, a papà, nun era ‘na finzione. Èrimo muòrt’ ovèro. È stato ‘o Stregone ca ha fatto ‘nu sortilegio e ci’ ha fatto turna’ ‘ncoppa a ‘stu munno. In cambio, ll’àggio prummis’ ‘na barca ca tengo a Capri, tanto nun me serve: ne tengo n’ati tre. Comunque àggio apprufittat’ ‘e ‘sti mumenti ‘e murtarìa pe’ mette’ alla prova a màmmeta ca diceva ca me vuleva tanto bene! Invece… Menu male ca àggio capito cu chi aveva a che fa’. Aveva ragione zìata Jessica, ca diceva ca màmmeta s’a ‘ntenneva già da tiempo cu’ zieto Claudio, chillu ‘nfamone.

GILTRUTA (Nel frattempo si è riavuta) Nun è overo, è ‘na calunnia!

AITANO ‘O BERSAGLIERE Ma si t’àggio vist’ io ca te ‘nturcinavi ‘int’ ‘o lietto co’ chill’omm’ ‘e quatto sord’ mente io facevo ‘o fantasma! Tu nun me vedivi, ma io sì e sentevo pure chello ca dicivi, ca l’amavi già prima ca io murev’. Sai ‘na cosa, statte cu’ chillu fetente, tanto io àggio capito ca è assai chiù meglio sòreta Jessica. È chiù giovane, chiù bella, tene ‘o core buono, è fedele…o, almeno, spero e, soprattutto, sape cucina’ ‘o pesce (manda un bacio dalla punta delle dita) al bacio. (Abbraccia Jessica, sopraggiunta in quel momento, mentre Amleto fa altrettanto con Amelia)

JESSICA Aita’, quanto so’ cuntenta ca si’ turnato, tu non ‘o puo’ capì. Ma fatte guarda’, stai nu poco palliduccio.

AITANO ‘O BERSAGLIERE Mo’ me ripiglio. Me faccio ‘na bella mangiata e accussì me passa ‘stu culore ‘e murtarìa.

(Fanno la loro comparsa anche Rosicann’ e Guidariello. Hanno il viso cereo. Sembrano dei morti viventi.)

AMLETO Cari amici! (tra sé) ‘Sti duje piezz’ ‘e fetient’! (Si rivolge a Rosicann’ e Guidariello) Siti resuscitati puro vùje?

ROSICANN’ No, nùje nun simmo mai muorti.

GUIDARIELLO Eh! Ma c’è mancat’ poco accussì. Tenimmo sulo ‘e recchie abboffate ma po’ passa.

ROSICANN’ ‘E recchie? Fosse sulo pe’ recchie!

AMLETO E che buo’ fa! Avit’ avuto sulo n’assaggio ‘e chello ca vulivev’ pe’ me. Comunque, ve perdono pecchè so’ troppo cuntento ca è turnato papà, ch’ àggio rivisto Amelia. (Rivolto ad Amelia che abbraccia con trasporto) Amelia mia, mo’ che t’àggio ritruvato, nun te lasso cchiù. ‘Nce spusàmmo subito.Àggio penzato ca, pe’ ‘o sposalizio, facimmo fa’ ‘o “catarìng’ ” a’ ‘o “Santobono”.

AMELIA E pecchè, ‘e spitali fanno pure ‘e ricevimenti?

AMLETO Certo! ‘Nce sta “Ciro l’avvelenatore” ca s’è appardàto ‘a mensa. Distribuisce i pasti a ‘e parienti d’ ‘e malati. Fa ‘o mangia’ buono.

ORAZIO “Ciro l’avvelenatore”: un nome, una garanzia! Ma che stai dicenno ne Amle’, ma allora nun era ‘na finzione, tu si’ pazzo ovèro!

AMLETO Ma pecchè, nun è buono ‘o mangia’ ‘e “l’avvelenatore”?

JESSICA Amle’, ma chiuttosto te preparo io ‘nu bello pranzo. Cominciammo cu’ ‘na bella ‘mpepata ‘e cozze…

AITANO ‘O BERSAGLIERE Nun m’annummenàt’ proprio. Me sento male sulo a ‘nce penza’! Manco muorto me mangiasse ‘n’ ata ‘mpepata.

AMLETO Àggio capito, allora ve porto a mangia’ a tutti quanti ‘ncoppa Pusillec’. Va buono?

TUTTI IN CORO Sììììì!

AMLETO Però a zio Claudio…

CLAUDIO Abbàra a chello ca dici!

AMLETO …a zio Claudio ’nce faccio preparà…

CLAUDIO Che me vuo’ fa apprepara’? (Tra sé, preoccupato) Mo’ chisto m’abbelena!

AMLETO …’na bella ‘nzalata ‘e mare… però… co’ pesce fràceto accattato addù Nicola ‘o pisciauolo. Ah! Accussì se ‘mpara!

CLAUDIO Amle’,‘a capa toja nun è bona!

ORAZIO E mo’, guagliu’, jamm’ tutti quanti ‘a pruva’ ‘o pranzo pe’ ‘o spusalizio, forza, jammo bell’ ja’!

AMLETO Guagliu’, me sento felice! Oggi è proprio ‘na bella jurnata: papà è turnato, Amelia è turnata e me pare chiù ‘nnammurat’ ‘e primma, Paolone… (Mette un secondo la mano sulla bocca, poi prosegue) …Paolone, è turnato pur’ isso…e abbàsta ca se fa ‘e cazz’ suoje. Oggi ‘nce sta ‘o sole, ce jamm’ a fa ‘na mangiata guardanno ‘o mare chiù bello d’ ‘o munno, cocche cusarell’ ‘e sord’ m’ha data Recchialonga…e che vuo’ chiù? (Fa una lunga pausa) Menu male ca simmo ‘e Napule, addò ‘nce piace ‘e ‘nce fa’ ‘na risata, ‘e campa’ buono, e addò ‘a morte... (Fa una nuova pausa guardando verso gli amici, verso Amelia, la madre e gli altri, poi allarga lo sguardo verso il pubblico come se volesse includere tutti)…pò pure aspetta’!

Fine